影片
港鐵西灣河站 B 出口, 步行約3分鐘
繼續閱讀
電話號碼
97566948
營業時間
今日營業
07:00 - 18:00
星期一至六
07:00 - 18:00
星期日
08:00 - 18:00
公眾假期
08:00 - 18:00
以上資料只供參考, 請與餐廳確認詳情
華記士多以前喺西灣河開店時，我經常幫襯，簡單裝修、親切味道，係住嗰區時嘅日常。可惜後來結業，一度以為再冇機會食到。直到有日睇 YouTube 見人介紹佢哋嘅新地址，即刻決定再去尋味。店舖搬咗去內街位置，環境依然簡單樸實。今日中午入去仲有位坐，見到招牌熟悉，心裡已經期待滿滿。我照舊點咗招牌咖哩蛋包飯，炒飯炒得乾身香口，入面仲有雞肉粒，鋪上滑蛋，再淋上濃郁日本咖哩，鹹香中帶微甜，蛋香、咖哩香、飯香融合得剛剛好。每一口都係熟悉味道，唔止飽肚，仲勾起好多回憶。華記士多搬咗，但味道無變，係一間值得特登走入內街重溫舊味嘅小店。
繼續閱讀
星期六近下午三時，跟侄兒熙熙來到西灣河後街光顧華記士多，我們還是第一次吃呢。本擔心人很多，殊不知下午茶時段很容易找位子。桌上沒有餐牌，幸好進餐廳前拍下餐單，原來簡單簡單只有幾個！我們都點了招牌蛋包飯，連飲包只需49元，算是划算。賣相相當吸引，看得人口水直流！切開蛋，姪兒超害怕裡頭放的是蘑菇，幸好是雞肉！炒飯很香，日式甜咖哩很易入口，最重要的是，一支匙羹就可以吃完一碟飯。飲品我們要了鴛鴦和奶茶。普遍食客說話聲量也很小，店內充滿「匙羹刮碟」的聲音，很有趣！聽到幾個人也點了芝士蛋包飯，希望日後再來試。店員沒有放收據在檯頭，這裡收現金和Alipay哦～
繼續閱讀
喺Open Rice打上西灣河，第一位兼獲得最優秀東區開飯熱店就係呢間華記士多，而華記最出名嘅就係蛋包飯喇。今日，我就一於去試一試，呢度嘅午餐稱為：是日頹飯（其實我哋好欣賞呢個名，因為勾起好多讀大學嘅回憶）。而頹飯選擇有咖哩蛋包飯、芝士咖哩蛋包飯同滷肉飯，值得一讚係頹飯免費奉送橙汁或檸檬特飲或各冷熱飲品。雖然我最支持區內小店，但發現呢間小店嘅名聲大於實際。而且，講求要好衛生嘅朋友，千祈唔好嚟，因為坐位設於後巷內。賣相唔太討好，不過，我從來都唔會俾外表所蒙閉。講真，隻蛋真係好滑，但咖哩唔夠香濃，而且飯底好硬，所以我都唔推介。
繼續閱讀
最近轉左工，踏足呢個之前比較少去既地區，網上唔少人推介呢間西灣河名物。餐廳內無餐牌，所以入店前請望下店外塊牌，其實午餐只有3款，但每日午飯時段都多人等位，証明選擇唔使多，夠精就得！① 芝士咖哩蛋包飯 $52 (凍飲加$3)咖哩汁夠多，偏向日式咖哩，味道適中，唔會好甜亦唔會好辣。比較薄的炒滑蛋覆蓋成隻碟，𠝹開面層的蛋，便見到醬油雞肉飯以及已經溶化的芝士。醬油飯雖然深色但唔覺得鹹，撈埋蛋同咖哩一齊食口感豐富，味道好夾，不過芝士就唔算好突出。下次試下食無芝士版就知分別之處～
繼續閱讀
華記士多自從搬舖之後都冇食過，有幾次經過見到人龍有排排，今次終於等到非繁忙時間唔使排隊🥹🫶🏽咖喱蛋包飯 包熱飲 $47一如既往咁好食🥹🫶🏽半熟蛋漿配埋獨家咖喱汁，佢個咖喱係傾向日式咖喱嗰種，但係香料味再重啲，而且都幾甜下，好似唔使錢咁淋咗勁多汁，送飯一流，個飯係炒飯底，睇落好深色其實唔濃味，餸就係雞肉，食落正常，$47堂食包埋熱飲，呢個咁佛心同有誠意嘅小店真係愈嚟愈少見🥹就算份量少啲都收貨🫶🏽-題外話：千祈唔好去餐廳個廁所，因為係災難性咁污糟🥶要行入廚房先到廁所，成件事好親切但係好Kam🤣，重點係地下濕滑，女士們如果着高踭鞋嘅話好容易跣親啊，強烈建議想去廁所都寧願忍一忍先😮💨另外就係唔做晚市㗎，唔好摸門釘
繼續閱讀