影片
港鐵荔枝角站 D1 出口, 港鐵荔枝角站 D2 出口
繼續閱讀
電話號碼
25936888
51148653
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
荔枝角D2 place呢間室內哥爾夫球練習場原來有間西餐廳，咁啱經過見到門口有個menu先知，入面環境幾大幾舒服，又有得睇人打golf，所以就去試下。 我同朋友叫咗一個set同散叫一個主食，人均唔駛$300。 ⭐伊比利亞黑毛豬鞍配時令蔬菜豬胺煎到表面微脆，入口充滿肉汁，肉質食落幾鮮嫩。豬胺仲切到一件件，方便一啖咁食。配埋個黑椒磨菇汁份外惹味。 ⭐鵝肝蝦子撈麵呢道菜式係中西fusion，呢個配搭幾特別。鵝肝好大塊，外皮煎到好香，入口即溶，成口充滿鵝油嘅香味。蝦子份量一啲都唔少，食粗面嘅時候啖啖都食到。 ⭐意大利檸檬撻配焦糖啤梨叫主食可以加$68點埋甜品，食呢個檸檬撻酸酸地可以解油消滯，而入面仲混入咗啲啤梨肉，有啲甜味中和一下，個撻皮亦都整得幾鬆脆。仲跟咗粒馬卡龍，幾好味，唔算太甜。 ⭐蕃茄湯⭐沙律⭐凍檸茶主食加$38有埋是日餐湯、沙律同餐飲，呢個抵加。 整體黎講，呢間啲嘢食唔錯，坐得又幾舒服，幾啱同朋友黎。
繼續閱讀
今日約咗朋友喺荔枝角D2 Place，適逢午餐時間，意外發現一間開業多年嘅室內哥爾夫球場「Golfzon club & dining」裏面有一間西餐廳「Zachary Choice」菜式好得別，細看餐牌，除了一般西餐菜式之外，仲有一些好特別嘅菜式，例如麻辣惹味豬、麻辣噴火鴨、秘魯海鮮漬等等，但係吸引到我入去嘅係「鵝肝蝦籽撈面」，這個組合我喜歡🫶▪️鵝肝蝦籽撈面 $ 158Foie gras • Shrimp roe • Noodle這個創意料理，三樣食材組合起來真係意想不到咁美味，鵝肝超大件，煎得外脆內軟，生熟程度剛好，配合蛋味香濃，爽口彈牙粗身嘅蝦子麵條，再灑上蝦味嘅蝦籽，每樣食材帶有佢哋獨特嘅美味，另外仲有大條得來好鮮嫩嘅露荀，整到菜式真係大癲好食🫶▪️另外+$28 可以享用自助餐湯、沙律吧、麵包及飲品一杯餐湯今日係非常濃郁足料嘅羅宋湯，新鮮沙律菜、蕃茄和紫洋蔥都可以隨便食，仲有新鮮麵包配上黑醋和橄欖油，非常滋味，最後餐飲點上我每日都需要嘅黑咖啡，完美嘅一餐✨另外呢度環境非常舒適，大部份位置都以梳化為主，而且好寬敞，絕對可以悠悠閒閒，好舒服咁食一個午餐，食晚餐最好先致電訂位，因為這裏好多時間都會被客人包場🫶
繼續閱讀
今天朋友帶我去這個室內高爾夫球場裡打golf,順便吃晚餐。餐牌裡好多不同款式，好多選擇。有得打golf, 又幾好玩。野生海蝦帶子意大利麵（$168）：海蝦與帶子的組合帶來豐富海味，海蝦的鮮甜與帶子的嫩滑相得益彰，讓整道菜更加美味。意大利麵煮得creamy，有彈性，幾好食。煙三文魚黑松露意大利麵（$138）：煙三文魚黑松露意大利麵是一道口感豐富且香氣四溢的美食，結合了煙燻三文魚的鮮味和黑松露的獨特香氣。煙三文魚帶有淡淡的鹹味，與黑松露的土壤香氣相互輝映，整道菜的風味層次豐富。意大利麵的口感滑順，吸附了醬汁，讓每一口充滿滋味。整體來說，這餐廳的食物質素都好高，令人滿意。而且仲可以打高爾夫球，真的是個不錯的好去處。
繼續閱讀
本來尼到環境都頗適合見客食飯，平常都有跟同事黎食，野食質素幾好，可惜西餐廳形式..但請著茶餐廳阿姨既侍應，浪費晒個環境！ 事原同公司客人中午去食飯，侍應阿姨好特出咁食緊飯，大嗌問我地幾多位！確實有點尷尬，諗住一場黎到，有公司客戶係到😓唯有都硬著頭皮入去坐低…..個阿姨…依然繼續食😱 無諗過起身招呼😡好彩有另一位較年輕既員工，招呼我地！電話自己落單…..想問句今日咩湯，個阿姨仲繼續食緊飯，我又吾好意思大嗌😓 當已經落好單…個阿姨過黎 ，重覆又重覆叫我地食尼樣果樣，講左兩次吾洗喇，佢先行開😓最重要我都聽吾清楚佢講咩😓 之後我去左廁所，原來我個客同佢點餐飲，個阿姨吾識英文，就無理到佢！ 等我返黎再幫佢order 😤 尼個見客之旅…..真係好尷尬！都吾知仲敢吾敢下次😢
繼續閱讀
#ftf_荔枝角被哥爾夫球嘅美食估唔到D2 Place入邊有得打哥爾夫球，而入面嘅餐廳，水準出乎意料地出色！特別一提，店員阿姐服務態度超好，友善又有笑容，感覺好親切！紐西蘭帝皇鮭魚柳 $168⭐️⭐️⭐️⭐️⭐️擺盤有心思，精緻得來，份量都超驚人！三文魚柳肉質鮮嫩，火候控制得啱啱好，調味唔會過鹹，唔點汁食，都食到魚鮮味，但你點完佢嘅白酒忌廉汁，味道更加豐富，簡直返唔到轉頭，今餐仲配有時令蔬菜，有大量香菇洋蔥，仲有蘆筍同粟米仔，係一啲都唔求其，配菜都好好味，我好肯定平時唔鍾意食菜嘅人，係呢一度會搶着食！午膳跟餐加$28仲可以自己去沙律Bar任不沙律同餐湯，今日有蕃茄湯，唔係出邊嗰啲罐頭湯，係打溶咗蕃茄同胡蘿蔔，仲有啲洋蔥，酸酸甜甜，加埋香草，味道好有層次！沙律都好新鮮，但種類唔多，而麵包好香脆，點湯都好好食！而跟餐仲有餐飲，咖啡就係即磨咖啡，有凍有熱，性價比高！🍴 傳心廚意 (荔枝角)📍 荔枝角長義街9號D2 Place ONE 1樓114-127號舖回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕
繼續閱讀