影片
以上資料只供參考, 請與餐廳確認詳情
一行四個人，想坐耐啲，所以揀咗呢間餐廳。去到二坡坊，點知原來佢搬咗去三坡坊四號。入到去係2個韓國大叔招呼，態度不錯。叫咗四樣嘢，大部分都好食，特別係芝士年糕，好好食，辣得嚟又唔會好滯，唔似出邊個啲，食幾啖就飽。炸雞，好脆，但保留到雞肉汁；見仲有其他味，下次嚟要再試下，一定會想再嚟。三坡坊出邊比較舊啲，相對人無咁多，唔洗趕住走！但食物質素好好，希望老闆愈做愈好*芝士年糕叫咗之後，有個食客見到都跟我哋一齊叫。今次冇燒肉/湯，見到其他枱都有叫，下次都要試下！
繼續閱讀
食完之後，完全顛覆左我對呢間餐廳的第一印象!Three bros chicken pocha係荃灣二坡坊。位置較隱敝，係眾安街小路轉入就見到對二坡坊印象不嬲麻麻地，覺得比較污糟同亂立立，再加上我望入餐廳見到只得一枱客！星期日喎，Lunch時間荃灣周圍都排哂隊，呢度無人，我即刻想走！但呀媽竟然話想試下， 就懷住不情不願嘅心情入左去。餐廳環境唔係Fancy靚靚韓國餐廳，但係乾淨企理，座位闊落，都坐得舒服。老細一時講唔咸唔淡廣東話，一時普通話，我一度以為佢大陸人扮韓國人，但係後尾聽到佢同韓國客人用流利韓文交流，先知自己誤會左無錯，原先個一千零一枱客係韓國人黎，有當地人認證覺得放心左。每枱都會送前菜，有泡菜同魚乾仔韮菜魚乾仔韮菜第一次食，幾好味！魚乾咸鮮，韮菜都好清甜，好Match！泡菜煎餅($78) 都幾大個，差唔多係中Size Pizza，面頭有少少脆，裏面香綿，麵粉嘅微微甜味加泡菜酸辣，簡單嘅味道但好好食！再加埋煎餅醬汁酸酸甜甜，味道層次豐富左，好有驚喜呀！同埋要讚佢唔多油，煎餅個底都幾乾身，再望下個碟都唔多油跡辣炒豬肉蓋飯($60)一上枱個樣成個碟頭飯咁，但食落非常惹味！其實都預左辣炒豬肉係重口味，但係佢調味真係恰到好處，再加埋啲蔬菜絲新鮮爽口，一齊食更有口感豬肉份量都幾多，同埋比較大塊，唔會碎濕濕。(本身無諗住寫食評，所以無影到相)老細好有禮貌同親切，會埋黎問你要唔要水，食唔哂打包又比過新嘅醬汁我地，好貼心。每枱仲有消毒用品我同呀媽都覺得呢餐好滿意，見到佢地星期日Lunch得2，3枱客，一半都坐唔滿！我真係好驚佢地頂唔住食物質素真係好好，十分推介大家多D去支持佢地！！
繼續閱讀
真韓國人在荃灣😱P爺搞完破壞，當然安排晚餐將功贖罪。竟然比佢成功返盤。Three bros chicken pocha位於極難揾位置，荃灣二坡坊，普通人都唔會行入去的位置，咁就走寶。店內裝修現代簡潔為主，店員竟說韓文，當然他也能說廣東話。有正統轉國人，食物即時充滿期待。韓式炒粉絲，彈牙爽口，有功架轉式海鮮湯配白飯，微辣味鮮，開胃醒神生菜豬肉包，配以多種配料：青揚辣椒，蒜蓉醬，酸蘿白，大蒜，紅蘿白，青瓜，蒜蓉九菜，自由配搭，味覺大混戰，淡淡變化，口口驚喜，爽到無朋友。價位相當親民，二人叫埋飲品都是$409不用到尖沙咀韓國街，也能試到正統韓食，光是有韓國人註場已值回票價。心滿意足下，期待下次再試其他食品。
繼續閱讀
呢日去到荃灣二陂坊食飯，以往嚟二陂坊都係食下大排檔同雞煲咁，勢估唔到會有間新開嘅韓國菜餐廳。呢間韓國餐廳係由韓國人打骰，入面仲有為數不少嘅韓國人幫襯添，聽到佢地全程用韓文溝通食飯。韓國菜舖頭必定有嘅前菜，泡菜、薯仔同埋芽菜，都係可以任Fill。人蔘雞湯天氣涼涼地就會好想飲人蔘雞湯，濃郁嘅湯底，飲落暖胃好舒服。呢隻雞煲得好腍，雞入面嘅糯米都會爆晒出嚟。醬油炸雞嚟到韓國餐廳就好想食炸雞，不過今晚人少少，叫半隻就算，大概都有6-7件，性價比相當唔錯!韓式炒粉絲好經典嘅韓國主食，調味唔錯，略嫌火候麻麻。難得出嚟食飯咁開心，梗係整杯啤酒啤啤佢。佢地呢到都有供應韓國啤，我就比較偏愛Asahi Draught Beer。
繼續閱讀
朋友本身想食韓燒，但又未諗到食邊間，跟住就喺OpenRice見到依間新開，所以就黎試下。老闆同員工全部都係韓國人～我地三個人叫左半隻醃醬辣味炸雞，一份五花肉加半份板鍵肉。炸雞嘅粉好薄，放凍左一樣脆身，個醬汁味道有啲似麥樂雞甜酸醬，但顏色係紅橙色，酸酸甜甜好開胃。兩位員工/老闆親自幫我哋燒埋，仲係咁問我地啲牛好唔好食，佢地燒得堅係好味又juicy! 而且有三款鹽比你沾肉食1）黑鹽2）玫瑰鹽3）海鹽，跟住後面嘅五花肉仲加埋鳳梨一齊燒，啲鳳梨香甜爆汁！其實食完依3樣野已經夠晒飽，不過出於好奇心驅使，又叫埋芝士蛋卷，面層加左茄汁同黃芥茉醬，清香嘅雞蛋味同濃郁嘅醬汁味道不斷交替，好特別。配菜嘅款式都多，醃白蘿蔔就已經有3種1）蘿蔔粒2）蘿蔔片3）泡菜蘿蔔，但有一碟應該蒜苔蝦米係最惹味。有機會會再去試埋其他野食，同埋會十分推介朋友黎試
繼續閱讀