影片
港鐵觀塘站 A2 出口, 步行約6分鐘
繼續閱讀
電話號碼
66339495
開飯介紹
位於觀塘工廈裏的小店，裝修清新，有很多乾花擺設，空間感十足，提供日本菜和法國菜，食物擺盤精緻。
繼續閱讀
營業時間
今日營業
12:00 - 22:00
星期一至六
12:00 - 22:00
星期日
全日休息
以上資料只供參考, 請與餐廳確認詳情
有關獎賞計劃
📍觀塘 Boon觀塘工廈好多正嘢食呢一樣嘢大家都知，今日就嚟到冠力工廠大廈，試吓呢一間裝修得非常精緻嘅西式Cafe。佢嘅裝修係行無印簡約風，座位非常寬敞，而且好乾淨。重點係呢一間工廠大廈距離地鐵站5分鐘都唔需要，約朋友食飯超級方便。赤蝦他他 ($78)：赤蝦的鮮甜配上他他的軟綿口感，令人回味無窮。份量適中，而且擺盤超精美，是一道值得嚐試的美味佳餚。明太子醬薯條 ($58)：薯條炸得酥脆金黃，搭配上濃郁的明太子醬，口感豐富多層次。這道小吃適合當作開胃菜或下午茶點心，讓人一嚐難忘。鰹魚熟成封門柳 ($168)：封門柳的肉質鮮嫩多汁，經過熟成的過程帶出更多層次的風味。配上鰹魚的醇香，每一口都令人愉悅。這道料理展現了廚師的烹飪技巧和對食材的用心。法式多士 ($58)：法式多士價格實惠，卻呈現出高品質的味道。多士外脆內軟，每一口都帶來滿滿的幸福感。搭配上適量的果醬或楓糖，更能提升整體的口感。朱古力奶泡 ($48)：奶泡綿密細膩，搭配濃郁的朱古力風味，帶來一股濃濃的幸福感及感到滿足。開心果奶昔 ($68)：奶昔口感濃郁，開心果的香氣令人陶醉。這杯奶昔帶有濃濃的堅果風味，不僅美味，還營養豐富。如果你喜歡奶昔和開心果，這是一款不錯既選擇。
繼續閱讀
又跟朋友去到觀塘區嘅工廈探店😋 今次到訪依間日式mix 法國菜fusion 餐廳🥰 裡面裝修充滿文青氣息，木系嘅裝橫配合柔和嘅燈光，感覺和諧又有情調，清談約會一流👍👍👍 今次同朋友share 食😋 試咗佢幾款特式推薦🥰 首先前菜㨂咗煙燻青蘋果松露汁赤貝👍 上枱時煙霧瀰漫嘅效果真係好搶眼🤭 打卡一流👍 食落好fresh 好爽口😍 尤其赤貝更是鮮味十足，爽滑又彈牙🤭 作為開胃菜一流😚 之後主食就分別㨂咗大蝦海膽醬忌廉意大利麵，同埋油封鴨腿😋 意大利麵超級大盆份量極多🤩🌟 勁多隻飽滿又肥美嘅大蝦圍圈排好🥰 真係勁有誠意🤩 大蝦食落好鮮美好彈牙，嚼感一流👍 海膽醬鹹鮮又不會過膩，與軟硬適中嘅意粉配搭一絕👍 超級正🥰油封鴨腿火喉控制得極好🥰 外層鴨皮脆香不膩，內裡鴨肉軟腍離骨，味道濃郁醇香，真係令人回味無窮🥰 配埋盡吸鴨肉精華嘅薯蓉同埋各式配菜，真係無得嘆🤭 最後點少得甜品😍 叫咗個經典必食嘅法式多士🫶 食落外脆內綿，蛋香滿溢，內層嘅質感令人聯想起香滑嘅焦糖燉蛋🤭 加埋甜美可口嘅蜜糖汁，甜美滿分😍🫶 唔叫走寶🥴 我地㨂咗兩杯飲品，開心果奶昔好香好滑，開心果味偏重，不會過甜過漏，開心果迷必叫👍 蜜桃果茶清新怡人，茶香味足，蜜桃嘅果香和甜美出眾，非常美味😋
繼續閱讀
觀塘區一星期7日都非繁忙，唔想等位但又想覓美食真係要花點時間搵～✨呢間位於apm 隔離又可以提早預約座位的高質餐廳就係其中一個選擇🧡Menu 入點每款都好有心思～必點油封鴨髀、法式西多士、海膽醬意大利粉✨今次晚餐點左：1️⃣一份普通餐湯$18南瓜湯有南瓜蓉，入口口感有texture ,唔會好稀。2️⃣一份海鮮濃湯$48超濃蟹膏咸香，入口都食到蟹肉，非常濃郁，沾上麵包，脆口配上熱燶湯，非常惹味。3️⃣池魚他他成份顏色好靚好精緻，不過怕腥的會不喜歡。酸酸甜甜蠻開胃，但覺得之前既赤蝦他他更好吃。4️⃣一杯芒果乳酪沙冰$48隨左杯面個糖餅太甜入唔到口，成杯都好清新好喝✨5️⃣泡沫蜜桃茶$12（跟餐）跟餐配置都咁靚✨很清爽，甜度剛好。6️⃣明太子忌廉意大利麵$138明太子超香！奶油味濃。7️⃣香煎黑和豚肉眼 $168未算太特別。8️⃣法式多士 $48必推必點，超好吃！9️⃣雞皮餃子入口爆汁，外皮脆入面鮮嫩超好吃。
繼續閱讀
同事生日，想喺附近搵間環境，食物好啲嘅餐廳同佢慶祝。近呢半年觀塘區已經冇乜新餐廳開，反而執完一間又一間… 係openrice碌完一輪，終於比我發現咗呢間餐廳，見佢有埋甜品，決定試一試佢😁 餐廳夠光猛，簡約舒適，感覺唔錯⋯叫咗兩個set lunch, 香煎西班牙慢煮豬肉眼同鰹魚熟成封門柳,香煎鵝肝糖心蛋配黑松露炊飯大家share。餐湯係甘荀湯，個豬肉眼juicy但略嫌唔夠嫩滑，有啲鞋，味道唔錯，配菜薯仔番薯同埋菇整得好好味。鰹魚熟成封門柳，夠腍夠滑，有鰹魚香，個炊飯味道唔錯，鵝肝同糖心蛋正常。泡沫茘枝茶個presentation 好靚，有心思最出色係個甜品😋雜莓忌廉千層窩夫酥酸酸甜甜唔會太漏，個千層窩夫酥好脆😊值得一讚，手機下單時可以把寫上生日快樂的訊息寫在remark, 咁就唔使係當事人面前尷尷尬尬咁同店員講啦😂🤭下次要去試埋佢啲意粉😃
繼續閱讀
*睇到最後！* 夜晚諗住同朋友聚一聚食個飯，睇到某foodie介紹好似幾吸引咁，就book枱試下啦。 點知我啱啱先上到2樓，門口未入，openrice就通知我「已確認出席」，我都呆一呆，但照行入餐廳。 一行到入餐廳，我出示openrice booking告知訂座，兩位店員就呆一呆，隔咗一陣先帶我入座，可能係唔expect 8點半有客吧🤔但我又的確係喺openrice訂到枱。 嚟之前都確認過9點 last order，我朋友有事要遲少少到，本身想等埋一齊嗌，殊不知我一入座，店員已經提醒差唔多到last order，要儘早落單，我都表示理解明白，即刻睇menu。 嗌咗兩個套餐，因為有最低消費一人一杯飲品，所以都嗌咗飲品。 係水牛芝士正常應有水平，不過不失。我同朋友都唔太理解三塊麵包嘅存在，係脆嘅，我沾麵汁食還可以，但同行朋友就覺得有陣油膉味。 至於意粉嘅明太子味就老實講，唔係太突出，我同同行朋友都唔係太食得出個味，唔至於難食，但同好食就掛唔上邊。十分失望！個封門柳完全唔係想像中/睇foodie嘅咁靚同好食！都係未至於難食但完全唔係好食🥲同行朋友第一啖已經覺得鹹，但配埋飯就還好。 個炊飯食落唔似炊飯，似係炒飯同炊飯中間嘅混合體咁，都係未至於難食，但絕對稱唔上好食。 （小插曲：其實幾好笑，落單嘅時候我見第一項係封門柳，第二項就係我嗌嘅呢個。咁我就唔肯定兩個嘅肉量係唔係一樣，我就問店員呢兩個份量有冇分別，店員答我：兩個唔同㗎！一個有鵝肝一個冇，我呆咗，店員繼續：喔！同埋一個有個飯一個冇，我：…好，心諗…你當我盲…？最後都問到份量係一樣嘅）都係好失望！都係嗰句難食稱唔上，但好食就冇佢份了。我同同行朋友都唔係太形容得出呢個味道，但的確係失望嘅。 唔知關唔關事，但當時我係order叫上，但封門柳啱啱上枱冇耐（21:01）我諗隔幾分鐘？店員就埋嚟通知廚房要收，所以要上埋個甜品先（21:11上），但餐廳係22:00閂舖，但當時我哋都唯有表示理解，唔肯定係唔係擺多咗一陣令風味欠佳喇。好飲！頗香頗濃開心果味。好飲！頗香頗濃黑芝麻味，同朋友都感到驚喜。但價錢值唔值得就大家自己判斷了，不過餐廳低消一人一杯飲品。我冇飲到，但朋友覺得都幾好飲，我喺杯尾試咗少少，雖然有溶冰，但飲得出應該係幾濃抹茶味。 最後，啱啱提到餐廳22:00閂舖啦，但店員喺21:36就已經催促我哋離開…令成個體驗感覺更差。我仲見到有位店員喺其他客人嘅隔離枱感覺係刻意地大聲收拾餐具（嗰枱客人仲食緊野）…其實都幾冇禮貌。 整體而言，我就覺得唔值得比呢個價錢再去食多一次😞食物質素大差預期，店員服務態度亦唔係太好，食到好趕頭趕命咁。如果想早啲收舖，不如唔好比人book到8點半…希望可以比到個實際參考比想去嘅人之餘，亦可以比返意見餐廳🙏🏻
繼續閱讀