影片
電話號碼
29661375
附加資料
只限會員及嘉賓，只收會員咭，不收現金或信用卡。
營業時間
今日營業
全日休息
星期一至日
全日休息
以上資料只供參考, 請與餐廳確認詳情
招牌菜
188 瀏覽
聽到雀友大讚馬會舊會所四樓間「悠樂場」嘅煲仔飯好掂，週末更加係座無虛席，蕃薯uncle即約肥肥家族搵個閒日去睇佢係咪咁堅！會所餐廳快餐形式經營，客人必先喺不同檔位落單並以會員咭付款後再等待工作人員備製食物。每個檔位嘅主題都有所唔同，有中有西仲有咖哩，落得單嘅地方都設有獨立嘅餐牌供貴客參閱。場內嘅多國菜式項目亦可於網頁上一次過瀏覽，中英對照，價格一目了然。用餐大堂面積闊廣，樓底好高，二至多人散座均為先到先得。為怕唔早得嘅長輩要排隊，小肥傍晚踏正五點一收工就行上山光道霸定位。真係冇諗到七點未到已經全場爆滿，人氣指數絕對唔講得笑！嘻嘻，好心原來真係有好報架，太陽未落山反而巧遇貴人請飲歡樂啤！仲有即叫即炸嘅炸薯條（$38）送酒，香脆鬆爽，冇得頂！除咗點菜及收銀員之外，真係唔多覺有服務生出入，因餐飲及餐具均為自助式，抹枱斟水都要自己黎，唯一收碟就有機械人羅拔哥幫拖。蜜汁叉燒飯（$88）：燒味部客叉燒飯賣相已經唔多吸引，飯粒偏硬且唔得軟熟，飯面隻煎蛋個蛋黃雖則流心，但個蛋白就老到皺哂皮，叉燒乾實嚡口，完全唔掂，不吃也罷！砂窩雲吞雞（$198）：砂窩上嘅雲吞雞熱力十足。打開窩蓋，即見足料嘅雞肉同最少有五隻嘅雲吞。窩中脹卜卜嘅雲吞皮薄餡嫩，煲湯雞嘅雞皮軟腍滑溜，唯一奶奶地色嘅雞湯底味道偏淡。窩蛋免治牛肉煲仔飯（$108）：人氣煲仔飯原來冬天先推出，睇住室外個攤位由兩煲玩到所有爐頭都用哂，明顯越夜越多人叫。煲仔飯均配送中式老火湯一碗。墊煲仔底嘅飯粒同燒味部嗰啲一樣都係偏硬同乾，免治牛肉成餅蒸，外表厚實但肉質還好夠油潤，撈入窩蛋再搞混一番，即有增添香滑之效，無奈蛋蛋勁細，一隻嘅能力有限，建議起碼要加多兩、三隻先會覺得有料到。馬會俗稱為「大排檔」嘅「悠樂場」環境開揚，身兼落單及收銀嘅服務生略欠耐性，未為最友善，最唔衛生就係黐立立嘅餐桌椅櫈。不同廚房所烹調嘅多國菜式質量頗為參差，人氣代表嘅煲仔飯亦只屬一般，家人都覺得唔值得要排隊等位去食囉！
繼續閱讀
跟着一位親戚嚟食好嘢山光道嘅賽馬會food Court 選擇又多價錢又合理，真係每次都唔會失望。朝早嚟到，小朋友先玩戶外嘅遊樂場，大人喺11點半嘅時候就排隊拎位，週末嘅人流比較多。曾經試過等45分鐘一個鐘都未有位。好順利等咗15分鐘就有位啦可能時間比較早嚟到馬會就梗係食牛扒啦，我揀薄切，呢個價錢食到酒店級數，牛扒真係好嫩，牛肉味重，配肉汁真係完美，可以選薯條或者蔬菜。另外點咗一個炒飯俾兩個小朋友分嚟食，炒飯鑊氣夠，材料亦都非常豐富。點左雪糕做甜品，完美的星期日中午
繼續閱讀
馬會Food Court，以往可自由就座，但早幾年開始新政策，周末時間要由職員安排座位，大概因為太多會員了。這裡有中西印度日式菜，遇上季節日子，會有時節煲仔飯，若果想清簡一些，可以砌一個大沙律，有很多不同配搭，蓮藕、青瓜、提子乾、西堇菜、粟米粒、蕎頭、紅菜頭⋯⋯之前試過薄切牛扒，唔多夠喉之外，比對一件約300g的厚切牛扒，約二百多元，何不要一件厚切呢？配菜薯仔小蕃茄加粟米，主菜厚切牛扒，肉質很軟嫩，肉汁也很牛，不過本身不好肥，略嫌送上太多肥膏。朋友喜歡吃薄餅，配搭有三文魚、小蝦及蘑菇。薄餅不厚，很鬆脆，三文魚香口，配上蘑菇很淸不肥膩，一開八件，吃完厚扒又將一件薄餅放到肚裡。
繼續閱讀
上次同屋企人來食過豬扒包下午茶，個餐有豬扒飽、有件cake仲有杯咖啡，＄100都唔使，真係好味又抵食，今日屋企再相約食多轉，當然YES啦！不過，人算不如天算，轉左Menu。。。選擇冇上次咁吸引, 最後揀咗burger set。呢個pork burger賣相吸引，成set好大地堆頭，見到隔離枱好多人叫，一於跟風！當然羊群效應唔一定有保障， 味道真心麻麻地。因為非黑毛豬關係，只可以做到全熟。塊扒咬落好鬼乾，冇乜肉汁，認真敗筆。咖啡就唔錯，仲可以有杯refill添。呢度服務梗係好啦，waiter／waitress 殷勤熱心，但食物質素就時好時壞好唔穩定。收咁貴會費，馬會真係要認真檢討下。
繼續閱讀
我原本以為得好少野食！ 應該多數人唔似得我顧住食，所以應該野食唔多花款。但原來， 有好多花款。冷盤除咗沙律菜，仲有巴馬臣火腿，芒果大蝦沙律。隻蝦真係好大😍而且口感好好，雖然唔係新鮮蝦下係雪藏蝦，不過都好好味。唔知道係唔係因為係呢個環境下食呢道菜所以覺得好好味。另外熱盤都有忌廉湯，麵包，芝士意粉仲有即切牛扒。相信呢啲都加晒分。食自助餐唔少得嘅就係甜品，完全冇諗過咁細個拎嘢食嘅area 可以容納到好多甜品， 連雪櫃都好可以， 有哈根達斯雪糕。
繼續閱讀