影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今日（20-7-2024 Sat）同老公落荃灣回收物資後食個晏，去邊喥食？噚晚我喺湄南.河買咗外賣後，嚟過呢間睇menu，發現有其他好吸引嘅嘢食，於是提議嚟呢間。我哋嚟到喺門口睇menu，距離lunch重有幾分鐘，職員問我係咪外賣？我答唔係，係堂食食，可以叫lunch未？佢答可以，叫我哋坐卡位。我哋坐低後睇完menu，就要一個套餐加啲小食：1. 套餐加$8.00嘅椰子班蘭冰呢個兩種味道都飲到又唔太甜，好舒服，好好味。5分2. 跟餐加$26.00嘅街頭雞肉串燒2串呢個食落，都熱嘅，醬料味道好濃都幾鹹，醬汁都有少少辣，而雞肉都有啲啲嚡。田2.5分3.$32.00嘅娘惹蘿蔔餅2件呢個如果跟餐追加$18.00一件，咁小食正價呢間價錢就變相平啲，食落都熱嘅，但....令我記起香港地道街邊小食嘅蘿蔔絲餅。呢個味道清淡，成個係空空地心，有少少油饐。睇返上次喺2020年12月20日刊登嘅呢篇食評https://www.openrice.com/zh/hongkong/review/%E8%B1%90%E5%AF%8C%E9%A6%AC%E4%BE%86%E5%8D%88%E9%A4%90-e3897218，原來當年我哋有食過。3.5分4. $73.00嘅馬六娘惹茶燻鴨飯套餐由於噚晚冇食油飯，所以今次我揀油飯，呢個重有碗海帶湯跟，個湯鹹淡適中，唔錯嘅。5分油飯味道都唔錯，飯就仍偏少少硬。4分而茶燻鴨呢？見都全部都係去咗骨嘅鴨胸，啖啖肉，食落，只食到重煙燻味，同我哋自己喺凍肉舖買嘅煙燻鴨胸有咩分別？分別就係佢呢度厚切，有口感。1分但佢都有連刀， 老公話廚房把刀唔利切唔到，切唔斷。我就話呢個係廚房嘅責任，佢切唔斷要食客喺冇工具嘅情況下整，咁不如去成件鴨胸扒上碟。5.$42.00嘅娘惹五香雞卷8件呢個如果叫餐追加係$22.00，上到枱，佢所謂嘅8件，其實係兩條雞卷，每條切成4件而已。食落，薄外皮脆口，但有嘅羶味，冇乜味嘅雞肉有啲嚡，可能五香味就只留喺雞皮，同埋五香粉就令雞嘅羶味更出。1分環境：卡位張梳化矮咗啲，而坐嗰張枱冷氣好夠。抵食係2.5分其他：原來上次食評已經提到，佢哋冇小食同飲品menu，消費者係完全唔知幾錢。
繼續閱讀
我地係常客，經常幫襯荃灣哩間馬六，感覺已經和之前唔同曬，好似我地11月2日星期六，下午茶都等左一段時間，其實想坐你地卡座，一向感覺舒適，點知你地餐廳經理,就話卡座搭枱，2個人就坐2人細枱，語氣已經非常差，入黎幫襯仲受你地氣，攪到一向舒適既餐廳變左一間茶餐廳，咁我去茶記食啦，洗幫襯你地，我去你地第2間馬六食都唔係咁，真係莫名其妙。越做越差，感覺已變成茶餐廳！11月9日星期六，我地一家人，帶埋小朋友坐卡位，又再次幫襯你們，我跟你們員工落單，我其實要大蝦喇沙，點知你地員工落錯單，上左另一樣食物，其實好少事，我找你們經理換過正確就ok,點知你地餐廳果個經理，講一輪廢話，又擾攘我，好似唔想換咁，最重要係佢不可一世既態度，好似想同我地閙咬，又語無倫次，完全唔明白我地感受，自己又唔去換，叫其他員工去做，擾攘10分鐘先換，落錯單，我地做客人都會體諒，但個經理對我地客人既態度，真係好反感，最離譜就係當著我地客指責其下屬！攪到錯好似係我地，令到其他員工受責備，我地食都食得唔安樂，其實你地食物都唔錯，改變一下你地既服務啦，趕客走，想食碗喇沙姐，審犯咁！最後，我第一次見員工雙手爬低，同客人討論或落單，馬六經理，睇你名牌叫kelvin，真的令我大開眼界。以上係最近親臨貴餐廳不愉快經歷，大蝦喇沙，跟餐飲品真的無問題，食物質素不錯，好想再次光顧，但如果再不改善更正其服務態度，應該會令好多荃灣街坊及我一家人腳步！
繼續閱讀
[✨荃灣馬六•⭐級星馬菜]#馬六 #荃灣千色匯🥢馬來黑醬油叉燒撈粗 $75叉燒肥瘦適中好幼嫩，入味之餘唔會太咸；撈粗無鹼水味，味道幾好，分量亦好多，正🤩🥢馬來椰香咖喱烤雞扒配米飯 $75咖喱微辣，有好重嘅椰香味，用左啖啖肉雞扒代替雞件，好惹味🤤再配埋白飯，好食到一貶眼就食哂👍🥢五香雞卷x4 (跟餐加配) $22外層香脆，雞肉亦好滑，油膩感適中💯🥢馬拉盞通菜 (跟餐加配) $22炒得好香，而且跟餐都不過係加$22，質素同份量都係超值之選😍☕️凍手工拉茶 +$3茶味濃郁🥳☕️凍香茅橙茶 +$3淡淡嘅橙味幾好喝👍————————♡♡♡♡♡♡————————✨總結嚟左幾次，唔同分店都試過，餐廳上菜速度好快，但食物水準都KEEP得到，卡位多坐得亦舒服，係一間CP值好高嘅新馬菜餐廳，值得推薦🤩💗📍馬六 (荃灣)🏠荃灣眾安街68號荃灣千色匯I 1樓1023A號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣食好西 #荃灣千色匯 #馬六
繼續閱讀
我今日約同好友去位於荃灣眾安街68號荃灣千色匯1樓1023A號舖的馬六食下午茶餐，環境舒適，坐得舒服。我點左個 無骨海南雞飯（油香飯）$65，好友點左個 海南雞清湯米粉 $48，另外點左：斑蘭咖吔多士 $28，馬來黑醬油义燒 $36，娘惹五香雞卷 $22；餐飲係熱柑仔話梅水，熱桂圓紅棗茶。海南雞的雞肉嫩滑好味，配油飯或米粉都好食；斑蘭咖吔多士好香口，馬來黑醬油义燒好味又好食，娘惹五香雞卷好香脆及雞味濃郁，兩款熱飲好潤喉。
繼續閱讀
星馬菜，之前就同大家介紹過獅叔今次黎到荃灣，同大家介紹一間連鎖星馬菜 一 馬六 🌟馬六無骨海南雞飯 $75雞肉嫩滑之餘雞味濃雞油飯充滿油香，搭配經典三色醬，作為連鎖店水準亦吾錯🤤👍🏻🌟街頭雞肉串燒 $22串燒雞肉醃得入味之餘，亦燒得幾香口(搭配沙嗲醬)🤤👍🏻📍馬六地址：荃灣眾安街68號荃灣千色匯I 1樓1023A號舖
繼續閱讀