影片
港鐵觀塘站 A1 出口, 步行約7分鐘
繼續閱讀
電話號碼
66861914
付款方式
以上資料只供參考, 請與餐廳確認詳情
😡真心有啲嬲囉😡話說身為麻糬包愛好者嘅我，無論係舊式又或者係新式嘅麵包店，只要佢有麻糬包，經過見到我都會買，呢一間位於觀塘嘅😡統一包餅工程😡，網上見到佢哋推出咗幾乎⚠️手掌咁大嘅麻糬包⚠️，我梗係要去朝聖下啦，去到嘅時候愕然左一下，佢唔係一般嘅麵包店自己行入去夾，係連呢個位都冇，舖頭都幾細，一眼望晒，咁我諗，可能係舊式啲，好食咪得囉其實我冇乜留意其他麵包嘅款式，第一眼望落去就見到一袋袋用膠袋裝好晒嘅麵包，裏面大約三至四個到，售價為$10一袋，價錢係相當平，而我要買嘅巨型麻糬包為$22/5個，滿心歡喜咁返屋企試吓，點知出晒事😩，嗰陣時我大概下晝四點到去，嗰度仲有好多麵包喺度，所以一定唔會係賣剩我想講，個麻糬包真係硬過我條命😡，我諗唔到用啲咩嚟形容，佢係又硬又乾又實😡，絕對冇鬆軟感，失望😡😡
繼續閱讀
一個字平，$25/5個，不過D包偏細個兼冇口感，但賣到咁平我都唔會有咩要求，最接受唔到係個賣包阿姐D態度，差到不得了，一次半次我會當自己唔好彩，遇著妳果日心情唔靚，但我幫襯幾次，幾次都係咁，我要受妳氣先買到個包食？？就算平到$1個我都唔會再幫襯，我情願去英發冰室買好過，係貴過你，但D包大個好多又軟熟好多，食一個已經飽肚，妳5個包size加埋先等於英發3個, 計番條數其實冇分別，起碼我唔洗受氣先
繼續閱讀
統一包餅工程作為煙麻薯波波嘅愛好者，喺觀塘搵到間平民麵包舖賣超級大大大大大個嘅麻糬波波。麻薯波波 $22/5 $30/8一比完錢攞上手勁嚇親，買左$30/8個，真係超級大袋，一路行啲人都望住袋麻薯波波，我自己都覺得好誇張。😂 攞上手一度，佢仲大過我個手掌。早餐食一到兩個嘅話都已經飽哂。啱啱買完之後即刻食左個，入面係超級脆!! 整體嚟講佢係偏向脆口嘅麻薯波波，但亦保留左煙煙韌韌既口感，感覺反而會有啲似普通麵包。但隔左一陣再食個口感就會冇咁脆，食落就會似返出邊食既脆皮麻薯波波咁。😋但去到第二日本身想就咁食，佢已經變到硬到咬唔開😭 ，如果大家第二日食的話一定要整熱佢先食!!分別攞左微波爐同焗爐整熱佢，如果想要煙煙韌韌既口感就推薦用微波爐，想要脆身既話就用焗爐🫶而我買咗三隻味，分別係芝麻味、紫薯味同夏日限定嘅芒果味。芝麻味食落超級多芝麻，其實佢嘅味道同出邊普通原味嘅好似，但係會多咗一陣好濃郁好香嘅芝麻味，食落都幾好香口。紫薯味(狗仔唔知點解覺得似香芋😂)平時冇見過香芋或者紫薯味嘅麻糬波波，咬落口其實都幾驚喜，狗仔覺得似細細個食雀巢嗰種香芋味，大推哩個🐶芒果味嗰度啲姐姐瘋狂推薦我試呢隻味，咬落去其實唔太覺有芒果味，但咬完之後有嗰種好科學嘅芒果味係口腔，都係似雀巢雪糕嘅芒果味，個人覺得另外兩款好食啲🤣 但咁平嘅話其實都一試無妨🫶Overall: 姐姐們超級熱情😂 大推哩間既原因，一來佢價錢勁抵，二來size嚟講出面麵包舖既麻薯波波完全俾唔上，而且佢仲要係脆皮版嘅，真心勁抵。味道:🌕🌕🌕🌕🌑環境:不適用🐶分量:🌕🌕🌕🌕🌕服務:不適用🐶CP值:🌕🌕🌕🌕🌗Overall:Good shit💩加一服務費：❎統一包餅工程觀塘協和街177號地下25號舖#dog觀塘
繼續閱讀
以前細個住喺協和街入邊原來依家好多嘢都變咗，見到有人介紹呢一間嘅麻薯波波係大大粒仲要係又未見過嘅香芋味🟣所以就重遊舊地去咗呢一間麵包店買麻薯波波，香芋麻薯波波真係好出，焗熱咗去食更加味道更出！而且麻薯波波真係好大個，食一個已經有少少飽🤣
繼續閱讀
平時都有在這間包店買麵包和蛋糕，因為就腳，價錢實惠，街坊價吧，味道還可以。這天買開的合桃蛋糕有優惠，30元2個，所以就買了2個，回家就馬上切一個來吃，嘩，點解流心嘅？研究真一點，原來是蛋糕未熟！再切另一個看看，亦是這樣！咁都得？原來蛋糕做得有問題才平賣？！這樣我很不接受呢。本想去店舖投訴，後來因為有事做而擱置。此後，我沒再幫襯了。
繼續閱讀
您可能會有興趣的...