影片
電話號碼
94496508
營業時間
今日營業
11:00 - 21:00
星期一
11:00 - 21:00
星期二
全日休息
星期三至日
11:00 - 21:00
以上資料只供參考, 請與餐廳確認詳情
茶餐廳貨仔但就收西餐廳價錢 食物質素麻麻 職員又冇禮貌又嘈 試過夜晚一個人去食 叫咗乾炒牛河咋 都係咁叫你開支紅酒飲 煩到死 見到隔籬枱叫咗個雞煲 啲雞斬到支離破碎 救救好似手指頭咁細粒 我見嗰個食客投訴 職員都好少理。
繼續閱讀
好難食餐飲可以加錢轉阿華田恐龍配雪糕，一嚟就上左呢個甜品先，出前一丁面好冧同埋脹晒，湯底完全冇味，午餐肉厚切係啱嘅，但係冇煎過，一啲都唔香，仲有兩隻煎蛋都好難食。唔建議
繼續閱讀
今次再來赤柱，特意選擇了「餓底」呢間餐廳。幾個月前第一次來，當時已經覺得佢哋好有心，今次再來更加覺得親子友善做得好好！入到去，見到店主親自幫小朋友安裝餐椅，仲調整到啱啱好，真係好貼心！小朋友坐得舒服，家長都可以安心享受美食。餐前仲有填顏色紙，讓小朋友可以邊等食物邊畫畫，唔會悶到。而且餐牌設計得幾有趣，食物選擇都幾多樣化，適合大人同小朋友。整體環境都幾舒服，非常適合家庭聚會。總括來說，「餓底」真係一個不錯的選擇，下次再來赤柱時一定會再光顧！
繼續閱讀
行行吓赤柱突然間落雨，想搵間餐廳食下午茶，見到有間新開嘅茶餐廳叫「餓底」,個名好岩feel 就試試佢😂下午茶tea set 價錢都幾吸引，性價比好高，揀咗好耐都揀唔到食咩好，因為好多都想試😂餓底漢堡下午茶餐😋😋😋面包烘得好香脆，令人覺得好驚喜漢堡食得出唔係一般普通嘅漢堡扒，係Juice嘅牛肉漢堡扒，正最令我欣賞嘅係用一個舖頭自己做嘅腐乳醬 ，雖然冇好濃郁嘅腐乳味，但係確實俾一般嘅茄汁出色，好有fusion 嘅特色 ，亦都睇得出藍帶廚師嘅用心❤️蔬菜沙律嘅沙律汁都好好味，亦都唔係一般茶餐廳嘅罐頭雜果沙律，真係令我好surprise下午茶餐有得加配小食，加咗$25要一碟外父炸雲吞外父炸雲吞，真係好好味，小朋友已經食完一舊又一舊😂雲吞皮炸到脆卜卜，入面嘅肉都仲係好Juice金磚西多士，加$5可以有雪糕，可惜小朋友有幾聲咳，與雪糕無緣雖然今次冇雪糕，但係都已經覺得好好味，希望下次可以試一下加埋雪糕嘅version 😋熱狗配啤酒薯條啤酒薯條嘅質地，一向係我最愛嘅薯條估唔到茶餐廳都會有咁高質嘅薯條👍🏻👍🏻👍🏻有個好靚嘅手繪壁畫，全部都係啲茶餐廳嘅術語，好正👍🏻
繼續閱讀
呢區有新餐廳，而且個招牌設計又比較特別同新穎，梗係要去試吓啦。呢度嘅白飯係任裝嘅，唔夠可以免費添加。價錢同出面新式茶餐廳差唔多，但佢哋個碟頭比出面嘅大，所以價錢甚至覺得更加值得。味道同出面新式茶餐廳差唔多，絕對唔會係難食或者有伏，當然都有少少改進空間。如果撞正收工前去食，老板都唔會想浪費啲食物，佢哋會攞剩餘啲湯出嚟問啲客想唔想添，咁樣都幾好，唔好浪費啲食物。所以喺呢區嚟講，算係好好，呢啲香港人自己鍾意食嘅味道，俾當區居民多一個選擇。你話佢係咪食嗰啲小食嘅茶餐廳就未係嘅，其實都係以半茶餐廳半小菜呢種模式咁啦，即係你唔好expect有菠蘿包啊呢啲，但係都已經有足夠嘅選擇，尤其是俾當地居民、學生、上班人士等醫肚。招牌設計新穎，笑哈哈個樣夠樣衰，入邊嘅裝修乾淨（呢個好重要）。仲有一啲唔同嘅字樣嘅設計，有香港味道之餘又夠潮。旅客如果識路，可以唔需要淨係食赤柱廣場嗰啲。美中不足係有條樓梯仔先上到去餐廳，對老人家嚟講可能唔係咁方便。當然佢地都提供外賣啦，試過都唔差。
繼續閱讀