影片
港鐵土瓜灣站D1出口, 步行約9分鐘
繼續閱讀
電話號碼
29948001
付款方式
其他資料
電話訂座
以上資料只供參考, 請與餐廳確認詳情
早餐食得太多粉麵，於是去呢間餐廳試吓西式早餐，叫咗個雞扒餐，有茄汁豆、香草煎雞扒、多士、煎雙蛋、熱咖啡。多士夠脆，唔會太燶。茄汁豆暖暖的，唔會凍冰冰，非常好。雞扒煎得唔錯，有香草係上面，增加食慾。煎蛋係用模具去煎，夠厚，有蛋味。最值得讚係杯咖啡，咖啡味濃，又有奶香，係我鍾意嘅味道。朝早都幾多人食，係一間平民嘅西餐廳。佢嘅廚房同堂食位置係分開兩間舖，所以完全唔會有油煙味，唔會整到啲衫一浸味，呢個係非常好的😀
繼續閱讀
今日求其介紹下平時食開既餐廳SalsaSalsa係一間西餐廳 每日午餐餐牌只有4款十分易揀 岩晒有選擇困難症的我每款午餐會跟一份沙律/餐湯和一杯熱飲凍飲加兩蚊餐湯只得一款 通常都是忌廉湯岩晒十分喜歡忌廉湯的我呢度嘅忌廉湯幼滑香濃十分creamy又唔會太漏 係我心中呢個湯係非常高分不過因為求其食嘅關係今次係無影到個湯😂主菜揀左紅酒汁牛扒意粉紅酒汁不會太濃只有少少紅酒香個汁甜甜地 牛扒唔算靚 不過質地適中 唔會韌 味道中規中矩 對得住五十幾蚊這個價餐飲我一般都會叫熱檸茶 這裏的茶不澀 紅茶味清香 檸檬份量足 我喜歡偏酸一點岩晒環境方面坐位不多 但都十分闊落 整體來講十分不錯
繼續閱讀
🍾用餐體驗紅磡嘅崇潔街係美食街，成條街都有好多嘢食，平時lunch嘅時候經過呢間餐廳都比較多人，都要排吓隊咁，但西餐嚟講勝在又抵食又好味，試過一次之後已經成為咗我嘅飯堂😋😋🖼環境餐廳唔算好大，但就完全無壓迫感，裝潢以簡潔為主。飲料：☕️ 咖啡 Free呢間餐廳嘅咖啡沖得香濃又好飲，通常食lunch叫一杯都可以提提神，每次飲完都有一種幸福感😌主食：🤍 肉眼牛扒黑椒汁配中東包 $56塊肉眼牛扒叫咗七成熟，肉質好嫩滑，咬落去口感好實在，配埋黑椒汁好match。平時食西餐都係配意粉或者薯菜之類，呢間餐廳好特別，可以配中東包，點埋個黑椒汁食，又好味又特別🤭🥰🍾
繼續閱讀
偷得浮生半日閒⋯⋯今日黎到紅磡工廠區附近，食早餐同嘆杯咖啡☕️🤤🙂呢間咖啡店早餐係同區算有質素同好食，咖啡亦好飲。呢份係咸牛肉炒蛋薯餅配多士，蛋又香又滑，薯餅又熱又脆！
繼續閱讀
Salsa 餐牌上其中一個選擇係吉列豬扒, 有DD懷疑 Salsa 炸得好唔好食, 因為 Salsa 平日嘅五款 Lunch set 都係以牛扒豬扒羊架龍脷柳什會海鮮西式野為主, 極少見吉列豬扒.望望旁邊位 OL 嘅吉列豬扒意粉, 外相好鬼吸引喎! 件吉列豬扒比 OL 更吸引喎! okay 試試先!首先豬扒係厚切, 外相好有日式 feel, 外層出奇地脆口, 係我幫襯 Salsa 最滿意嘅一次. 豬扒 Juicy 有肉汁但無點醃過, 所以要點一點伴碟嘅他他汁, 哩個汁酸酸甜甜, 豬扒點咗變貂蟬, 味道馬上提升, 正!今次失色係碗西湯上, 份量少咗, 而且淡咗D唔夠濃郁.最擔心唔夠嘅冷氣尚可接受, 滿意.
繼續閱讀