影片
以上資料只供參考, 請與餐廳確認詳情
無睇錯，亦無打錯，喺隱細，而唔喺隱世。通常講隱世，喺啲不食人間煙火，藏晌深山之處，今次分享嘅食店，只喺隱蔽同細小，經過好幾次和宜合道熟食市場（星期日嘅正午時段），感覺總喺「靜蠅蠅」咁，其實裡面別有洞天，只喺旺晌晚市，而日頭呢？今日所見就只有兩家小店有開，一家賣齋菜嘅滿願福聚，另一家就叫813，點解叫813，佢個餐牌有講個由來。整個熟食市場一啲都唔細，外圍喺各間食店嘅鋪位，因為通道頗闊落，夠擺啲摺枱。而中間位置更可以放下多張大圓枱，所以，現場所見，有多摺枱、加大木板、膠櫈……等等，冷氣欠奉，但多把牛角扇，樓底又夠高，勝在夠晒通爽，喺唔少人嘅「地踎」回憶 ，況且地方又幾企理。從餐牌所知，813可以定性為茶記一間，有早餐、茶餐，其次就喺多款碟頭飯，20、30蚊一餐，極之經濟 ，今時今日嘅世道，好難搵得仲有咁平，主要都喺街坊客及附近學生。結果我同老婆揀咗兩款碟頭飯，已包埋足料靚湯或餐飲。 XO醬雜菌炆米 $32 見到有一欄寫住「自家製XO醬必炒之選」，非常感興趣，十多款選擇，款款都喺賣$32，要咗一碟XO醬雜菌炆米。兩公婆不斷摷吓啲雜菌晌邊，因為唔喺好覺得有「菌」，問問老細會唔會嚟錯，佢即刻解釋佢哋唔喺用一般街外常用嘅乜菇物菇，怕我哋唔識嘢仲拎咗碟嘢出嚟，就喺佢口中嘅白貝木耳（白色大塊）及奏沙耳（淺啡色細塊） ，用嚟切絲炒，口感喺爽爽脆脆，不過得好少；而自家製XO醬果然真材實料，既惹味，又鹹香，米粉炒得啱啱好，又唔會太腍太爛，好食，真喺一道好「隱世」嘅炆米！ 古法椒鹽骨飯 $31 餐牌後有一堆廚師推介碟頭飯，見到有一款古法椒鹽骨飯，真喺想見識吓點古法？古成點？雖話椒鹽骨，其實喺豬扒，再「碎上」，啲豬扒佔滿自創嘅調味粉，入口頗辣，又有點點似七味粉，都幾特別，份量好足，都只喺賣三十零蚊，依個世道真喺抵到爛 。 奶茶叫碟頭飯已餐或餐飲，小弟例叫一杯熱奶茶，飲落唔算好滑，但夠香。 餐湯喺鹹肉煲老黄瓜，熱辣辣，有份鹹鮮香味，夠晒聚火下氣。雖然鋪位細細，賣嘅嘢都好街坊，但估唔到有自家製XO醬賣，大嘅賣$98（200g），細嘅賣$58（100g），仲寫明喺送禮裝，雖然未見其真身，至少味道試過都有番咁上下。餐後同老細鄭生再傾開，最神奇喺原來佢哋仲會做埋私房菜 ，亦感受到佢做菜嘅用心，大牌檔嘅私房菜，有機會真喺想夜晚嚟一次 。
繼續閱讀
第一次唻呢個地方一大班人食飯。地方吾就腳。不過食完之後都覺得好值得專登再去 食多幾次！價錢平。用啲材料全部都好新鮮。老闆同老闆娘比你有一種食緊住家飯既感覺，如果佢地搵個地方搞私房菜一定無得頂啊！
繼續閱讀
由朋友介紹，來到這個比較吊腳的location，說真的不算十分好坐，不過卻有驚喜~ 店主2人極親切，不時主動關心我們的需要，令人感覺像去了親友家中吃飯 一開頭訂只有5位，但店主都幫我們寫了9餸1湯1甜品，每位$200，仲包2杯飲品。後來我們加到7位，他就把每道菜的份量加大。第一道是沙律，用一個貝殼裝住，有生果，好似屋企整果d，隻蝦彈牙~有一個係臘味蓮藕粒，很香，放在生菜上，而且很細心的把菜已經切好了水滴型。泰式豬頸肉份量都幾多，食極都有 XD全日亮點絕對是蒸帶子，這是小妹在全香港吃過最好吃，在那些專門食海鮮的地方也完全比不上，帶子肉極厚，而且熟得剛好，鮮味十足，仲要起左肉~燒雞肉質嫩滑而且有點濕潤感，不是平時吃有點乾乾的那種~蒸魚都很出色，係靚魚(忘了名字XD)。好多肉好滑~ 放久了，店主見我們未吃完，親切的問我們是否要翻熱。送的雪梨湯亦都很受朋友們的歡迎~小店好像挺喜歡紅豆，這裡有供應紅豆冰，華田/Horlick 紅豆同紅豆糕~總結: 小店不論是菜式，人情味，整潔度都很符合住家菜這個主題，會介紹朋友來~
繼續閱讀
和一伙舊同事下班後聚腳，有同事大力推介這家私房菜。一聽到「私房菜」三字，心裡嘀咕，以前吃過的所謂「私房菜」，頂多是所謂即日鮮食材，但煮法無驚喜，令人失望的居多，心想不會又是自抬身價的玩意吧。但見同事極力推介，硬著頭皮去試了。到達，同事一早已跟老闆預計好菜單，也好，不用動腦筋想吃什麼。拿已寫好的菜單一看，並沒有什麼山珍海味，都是一些尋常食材，大喜，越是尋常食材，越顯出煮菜的人手藝，有點信心。第一道：海鮮沙津盤沙津看似普通，嚐了一口，味道酸酸甜甜的，異常開胃。沙津主要有青瓜絲、雪梨絲，另外醬料不用沙津醬，改用日式的麻醬，加上士多啤梨片，在思覺和味覺上已見不平凡。當然，用的是新鮮蝦肉，並非外面用的雪藏貨色，肉質有口感、有鮮蝦味，頭盤先聲奪人。第二道：古法椒鹽瀨尿蝦和外頭普通的「椒鹽」絕對不同，下大量炸蒜頭配椒絲的「椒鹽」，作法有點像避風塘炒蟹，味道明顯地有深層次多了。老闆說這才是正宗的「椒鹽」作法，絕非和外面食店一般下鹽下油炸了就算。這我也信，不是為身體著想的話，幾乎連殼也吞了。第三道：蠔餅蠔餅的造法大抵也沒差多少，但這裡最大的分別就是蠔比炸粉多，下足材料才是一塊充滿蠔味的蠔餅，也是在這種私房菜地方才能吃到的真材實料味道。第四道：四川麻辣雞煲吃之前老闆問我們能吃多辣，我們一伙女孩多，不能吃太辣，所以把這道菜的辣道降低了。一般的麻辣，除了舌頭辣得麻了外，味道不甚特出。這裡的麻辣醬則大不同，除了「麻」的感覺外有一種說不出的香味，麻辣中帶點甜香，醬汁入口令人口水大作，和鮮雞肉配搭簡直天衣無縫。可惜對我這種嗜辣之人，辣點略嫌不足。老闆看在眼裡，拿來另一碗辣度「正常點」的麻辣醬過來，大喜，又辣又麻又開胃，白飯也能連吞三碗!第五道：沙拉骨老闆說是送的，看看沙拉骨的顏色和其他的不同，咬下，除了沙拉骨酸酸甜甜的味道外，還有一點點刺鼻的輕辣味，老闆說那是加了日本芥末的沙拉醬。意想不到兩者的味道很匹配，又是一道令人喜出望外的菜色。第六道：薑蔥炒蟹份量十足的薑蔥炒蟹，折殼見到大量的蟹肉便令人滿足。此外除了薑蔥，感覺像下了類似台灣肉燥的滋味在內，加上飽滿的蟹肉和蟹膏，大家都說飽了飽了，最後的兩道三文魚炒飯和蒸魚都免了。結帳每人200多元，貌似有點貴，但回想起吃的都是真材實料，和其他的私房菜相比，實在公平得發笑。有機會應該多來數次!
繼續閱讀
與朋友聚餐, 一行八人, 小菜晚飯.感覺檔主很有心做菜, 每碟小菜都很美味, 且份量十足. 多碟菜式中, 我比較欣賞咕嚕肉, 因為一般的配菜都是用菠蘿青椒, 但檔主更加用了鮮雜果, 包括萍果, 木瓜等, 跟一般食到的有不同味道, 真的有用過心思去設計菜式.還有想提的是叫了聖子, 一上桌, 真的是超大條聖子王, 差點碟都不夠長, 熱乎乎的, 讚!地方雖小, 但乾淨企理, 且價格也很相宜, 會繼續幫襯.
繼續閱讀