順德美食餐廳

營業中

休息中

呢日約左巴膠朋友一齊搭104去到白田總站，我地唔知呢區有咩食，落左巴士行行下就見到呢間，有個呀姐好友善咁問我地係咪食野，我地見到價錢OK就入左去。雖然呢間茶餐廳好似好地踎，但就出奇咁乾淨！又冇乜油煙味！我想食炒野，呀姐推介食揚州炒飯，我個巴膠朋友就叫左咖哩雞扒飯。揚州炒飯夠鑊氣，好大份！咖哩雞扒飯有驚喜，咖哩雞扒係分開上，好大兜，而且雞扒係切開左！好啱唔識用刀叉的人！咖哩汁入面又有好多料，薯仔呀洋蔥之類！呢間野都幾平民，好多呀叔吹水，粗口夾雜，都幾搞笑！我見到掌櫃都同佢地傾得好投入！

第一次光顧，平時不住這裡，因為幫學生補習路過。蠔仔肉碎湯飯43元，很大一份，量足，味道也好。蠔仔處理得乾淨不會有沙，肉碎也有肉香味。值得。這是一家用心做飲食的餐廳。

石硤尾真係冇乜嘢好食夜晚落街都唔知食乜好求其行去出去是但食就入咗呢間叫順德美食嘅嘢星馬泰風味晚餐價錢都算係街坊價嘅泰式炒金邊粉 $52好難食 又冇乜味又炒得冇獲氣完全唔掂都唔知自己食緊乜咁佢又唔濕嘅 都唔乾 但成碟嘢好差 好淡 冇味好似放咗好耐咁 都唔覺即炒好唔掂啦總之就 我都冇食晒啦所以瑤柱蛋白炒飯 $52同個金邊粉一樣樣 都係冇乜味但兩個相比 呢個叫正常啲可以放得入口嘅佢都真係炒飯黎嘅 不過都係唔好食啫檸茶賣單 百幾蚊

已經隔左一段時間冇幫襯，點知今次更難食，老闆娘又搞笑，總之一肚氣。今次詳細情況係咁，首先同老婆兩個人去買外賣，上次幫襯過咕嚕雞球，又硬又厚粉，今次諗住安全啲，見到肉醬意粉，茄汁雞扒燴飯，茄汁雜扒燴飯 以及 試試泰式炒金邊粉 四款。連計 1杯凍檸水 1杯凍檸茶，一共盛惠 218蚊。落柯打時，見到餐牌寫住 鮮茄雞扒飯，又見到 茄汁雜扒燴飯，我怕老闆娘搞錯，所以落柯打時一再確認咁問老闆娘，茄汁燴飯既茄汁，係唔係西式嗰隻茄汁，佢話係。好，冇問題，咁我地所以要 茄汁燴飯。。但到頭來返到屋企一打開。。。真係冇眼睇，又係中式用洋蔥整嗰隻汁。另外，當我落柯打之後即刻比錢，老闆娘喺我比錢唔夠幾分鐘之後，又問我比左錢未。仲有。。。肉醬意粉個外賣蓋變晒形。。。你話點搞，真係樣樣野都令條氣唔順，如果唔係白田邨冇選擇，而今日又落雨，真係完全唔會考慮呢間，經過今次，真係唔會再有下次，各位街坊幫襯前要三思。

附近嘅茶餐廳嚟講，呢間算係咁。平時都經常叫外賣。茶記當然唔好預有服務啦！8:40分去到阿姐話快啲落單啦，要洗爐喇！叫左2碟野+2杯飲品都落錯晒單就真係......Order西炒飯來了楊州炒飯...問我要唔要。其實我自己食就會照要，但小朋友最愛楊州炒飯，冇計。麻煩加少少茄汁炒過啦！叫個焗豬扒意粉，新手阿姐落錯單寫左飯，好彩有個老手阿姐睇到改得切。但新手阿姐好可愛，問我意粉係要字要寫邊個「以」 ....我啞左...可愛焗到出嚟又唔差嘅，不過唔知點解冇乜味。新嘅脆爆華田同奶茶都唔差，華田夾啲，奶茶好似唔係好夾

今天與同事一同進餐只為填飽肚子,故隨意走進這餐廳,點了個午餐。餐廳空間較大,雖然與其他食客共桌,但因圓枱較大,所以也坐得鬆動舒服。我點了午餐: 豆腐排骨飯。份量很大,飯多,足夠吃飽有餘。(男性也能飽肚)不過食物味道一般,排骨沒甚味道。而且坎汁太稠,有點糊狀,如果可以稀一點會較好凍檸茶: 味道ok,有茶味,不過不失。欣賞: 員工記得幫我少冰及走飲管啊! 整體表現屬ok,如只是想坐得舒服,填飽肚子,也可以試試。

能夠座落石硤尾一條横街偉智街多年嘅家庭式經營小菜館，自有其優點，實惠經濟係基本經營之道主打套餐地道廣式小菜，特別清蒸筍殼魚，新鮮游水嫩滑，老板親自入厨做刀手另外，酸甜生炒骨味濃份量夠蝦醬牛肉炒菜心，入味肉厚菜嫩老板娘好好人送上每人一碗例湯西洋菜最後重有餐飲真貼心埋單都係唔使三百，抵吃

滑蛋鮮茄牛肉湯飯🍅🍲($36)估唔到好大碗湯飯😋😋，而且十分足料🍅🍚，外表一般😂，但味道唔錯😋，有好多蕃茄🍅和牛肉🐮牛肉和蛋都好滑，而蕃茄係甜的，唔係酸嘅, 不過食到最後覺得有d鹹🙁，但食完超飽肚😎 抵食😍😍估唔到樓下有間價錢唔算太貴嘅茶餐廳，環境都算乾淨🤗，而且多款式，下次會再去👅可以試下其他野食😁😁

星期日去石硤尾嘅手作市集，2點幾搵咗野食醫飽肚先行市集，上次已經試咗附近嘅車仔麵，今次見到有間好多人嘅茶餐廳，諗住唔會差得去邊，入去試試佢嘅下午茶餐，叫咗一個星洲炒米，一個雞脾併薯條。先黎個雞脾併薯條，薯條同雞脾都係熱辣辣，薯條即炸夠脆唔燶，不過雞脾就有點鞋。星洲炒米上枱亦係熱辣辣，係即炒嘅但唔算好油膩，不過份量唔太大碟，女士剛剛好，男士就應該唔夠飽，都有一般星洲炒米嘅味道但美中不足嘅係啲料只得少少火腿絲。以$31(凍飲加$3)黎講算係咁

白田“順豐速遞”寄件 路過”順德美食餐廳“店名幾親民又有啲客 就試食呢間下午餐女侍應有招呼嘅 一叫就到氣氛隨和 街坊free 有的士哥 一家大細 成條街都係餐廳小食店 有競爭價錢親民 下午茶餐 連飲品 31元 星洲炒米 ~ 有鑊氣咖哩香唔太油 但分量唔多有幾隻虾仔 & 火腿絲 但冇落义燒送餐飲 可以轉例湯例湯~ 冬瓜豬骨湯 用心煲嘅家常老火湯鮮蠔仔肉碎湯飯 ~蠔仔絕對唔講得上“鮮” 蠔仔超細隻 黑色 超腥味重 落咗好多芫荽(係1棵棵嘅)但都除唔倒湯嘅腥味

星期六下午茶時間路經石硤尾，選擇了這間順德美食餐廳，座位頗為寬敞，客人很少本身是炒飯麵愛好者，今次點了咸魚雞粒炒飯，上檯時，感覺飯很濕，以為是炒得不夠時間，原來是廚房下油太多，吃完肚有點不適朋友點了星洲炒米，唔夠乾身，同樣係油太多，味道就可以奶茶夠茶味，很香滑整體價錢和服務都ok,但炒野就唔好試！

這天午飯時間走到白田邨附近的順德美食餐廳。名叫美食餐廳，其實說到底就是一間典型的茶餐廳，由於附近有頗多住宅樓宇，午飯時間偏僻如這裡亦差不多滿座。餓極了，友人和我分別點了一碟咖哩牛腩飯和男人的浪漫，重口味的我點了一杯凍齋啡走甜。凍齋啡走甜茶餐廳的獨有產物，保證不用高級咖啡豆，只用咖啡膽加水加冰沖成，此茶餐廳的咖啡膽竟充滿咖啡香氣，苦中帶甘，可以一試。咖哩牛腩飯友人的咖哩牛腩飯，咖哩膽為自家制，不用坊間現成的咖哩磚，香而不辣。咖哩中看到有八角香料，但汁底略嫌太稀。牛腩入味，但咖哩中沒有薯仔或其仔配料，味道單調。男人的浪漫豆腐火腩飯的火腩炒得香口，唯火腩的部位不佳感覺較硬。油豆腐不過不失。齋啡飲至一半發現杯中污垢，由於已經不能挽救，而這杯東西也太好飲了，最後都乾了它。香港的連鎖式餐館愈來愈多，家庭式作業的茶餐廳當然要支持，三四十元的午餐有此質素已經滿意。此處鄰近賽馬會石硤尾創意藝術中心，如經過附近也可一試。

on show 之期有45分鐘dinner 所以喇喇聲黎左呢度食, 食野食得慢既我就諗住叫d 易煮d 既野食諗住佢快上d我就可以早d開始食, 點知錯晒哈哈我叫左個餐肉肉丁通粉, 朋友就叫左干炒牛河,, 點知炒野竟然上先, 而且炒得好有穫氣, 幾好食!個牛肉都幾新鮮我都忍唔住食多左朋友碟野幾啖, 等左好耐我個通粉終於到, 真係好普通唔知點解佢要煮咁耐.不過不失, 不過偏貴, 一個通粉竟然要成33蚊要有埋凍飲