影片
營業時間
今日營業
07:30 - 18:00
星期一至五
07:30 - 18:00
星期六
07:30 - 16:00
星期日
全日休息
以上資料只供參考, 請與餐廳確認詳情
真心講食物唔差，但無服務無態我11：30到，整體加埋我同2個同事，全場應該有7-8個客，分左3枱，客有客食，員工有員工吹水，食到咁上下只係叫人攞張紙巾，佢同我講：係果邊攞，我坐入面，我隔離同事食緊野，所有員工都唔係忙緊，咁係唔係可以幫下忙呢？香港餐飲仲唔夠死咩，要去到咩地步先會有改善？
繼續閱讀
今日去咗海濱滙食𝙻𝚞𝚗𝚌𝚑初初以為呢間嘢只食泰國菜原來佢都有好多種類嘢食基本上同茶餐廳無分別有𝙳餐仲包餐湯我叫左個冬陰公香茅豬扒金邊粉冬陰公酸酸甜甜有點辣好開胃香茅豬扒就失色少少感覺好似就咁煎無咩香茅感覺同事叫咗喇沙湯金邊粉就話椰奶味唔重另外個同事叫咗個馬來炒貴叼味道算正常𝙻𝚞𝚗𝚌𝚑 可以話多個選擇
繼續閱讀
幾日都係觀塘上堂，同學極力推薦位於海濱道海濱匯內優質餐廳。環境寬闊：👌👌👌員工服務態度好好：本人唔小心倒瀉飲品，員工馬上清潔位置及再次補上飲品一杯。非常感謝他的細心🙏🙏🙏🙏食物質素好好大大份一大碟，兩大塊豬扒。價錢實惠🎊🎊🎊🎊
繼續閱讀
係牛頭角返工，有時都會行過黎海濱𣿬食lunch。今日經過香葉灣，見到menu好多選擇，中西式，星馬泰，包羅萬有，一於試吓。唔使等位直接安排到入座，餐廳座位都幾多，不過都好旺場下，眼見有八成滿座。我叫咗個冬䕃豬頸肉湯檬粉，整體唔錯。冬陰功湯底香濃惹味，辣度適中，檬粉唔會太淋，口感唔錯，豬頸肉表皮有啲焦香，肉質唔鞋，除咗豬頸肉，配菜仲有芽菜、豆卜、魚片同半隻烚蛋，算係幾足料。加埋杯凍檸水埋單$59，都算係正常lunch價錢。如果一班同事一齊食lunch，都係一個唔錯嘅選擇，菜式選擇夠多，可以滿足所有人嘅喜好。
繼續閱讀
件事係大概一兩個星期前發生，原本無諗住寫但真係愈諗愈嬲，所以寫我第一篇食評，希望如果香葉灣管理層睇下麻煩正視一下。話說當日我同一班同事大概1點45分黎到門口，個短頭髮阿姐(印象中係啡色頭髮) 已經好惡咁話”係咪食下午茶架!? 下午茶唔入得住！一定要2點正！“ ，跟住再加多句”你地是但一個叫左午餐都唔可以叫下午茶！”第一其實入面有好多位，我唔明白點解一定要2點正先俾我哋入，難道2點正會有一大堆人衝入去食？anyway ok 呢個係你公司policy既問題，我地可以企係出面等到夠鐘。第二阿姐我地都話等下午茶先入食下午茶囉！你又做咩要呼呼喝喝呢？唔講我以為我地依家乞你食下午茶呀大佬？Anyway 都已經開始嬲嬲地。重頭戲黎啦。有另一位員工好好心咁見我地係門口等話”要等多陣呀唔入得住唔好意思”但因為仲有幾分鐘就夠鐘，佢就好好咁就想換左出面個大牌講俾我地睇下揀下食咩先。正當佢想換個牌之際呢個啡色短髮既女人就好似發左癲咁衝出黎破口大罵” 你做咩想換個牌呀！都未夠鐘！” 之後員工就話其實得返幾分鐘啫咪俾客人睇下食咩囉？，之後個短髮女人就好大聲咁話”俾咩佢地睇呀！佢地要睇咪去揭下放係門口個細餐牌囉！邊個叫你咁多事架？”跟住勁黑面咁望住我地，心諗依家咩事睇下個餐牌啫。。。其實講真野食絕對唔稱得上好食不過都未至於難食，個呢個短髮既女人員工就真係真心趕客，一d良好既服務態度都無。而另一位好心又care 客人既反而俾呢位阿姐怒罵。你地入面點管理員工唔關我事，但搬出黎係d客面前發癲鬧人就真係好核突。管理層如見到post 真係麻煩你地檢討下: 1. 下午茶2點先俾人入座既問題，如果一個叫午餐一個都不能叫下午茶問題，同埋差幾分鐘都不能轉餐牌呢d咁唔flexible 既arrangement. 2. 員工態度問題(尤其係呢位啡頭短髮阿姐), 唔係話位位員工待人接客都有問題，但係有一兩個都已經夠晒趕客。。。總之食到一肚氣，講完。
繼續閱讀