影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
刺身三文魚：呢次嘅刺身質素真係麻麻地，好多筋，食落口感好差，完全冇達到我預期，只可以畀⭐️三文魚壽司🍣：同刺身相比，呢個三文魚壽司就好太多喇！我係特意喺回轉帶度拿嘅，壽司上嘅三文魚切得厚身，入口肥美香甜，米飯嘅軟硬度同醋味都調配得恰到好處，一啖落去超滿足，必須畀⭐️⭐️⭐️⭐️⭐️炙燒羅勒三文魚腩：呢個菜品真係好有特色，一入口就感受到微微嘅芥末味，同炙燒三文魚腩原本嘅香味融合得相得益彰，呢種新奇嘅味道好難形容，但又好吸引，令人一試難忘，絕對值得⭐️⭐️⭐️⭐️⭐️天婦羅蟹柳🍣：呢個天婦羅蟹柳炸得超級脆，味道方面，唔單止保持咗蟹柳本身嘅鮮味，而且油炸嘅香味同蟹柳嘅鮮甜配合得好，評分⭐️⭐️⭐️⭐️椒鹽肥牛🍣：肥牛嘅香味好濃郁，牛肉嘅油脂香充滿口腔，但可惜就係有啲膩，食多幾件就有啲滯，評分⭐️⭐️⭐️炙燒芝士三文魚腩：呢個真係好正！三文魚腩嘅油脂經過炙燒之後，香味完全被激發出嚟，再加上芝士嘅濃郁奶香，兩者融合得完美無瑕。每啖都充滿咗豐富嘅口感同香味，真係好好食，值得⭐️⭐️⭐️⭐️⭐️生拌三文魚軍艦：佢嘅汁係辣辣嘅，呢種辣味好開胃，一啖食落去，刺激住味蕾。三文魚嘅新鮮度都唔錯，同辣汁搭配得唔錯，不過整體感覺就中規中矩，評分⭐️⭐️⭐️元貝壽司🍣：呢個元貝壽司就有啲令人失望喇，元貝嘅腥味比較重，蓋過咗本身嘅鮮味，食起身口感唔太好，只能畀⭐️
繼續閱讀
壽司郎長期有人排隊一定有佢嘅原因，因為佢材料新鮮，價格又相宜，係性價比之選🤩 小熊貓今日自己一個去排咗15分鐘左右就有得入位啦～ 壽司郎一月螃蟹節回歸！有多款蟹肉做嘅料理俾大家選擇🦀 蟹三味最出色係生松葉蟹腳，入口啖啖肉，水嫩幼滑，肉質鮮甜，又唔重海水味，好味！水煮松葉爪下棒肉，熟度剛好，肉質厚實彈牙～ 蟹肉伴蟹膏，最佳組合，而且蟹味濃郁，建議留到最後先食用🐮 日本黑毛和牛配紅酒鵝肝鵝肝軟嫩，入口幼滑，帶微微紅酒味～ 炭火燒慢煮和牛熟到啱啱好，仲見到粉紅色～ 好味嘅，不過小熊貓比較鍾意之前嘅焦糖鵝肝，嗰個入口即溶嘅口感真係一試難忘，希望壽司郎可以再推出壽司郎仲有其他好味嘅壽司啦，小熊貓就特別鍾意食中吞拿魚，唔太肥膩，又有少少魚油脂～ 仲有三八爪魚新鮮滑口，實在滿足到我嘅海鮮胃🥰
繼續閱讀
終於有時間食觀塘分店的壽司郎，位於觀塘開源道64號源成中心1樓。假日晚上八點都唔需要等好久，大約十五分鐘就可以入座。 每次到壽司郎都有新款期間限定，今次試了幾款，最正鵝肝牛肉壽司🍣，鵝肝入囗溶化，牛肉軟腍，兩者好夾。咖哩湯烏冬都好味，湯底香濃，另外必吃海膽和拖羅壽司。 兩個人大約食$470，性價比高。🏷️溫馨提示～ 整個用餐體驗均屬個人分享意見， 只作參考😊。 壽司郎 (源成中心)地址: 觀塘開源道64號源成中心1樓
繼續閱讀
食物方面：壽司類：基本上全部都好新鮮，味道質量都唔錯😋😋我通常都會點選$14兩件嗰啲種類，抵食啲😆😆😆茶碗蒸：必點！😆😆😆蛋真係好滑，入面配料都好足，價錢唔貴，$19！肥牛烏東：大食或者唔飽，可以叫一碗，熱辣辣，味道唔錯😋😋😆開心果芝士蛋糕：竟然有我最愛食既開心果，必點啦😆😆都幾好味😋服務方面：唔錯環境方面：ok性價比方面：ok備註：拎完可以去其他店鋪行下先，經常好多人排隊～如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆
繼續閱讀
難得經過觀塘，恰巧見到竟然新開的壽司郎，又想試下新款就入去用餐。由於我未到十二點就到，所以基本上直入不用排隊等位。店員一開始已經問我和另一位客人點餐機系統有問題，用不到ipad落單，問有無問題。初時覺得你讓我點到餐，我吃到想吃的就可以了，也有點心理準備要等待職員工來才可落單。不是每個人都常來壽司郎去到背到有什麼可吃的吧？全埸惟一的兩部ipad才可看到餐牌內容，所以等其他客人用完才可以看。店員過來點餐時，用紙和筆一式兩份記下我所點我食物。為免加重他們的工作，我都已經一次過點我想吃的食物。然而，點餐後等了等，眼見前後左右的客人食物都送到了，連對面遲進場的客人們都一碟碟的食物送上，吃得相當愉快；相比起我一個人，沒有食物的桌面上只有一杯放涼了的綠茶，心裡感到不是味兒，再翻看一下進來時拍的照片，原來我已經等了三十五分鐘，那時的我才開始舉手催單。好不容易才等店員來，跟她催單，她說是有落單，我對此相當有保留，你有落單就理應已經出了餐吧。跟進後的三分鐘，第一碟食物於從店員手送上。其餘六碟則由運輸帶送餐，最後一碟是再次呼叫店員才能獲得。食物好不容易送上，也吃了，但吃之無味，成肚都是氣。其實很多時我都會理解出了問題，他們努力堵塞缺口，但為何別人能有限度的服務，而我則得到「這樣」的服務，而且還收我服務費。錢就付了，投訴也投訴了，最後聽得最多的就只是「唔好意思」。
繼續閱讀