影片
開飯介紹
主打蒸氣鍋及私房菜，選料新鮮；其娛樂設備照顧大人及小朋友需要，如波波池，很適合舉行家庭聚會。
繼續閱讀
營業時間
星期一至日
17:00 - 23:00
以上資料只供參考, 請與餐廳確認詳情
前排睇到有間私房菜 簡。兒。蒸 食粥底海鮮蒸氣鍋 + playhouse, 聽落好似好普通, 但只要5️⃣個人就可以預約, 仲要係包場 (係! 成個場係你, 🤩因為店家一晚只做一枱客!).. 咁吸引, 一於約趙bb 班朋友仔去玩去食喇!店家有幾款海鮮餐價錢選擇, 但款式每次都唔同, 因為店主會喺預訂當日先去街市買材料, 確保新鮮👍🏻我地揀左最平既套餐 ($398), 而小朋友只計小童價有一人一大碗牛肉烏冬! 小朋友食飽飽就可以玩, 大人就慢慢嘆個海鮮餐呀!🤭個餐計埋個海鮮粥底有8️⃣道菜! 元貝 / 龍蝦 / 鮑魚 / 蜆 / 龍躉 / 牛肉卷 / 蟲草花蒸雞! 全部都好有睇頭, 好新鮮, 鮮甜... 係真心好食!🤭(一定次次唔同架, 一定有驚喜🤩)🛝玩樂方面, 除左有小朋友至愛既彈床, 波波池, 滑梯.. 仲有電動麻雀, 唱k.. 全部都任玩架! 雖然地方唔算好大, 但小朋友玩得好盡慶, 大人又可以食住睇佢地玩, 大家都好舒服!👍🏻📍地點 : 簡兒蒸荃灣德士古道168號德豐工業中心一座21樓10室
繼續閱讀
聽朋友講，呢度有得食蒸氣火鍋同有個遊樂場比小朋友玩，所以去左試下。整體來講野食都幾好食，個扇貝同龍蝦都好新鮮，滑雞就咸小小，但食落都好滑，時間拿捏得幾好，同d員工都好有禮貌，會同小朋友玩，會準備埋野小朋友食，等小朋友食飽先到大人食。到我地食既時候，小朋友出面玩 。入面仲有得唱歌同打麻雀，唱k方便真係要讚一讚，個音響真係幾令聲，仲有得山左個房門，唔會嘈到d小朋友玩，分左2個地方，好似有大人既天地同小朋友既天地。去到最後切蛋糕，會主動過來幫手影相，幫我地分好埋蛋糕，幾細心，讚的👍🏻 加油喔💪🏻
繼續閱讀
朋友介紹黎咗呢間 “兒童遊戲室+蒸氣鍋”, 我地今次要咗 “簡” 海鮮餐, 5個成人, 4個小朋友加2個工人姐姐都食得好開心好飽! 小朋友食兒童餐, 工人姐姐食其他餐! 首先係叫小朋友同工人姐姐開餐先, 小朋友食飽休息陣就可以去玩, 工人姐姐可以睇住D小朋友, 之後就輪到我地大人開餐!我覺得呢個餐好抵食, CP值高, 可能因為係小店, 食物質數控制得好D, 擺盤又唔HEA, 唔似出面連鎖店咁! 而且可能係工廈關係, 價錢都抵D, 最開心係5個人就可以包場!!! 老闆話佢日日去街市入貨, 絕對新鮮! 我勁推介馬友, 杞子蟲草花蒸雞! 醃肉調味十分好, 蒸的時間又岩岩好, 真係好香好嫩好好味! 老闆仲送咗 “上湯蟹王醬菊花豆腐” 俾我地, 所有食物都好有誠意, 睇得出老闆好用心去製作! 有D相唔記得影, 下次幫襯個貴餐再影過!小朋友勁開心, 因為有大大個波波池, 又有彈床同滑梯俾佢地玩, 我地成人組可以打牌, 又可以唱K飲下酒! 老闆十分nice, 沒有收開瓶費, 請佢飲返杯就OK了, 結果我地同老闆飲咗成晚! 我推薦呢個地方係因為大人同小朋友都食得好開心同好飽, 小朋友可以放電, 大人又可以放鬆, 因為5個人可以包場, 所以係食得放D開心D, 又唔洗驚D小朋友失控嘈住人!
繼續閱讀
我其實已光顧3次，每次既朋友都是盡興滿腹離開。人地問我是否Party Room?我就覺得係私房菜似d。Menu 有3個選擇，我通常選［簡］，份量都已好足夠。儀式感的重要重視儀式感的你應該喜歡，因為雖然是蒸海鮮，但碟碟都有擺盆，有海鮮，有蔬菜，有顏色，有故事。所以只是影相打卡，話題都夠你講足一晚。但當然，海鮮新鮮，點煮都好味。小朋友唔駛理老闆每次好細心，先用兒童餐隊飽d 小朋友，繼而就讓小朋友在彈床，波波池玩。大家就食得安心又放心。開瓶費合理老闆話開瓶費就係請佢飲酒，酒逢知己千杯少，所以每次來都係喜出望外。希望這個屬於你餐廳既食評，讓你Keep On 繼續努力。
繼續閱讀