中原薈港島會所 (已結業)

得朋友引薦，入咗中原薈會員，可以使用佢哋嘅會員會所。會所有食物提供，若客人上去見面嘅時候順便試吓佢嘅食物。介紹食物之前需要介紹下個會所，裝修得非常漂亮，人流唔算多，非常清靜，簡直係見客傾野嘅一流地方，唔會好似其他銅鑼灣嘅餐廳咁多人，嘈喧巴閉。食物方面，佢哋冇廚師，所以煮嘅嘢基本上都係一啲好簡單嘅食物，價錢亦都唔算便宜，但係如果基本上只係一啲小食嘅話，加上個環境亦都食得過。蘑菇湯係今餐最好食嘅嘢，雖然應該都係用粉開，但係蘑菇味非常香濃，如果唔大食嘅話基本上都唔會有飽肚感覺。另外叫咗兩款唔同嘅煎釀雞翼，基本上可能因為唔係廚師整嘅關係，所以見到每一隻燶嘅程度都有分別，不過都叫整得幾香，尤其是下面啲味芝士釀雞翼，芝士份量都唔少，亦都同雞翼嘅味道幾夾。至於係會所，服務自然係比一般餐廳好好多。