松山和風料理 (已結業)

我都試過個"准山"小吃，真係好得喔!!! 唔知算係中菜還是日菜呢??? 繼續閱讀

試了很多食物, 有剌身盛合, 壽司拼盤, 燒物...最得我心的係呢個鰻魚豆腐天婦羅, 豆腐間用紫菜分隔著, 中間加入鰻魚, 外面再沾上天婦羅粉漿去炸. yummy! yummy! 繼續閱讀

早2晚落堂後諗住去松山食d小吃順便咪下小說,都成十點,諗住人唔會好多卦~一入到去,嘩,full晒咁滯,不過門口仲有張4人檯,不過已經開始唔高興啦...一個類似資深waiter物體,本來背住我同唔知係熟客定係老死響度雞啄唔斷,見有客入黎眼尾望一望,跟住又拎返個去繼續嗲,我企左成分鐘佢\都無再回頭,直至另一個waiter出黎見到我招呼我坐底啦,佢\至如夢初醒係咁say sorry,本來一分鐘唔係耐,不過對一個黎幫襯o既客人,咁企一分鐘都俾人當無到就好唔係路,所以佢\有佢\say sorry,我都學佢\咁視若無賭,廢事so佢\...跟住落order,叫左個串拚同鵝肝,落單後就後悔啦,對面檯坐左4條xx,一邊隊酒(真係成檯酒樽)大聲講大聲笑,聲浪仲勁過巴士埋站,仲要係絕無冷場,又粗口又講幾時去過邊度叫x,我已經塞左headphone仲要較到好大聲,都一樣魔音灌腦,本來呢d係個人修養,唔可以入晒松山數,不過你地身為服務性行業,係咪應該為其他顧客著想,請o個班xx將音量收細d? 唔係我對o個班xx有偏見,事實係其他客都對佢\地側目,如果連呢d事都handle唔好,咁點叫客人幫襯得心甘? 我即刻同waiter講,要將個串併拎走.鵝肝就無得拎走,一定要熱食,好彩都唔係等得太太太耐,不過.............鵝肝一入口,ok,外面係熱/暖)o既,不過入面.......雖然無結冰咁誇,不過同響雪櫃拎出黎解凍後差不多,你唔係呀嘛?咁樣都俾得人食? 你唔好當佢\係魚生咁,煎都唔煎就拎出黎俾客? 你想趕客之嘛? 好,我成全你,以後都唔駛旨意我再幫襯. 繼續閱讀

番到香港的第一餐,有190日的購買力...都ok勁的.叫0左好多野食,都唔記得叫0左d咩...咁我講下d好食既野啦...個刺身拚盤都ok好食,好新鮮,係當日的special..有小鯛,希靈魚同帶子(?)好似係..if無記錯.d魚好新鮮,2百幾蚊,都幾ok的.另一樣好食既野係餃子湯烏冬.好好味呀..口感煙un..個餃子普通d啦..個湯底我地要0左麵豉湯,有點太咸了.個鰻魚豆腐卷(? 唔sure佢正式個名係點tim)好食呀..係豆腐鰻魚包紫菜再加少少的粉漿去炸,好味! 繼續閱讀

係松山食過2次晚餐，2次午餐，個人認為是值得一試的。先說說食物。 食物的質素唔錯，壽司唔會一夾就散，男友亦讚三文魚刺身新鮮且魚的脂肪分佈亦十分平均(當晚我地係最後一枱的客人)。 香芒焗銀雪魚個汁十分好食，食唔停口! 但男友話個汁同個魚唔係太夾。 而薄燒安格斯牛(蔥蒜)同安格斯牛腓十分好食，連一向唔食蔥的我亦食唔停口。牛腓唔會過熟, 亦做到可保留到肉汁。 食過的其他食物沒有以上的食物如此深刻。 再說說服務。服務一流!態度十分有禮,亦會向客咨詢食物的意見。有次去到食午餐，侍應十分忙碌，在落單後基於十分無聊便不斷左顧右盼。突然有一名"廚房佬(仔?)" 可能見我左顧右盼，就同我講"唔好意思，我幫你催催廚房，你等等。" (我心諗係咁忙碌仲咁好語氣主動幫我催單，咁樣的服務抵讚!)食物到左之後又幫拆筷子，主廚(唔知係唔係,佢企係巴枱整刺身)又幫我加茶，走個時個侍應送到我出門口。食一個午餐竟然有如此的服務真係唔知去邊到搵。 價錢方面:晚餐每人消費約200大洋 午餐每人消費約50大洋(12:45pm 離座& 1:30pm 入座有8折, 所以我食幾抵!) 繼續閱讀