影片
以上資料只供參考, 請與餐廳確認詳情
各團友先到西貢碼頭集合開船。悶到反眼唔想講野，大姐大叔加村民燒烤樂，唔係我杯茶，唯有假借宿醉未醒唔舒服。呆坐不用 15 分鐘到達目的地。魚排隻貓咪好可愛呢！不停撩我玩，活潑開朗。百無魚排燒烤場！無魚餌、無魚杆、無啤牌、無麻雀、無汽水、無啤酒、無調味料、無醬油、無水泡、無浮床、無沖廁、無更衣室、無碳夾、無膠手套、等等等等等！自攜海鮮，海蝦、花蛤、帶子、鮮魚、白鱔！帶子，極污糟黑炆炆，要耐心洗得乾乾淨淨。剛才點色充滿污垢泥沙，已清洗得乾淨，白雪雪撒落蒜蒜慢烤，不時加入啤酒才能燒熟而不燶。厚厚彈滑白肉，鮮甜無比，還有陣陣酒香酒甜。花蛤，錫紙慢煨不用加水不用調味，烹煮過程中花蛤會吐出蜆汁海水，原汁原味，肥美鮮甜！海蝦，蒜蓉味濃厚，難得雪藏蝦還有絲甜味，部份爽彈，部份霉肉，平價蝦明白的。白鱔，焦香芬芳，皮脆黏黏，鱔脂極甘甜，白肉爽彈泛著強烈鱔甜味，欲罷不能。大家都係首次黎依個新魚排燒烤，有燒汁豬小髀、黑椒雞中翼、孜然雞中翼、燒汁金沙骨、黑椒牛扒、蒜香豬扒、廚師腸、玫瑰紅腸、什丸、粟米、蕃薯供應。美國師師牌雞肉腸，點解隻廚師腸特別咸既？隻牌子都係寫住食開既美國廚師腸喎！燒汁豬小髀，原隻厚肉要耐心地花點時間處理！醃得完全入味，濃郁燒汁味也不泛豬肉甜，結實大舊肉一咬扯出嘴嚼，豪氣滋味無限！燒豬手，少點耐性都搞唔掂，慢慢燒慢慢燒，幸好本身已熟，燒熱燒脆便可！最有難度，燒到豬皮脆卜卜，肉都夠熱而偏咸，結實不吸引。黑椒雞中翼、蒜蓉豬扒、黑椒牛扒，平凡普通唔難食。金沙骨，滿意滿意，啖啖肉不肥膩，連筋膜趙爽爽最過癮，甜甜可口叉燒醬。孜然雞中翼，咸到頂唔緊，淺嚐夠喇。日本蜜瓜，她來自山形！無敵清甜，爆汁飛射，軟綿滑滑。飲飽食醉，悶到發瘋兼眼訓，都係自行搭船，逃離現場！
繼續閱讀