影片
電話號碼
20345517
營業時間
今日營業
08:00 - 23:00
星期一至日
08:00 - 23:00
以上資料只供參考, 請與餐廳確認詳情
好好食呀，牛腩又大件又淋，湯夠味，辣椒油香，其他牛雜都唔錯，好想帶埋朋友嚟食，可惜太遠，剩係得皇后山居民有口福，屋企人每個禮拜食一次。小店經營環境寬敞，姐姐親切。佢唯一不便的就是只收現金，還有飲品要少甜！
繼續閱讀
牛腸、牛肺、墨魚丸、魚蛋河粉＋凍手打魚蛋頗有水準，魚片和 墨魚丸都爽口彈牙，蛋麵煙韌，口感不錯，配埋蔥花清湯，味道豐富。 牛肺、牛腸份量頗多好抵食 亦足夠入味茶味香濃既凍鴛鴦☕️走左甜亦帶出郁咖啡香☺️ 為醒腦醒神既假期做充電準備鋪頭細細，但感覺很有人情味，店員很親切。另外見到店員食脆卜卜魚皮，好脆口又吸引！下次一定要試試！
繼續閱讀
粉麵店係屋邨食肆必需嘅！皇后山邨呢間仲要幾高質，我已經食過好多次😂今日終於記得影相讚下佢。牛腩撈麵，我老公次次都叫呢款❤️話佢D牛腩又大舊又淋🤩幾抵食好味。我本身想食雲吞麵，但見到出緊餐個牛雜麵好正。所以今次第一次叫牛雜河，勁正！D餸切得好大件。真心抵食
繼續閱讀
今日嚟到粉嶺嘅皇后山邨忽然好想食雲吞麵就去咗呢間潮記粉麵試吓鋪面唔係好大只有六張枱左右2:30左右去到有三枱客全日單一劃價，冇下午茶餐！雲吞麵$34，普通嘅清湯咁唔係太濃味唔係大地魚湯，好多蔥粒加咗蔥粒特別好味！😋雲吞有五粒都幾大粒，都幾足料啖啖肉每一粒都有一至兩粒蝦，個人認為雲吞好好味！面嘅份量唔算好多，幼身唔算好彈牙，有好微弱嘅鹼水味！如果鹼水味重啲就開心啲啦！🤣🤣最後試埋佢枱面嘅辣椒油唔算好辣，但係都幾香！個醋都幾酸估計冇溝水，正！👍🏻👍🏻皇后山邨好似唔太多餐廳呢間可以一試，仲要係唯一一間雲吞麵舖！👍🏻👍🏻
繼續閱讀