影片
營業時間
今日營業
09:30 - 06:00
星期一至日
09:30 - 06:00
以上資料只供參考, 請與餐廳確認詳情
好耐冇唱K，同朋友食完lunch，打上neway問價錢，記得個陣大概兩點幾，價錢係$159+1/位，包兩杯飲品可以唱到夜晚8點，我地覺得OK就上左去🤟🏻我地兩個人，所以俾左間細房我地，環境都算乾淨既，係廁所會有D味 (可能咁岩個日D客唔舒服啦🤪)。叫飲品個陣發現，原來我地每人其中一杯餐飲可以改order一份下午茶餐！😍 不過記得，下午茶餐要係5pm前落單👍🏻 我地叫左一個腸粉餐同埋日式炒烏冬。唔期望超級好似，但味道都唔錯。腸粉既豉油幾甜，不過咖哩魚蛋好辣🌶️ ；烏冬有D黏同淋，但份量幾大碗。最後因為食唔哂，叫左個外賣盒同膠袋，點知要收$5，係呢個位有D呆左🫨結論🫰有得食有得玩⚡️外賣盒加$5CP值：6.5/10🎡餐廳資料餐廳名稱：Neway Karaoke Box 餐廳地址：觀塘觀塘道414號1亞太中心12&15樓
繼續閱讀
早一日預約，成人價，平日星期一至五，可早十唱至下午四點，每人99蚊再加一，包主菜及飲品一杯。三人行，唱足六小時，都足夠呀主食選擇都多。焗豬扒飯-熱辣辣送上，火喉夠，汁同洋同飯都好夾，都好味，但豬扒就乾柴UN左少少。呢款有食開，以往其他分店整得好D。點心拼盤-份量好足，珍珠雞，馬拉糕，燒賣，牛肉球各兩粒，朋友說味道幾好。籠仔䒱咸旦飯，來時時都熱，肉餅同蛋皇味道都OK，但好快已放涼唔熱就無咁好味。肉乾又係乾柴左D。下次唔會再點呢款。房間都OK，如果再有間大D房就完美囉。朋友相聚談天説地，唱吓歌鬆一鬆，寫意人生
繼續閱讀
隨着防疫措施慢慢放寬，今日同幾個好耐冇唱過K嘅朋友一齊嚟到Neway，店員介紹而家有一個Plan係行最低消費，簡單嚟講價錢貴少少但係就可以將所有嘅錢用返黎叫嘢食，咁當然飲品都係要收費啦。我哋一行四人每人要叫280幾蚊食物，飲品$68一杯，另外呢度都有供應一啲120幾蚊嘅一人晚餐，不過就見到餐牌有好多適合分享嘅小炒同小食，特別嘅係佢仲有雞煲同埋部隊鍋呢啲好適合大班人分享嘅食物，咁當然定價會比較貴啦。一個雞煲已經$498🤣 當然係因為呢度係包含咗你嘅人頭消費喺度嘅，咁事實上呢個雞煲其實都算係幾好食，真係拍得住外面賣嘅雞煲，完全擺脫左我以前中學食K lunch既黑暗回憶，食到差唔多店員仲好細心咁樣拎啲暖水入嚟，俾我哋自己加落去就可以煮麵，公仔麵係加咗$10竟然有兩個！實在太大方了😂 飽肚㗎都另外我哋仲叫咗一個炒飯，小食方面叫咗豬頸肉同埋薯條，全部嘢都係熱辣辣上枱，炒飯幾乾身，炸嘢方面亦都有香口嘅感覺👍🏻呢度食物嘅收費閑日同埋假日會有唔同，淨係雞煲已經相差近$100，如果係平日黎唱K嘅話，應該可以食得更加豐富😻
繼續閱讀
聖誕推出了優惠，$468/兩位自助餐+唱K，唔同出面放題唔洗再加節日附加費，24、25、元旦嗰啲都適用，如果加埋一每位都係$260左右，學生可免加一，我25號聖誕節去了，下午5:00-8:00，但自助餐6:00先開始，自助餐有幾十款嘢食，多款海鮮例如豉油王大蝦、炒蟹、炒蟶子、焗蟹蓋等，而且有刺身同埋生蠔（但係大約七點先開始供應），另外有多款小食前菜、鐵板燒、火鍋等，食物種類唔輸蝕酒店自助餐，食物質素唔可以話好高，但係正常擺得落口，唔會話難食，呢個價錢係聖誕節其他餐廳食個自助餐都唔得，呢度仲要包埋唱K，好抵玩，如果時間可以再長啲就更好
繼續閱讀
n年冇唱過k, 黎咗觀塘k buffet, dinner time係248 +1.冷盤有4種 parma ham, 煙三文魚，沙律我見到有薯仔沙律，凱撒沙律同埋粟米沙律。佢仲有嗰啲冷盤小食，帶子裙邊同日式調味八爪魚我都試咗，唔錯嘅。 另外圖中仲有白雲鳳爪，但我只係個fd食咗我冇食。海鮮有凍蝦，青口，蜆，泰國凍蝦，仲有長腳蟹。啲長腳蟹睇落呢就比較幼，同埋佢都冇比較剪，唔知點食。 試咗青口同蜆，都係好淡味，不過冇沙嘅。佢仲有即開嘅生蠔每人只可以每次攞一隻，我好夠薑咁試咗，其實係ok嘅，唔係腥嗰種，同埋係大隻嘅。 熱食有北京填鴨係可以即刻包畀你嘅！幾唔錯嘅，同埋我同佢講肚餓畀多啲肉，佢即刻包咗兩片畀我。相中你仲見到我攞咗個章魚小丸子，呢個就唔好食呀，好多粉！另外唔少得嘅係刺身，每人每次只可以攞兩種，相入面嘅以外仲有其他魚，好似希靈魚嗰啲，不過我就冇試。三文魚係厚切夠肥美嘅，另外嗰啲就麻麻地，幾淡味。另外仲有一個燒嘢食嘅corner, 有啲燒牛扒，金菇肥牛，腸仔呀， 雞翼呀，中途仲有間中先出現嘅龍蝦！我自己就出去遲咗攞唔到，但我朋友係有食嘅， 我睇上去賣相就唔差嘅。當然仲有一堆中菜熱食嘅，包括炒麵，炒飯，酸菜魚，咖哩魚蛋，豬手，豬腳薑， 炸燒賣，炸蟹鉗之類。 仲有就係一人一鍋即刻碌好似打邊爐咁嘅，佢可以揀嘅食物都有好多啦，烏冬，公仔麵，各種丸，菜，豆腐，芋絲etc. 我都有碌咗啲菜同雲吞，但滾嘅湯就只有兩種揀，一種係喇沙湯，一係牛尾湯。我覺得如果佢可以有多啲湯揀就更好。但佢另一邊係有普通湯，羅宋湯同埋一個中式豬骨湯嘅。而且佢時不時有推出嘅item係有燉湯同埋蘇皮湯，相中係燉蟲草湯，我飲咗都唔錯仲有間中推出嘅係有清湯腩同埋灌湯餃，灌湯餃就皮厚咗啲，但都ok啦。 個清湯腩賣相ok, 但我冇隻手拎到咁多嘢，再出去就已經冇曬喇。 我反而拎到佢出咗兩次嘅心太軟，有朱古力味同一個勁多色素嘅紫薯味，我就揀咗正常嘅朱古力味，以唱k嘅質素嚟講算係咁。佢仲有一個位呢係專係芝士嘅拼盤，有好多種唔同芝士，仲有一啲餅乾放喺度配嘅。最後唔少得係水果，除咗相入面嘅哈密瓜同西瓜，佢中途仲有換咗菠蘿出嚟嘅。另外呢就係甜品，有一堆macaroon, 好迷你嘅啲芝士餅，蛋捲，蛋糕etc, 我就冇食，而拎咗嗰啲大牌子嘅 yogurt 同埋呢一個椰汁糕同埋芒果布甸，呢個椰汁糕同芒果布甸都好難食千祈唔好試我見到佢仲有兩款味道喺機度可以即刻唧出嚟嘅雪糕，亦都有啲朱古力碎，棉花糖仔可以畀你加落去你唧嘅雪糕度。側邊仲有嘢飲機，有豆漿同埋蘋果汁，除咗你本身個餐包左嘅飲品，你都可以出去攞呢啲野飲。overall我覺得佢比我想像中算係多嘢食，同埋都有唔少特色嘢，例如酸菜魚、生蠔、清湯腩，食物除咗甜品嗰兩個真係覺得好難食，其他以唱k嘅質素我覺得算係幾ok
繼續閱讀