影片
開飯介紹
提供日式浜燒水産黑門市場的地道特色小食、海鮮、時令食材等，款款新鮮美味。此分店設有1人座位，照顧不同食客需要。
繼續閱讀
營業時間
今日營業
12:00 - 15:30
17:30 - 23:30
星期一至日
12:00 - 15:30
17:30 - 23:30
以上資料只供參考, 請與餐廳確認詳情
有關獎賞計劃
出開銅鑼灣，順便嚟埋呢間save低咗好耐嘅餐廳食飯，都幾唔錯餐廳位置旺中帶靜，佈置非常日式，唔講又呃到人我去咗日本海膽蟹味噌甲羅燒我會推介呢個係必食item!! 好打卡able，足料、口感一流，重點係海膽好大嚿！每一啖都係蟹籽粒喺口中爆開+海膽嘅咸鮮味，仲撈埋隻鵪鶉蛋，好滑不一啖上去梳打餅上面咁食法唔會太漏，非常精緻睇住佢慢慢烤熱，就算同怕食生嘅人嚟食應該都會好安心（btw今晚咁啱見到有啲年紀比較大嘅長者都嚟食haha)北海道蜜柑鯛薄切刺身名符其實嘅薄切刺身，好薄但都好多片，配搭個醬汁唔會蓋過佢原本嘅味道，very nice~黑門令龍蝦湯煮海鮮睇menu見到呢個係人氣之選，點啱咗而家坊間嘅海鮮鍋好濫，是但比啲急凍嘅又賣到好貴，呢碟就唔同！睇落差唔多嘅海鮮，但一食就知唔係啲普通嘅海鮮，有咬口! 而且大致上都係每款兩件，兩個人一齊食好方便,同埋最後嗰啲龍蝦湯真係好濃郁，好似順便點埋個湯飲咁至於有咩海鮮就睇相啦：燒雞腎（一串）配埋杯Asahi生啤，更有日本居酒屋feel!壽司小卷呢度嘅壽司都有好多款，我揀呢個，食完都唔怕太飽，冇咁有罪惡感！磯燒芝士魚蛋呢個夠晒特別，第一次食到，係有香港魚蛋特色+日本燒烤芝士小食咁🧀總括嚟講，啲食物唔只賣相靚，味道都好好價錢都係講緊二百零蚊一個人咁上下，開喺港島旺區食材又高質，算係抵食了！
繼續閱讀
日式的裝修好似真係身處係日本嘅居酒屋，勁Chill。枱與枱之間亦有足夠嘅空間，即使多客都唔會覺得逼，牆身仲有好多宮崎駿嘅壁畫，真係好靚。# 黑門鰻魚玉子燒蛋皮薄又柔軟, 一食覺得蛋好滑又濕潤，唔會煎到乾晒，入面包住嘅鰻魚肉入口即溶，口感十分好。而蛋嘅柔軟同鰻魚配搭得好好，調味亦唔會話太甜或太鹹。#焦糖蘋果鵝肝多士煎咗嘅鵝肝食落好綿，中間嘅蘋果片好清新，再加埋本身焗到好鬆脆嘅多士，加埋嘅口感好特別。鵝肝嘅味道好出，而蘋果嘅酸味啱啱好地中和返成道菜嘅味道令到唔會覺得好膩。#黑門令蟹味噌甲羅燒一上菜已經覺得外觀好吸引，師傅仲會幫你燒埋，仲好細心會問蒜粒幫我落埋定遲啲自己落，因為本身鍾意食蒜頭，所以直接叫師傅煮嘅時候落埋。雖然落咗蒜，但完全無蓋過咗蟹肉同蟹膏嘅味好鮮味，平時出去食有時都會食到好聲嘅甲羅燒，但呢個完全無，好好食。煮完個份量都好多，好想要多塊餅去襯返。#鐵板宮崎柚子胡椒香蔥牛舌心可能因為鐵板上，所以一上菜濃郁的黑胡椒嘅香氣已經即刻撲鼻而來。一開始以為牛舌心嘅味道會被佢蓋過咗，但完全冇。牛舌心本身嘅牛味好出，配埋個黑椒汁，反而覺得好夾。而牛舌亦煮得啱啱好，肉質好嫩唔會好韌，肉汁又多汁。啲配菜亦都同個味好夾花。#椰子雪葩最後仲叫咗個甜品，用椰子殼包住嘅質地細膩滑順椰子味雪糕。雖然雪糕入邊冇椰果肉，但係椰子味好濃郁。炎炎夏日，呢個簡直係不二之選。中意椰子味嘅真係可以試吓。#柚子檸檬梳打柚子蜜好足料，檸檬嘅酸度啱啱好中和番柚子蜜嘅甜，食住咁多好野，加返一杯清爽嘅柚子梳打真係啱啱好。總括而言，食完會番尋味！會想再去食，仲要人均只係200幾一位，真係好抵食！
繼續閱讀
同男朋友喺銅鑼灣行街，咁啱大家都想食日本料理，諗起啲朋友同我哋介紹過黑門水產嘅甲羅燒，於是乎就諗住試吓。喺餐廳門口我望一望個Menu，見午市都係大概每人二百幾蚊，好似都冇印象中咁貴，覺得都食得過，咁就入咗座。餐廳啲裝修都好有特色，未有時間去日本一轉都可以嚟呢到過吓癮。‣ 黑門令拔絲蟹味噌甲羅燒 $128我覺得嚟黑門水產唔食甲羅燒真係嘥咗，有幾款甲羅燒口味可以揀，最後因為我鍾意食芝士，所以揀咗拔絲。除咗影相好睇之外，燒完嘅甲羅燒每啖你都會食到蟹肉嘅鮮甜，蟹膏撈埋鵪鶉蛋食落口感相當柔順，味道豐富濃郁，最出色就係佢可以拉絲嘅芝士，成件事真係錦上添花。‣ 焦糖蘋果鵝肝多士 $78佢嘅鵝肝煎得好香，整體而言我幾鍾意佢嘅配搭，本來鵝肝就好容易食落覺得油膩，但係溝埋佢嘅蘋果片之後，清新酸甜嘅味道真係解咗幾分油膩感，香、滑、爽脆嘅搭配令口感豐富咗唔少。‣ 燒小章魚丸 $78咁啱有一段時間都冇食過章魚燒，有啲口痕就同男朋友嗌咗嚟食。比起傳統比較淋擗擗嘅章魚燒，我反而都係鍾意香港脆皮嘅嗰一款章魚燒，黑門水產呢一款都係比較脆身啲，醬汁嘅份量都啱啱好，望住佢啲柴魚片放到好似唔使錢咁，都幾過癮。‣ 黑門令彩虹丼 $198午市彩虹丼套餐仲包括埋芽菜做小缽，胡麻醬沙律菜，茶碗蒸同麵豉湯。佢嘅麵豉湯都幾足料，有蒟蒻同埋蜆仔。茶碗蒸做得相當唔錯，啲蛋相當滑溜。彩虹丼有我最鍾意嘅吞拿魚蓉、吞拿魚、海膽、三文魚子、蟹籽、蟹肉同蟹柳，吞拿魚蓉夠香甜，口感滑嫩細緻，而佢啲三文魚子相當香甜，海膽唔算腥。呢個價錢嚟講，我覺得相當超值。‣ 自家制燒免治雞肉串 $88一直都好鍾意食免治雞肉串，話明自家製當然要試吓啦。其實我覺得唔需要飯素都已經好好食，佢本身嘅醬汁都調配得相當濃郁香口，個雞肉串都燒得啱啱好，肉質鮮嫩柔軟，再撈埋蛋漿一齊食令到成個味道有所提升，而我都幾鍾意佢唔會話敷衍你，雞蛋漿隔離仲有幾隻櫻花蝦，都真係食到少少櫻花蝦嘅味道，幾得意。📍 黑門水產すいさん地址；銅鑼灣加寧街5-7號Fashion Walk地下C及D號舖#水豚君出沒_銅鑼灣 #銅鑼灣 #hkfood #hkfoodblogger #香港美食 #香港好去處 #日本餐廳 #午餐推介 #銅鑼灣美食 #銅鑼灣餐廳 #銅鑼灣好去處
繼續閱讀
呢間位於銅鑼灣Fashion Walk嘅黑門水產 已經bookmark 左好耐❣️入到去嘩一聲 以為自己去咗日本 日式居酒屋佈置風 仲有好多可愛公仔做裝飾😍加埋店內音樂好有feel 🏮🦀海膽蟹味噌甲羅燒必食甲羅燒！有師傅會過嚟幫我哋燒 滿滿嘅蟹膏 好濃郁 附上塊梳打餅一齊食 食完仲想encore 🥘海膽櫻花蝦海鮮炒飯有驚喜既炒飯 除咗面頭有海膽 原來入面都有好多海膽！仲有好多配料 蝦 蜆 魷魚🦑好鮮甜 🍱蔥吞拿魚腩卷有多款卷物同壽司選一🍣除咗底下有吞拿魚 上面仲有一大堆吞拿魚蓉 一口一件👍🏻🍢串燒嗌左幾款串燒 特別推介雞肝 燒到岩岩好 入口即溶 醬汁都好味🌟生啤每杯2️⃣9️⃣ 最啱放工後同朋友小聚一下 🍻人均消費大概$200🥳📍黑門水產すいさん (銅鑼灣)銅鑼灣加寧街5-7號Fashion Walk地下C及D號舖
繼續閱讀
約朋友係銅鑼灣食Lunch 唔知食乜好，我就揀左黑門水產，見佢哋嘅 Lunch Set 價錢唔貴，一於試下！佢哋嘅 Lunch Set 都幾多款揀，我哋就叫左2款Lunch Set、三文魚腩刺身、燒雞皮及甲羅燒！🌟 海膽蟹味噌甲羅燒海膽、蟹肉、蟹膏、蟹籽連埋鵪鶉蛋、葱撈勻，店員就幫手係爐上慢燒，配上梳打餅一齊食，蟹膏嘅鹹鮮味香濃而不膩，口感creamy，果然係佢哋嘅主打，必食之選！🌟 蒲燒鰻魚飯定食有蒸蛋、沙律🥗及麵豉湯，條鰻魚蓋住成個飯，伴有蛋絲及紫菜絲，每啖都有鰻魚汁嘅香味，非常飽肚！🌟 柚子胡椒豚肉鍋定食定食有蒸蛋、沙律🥗，鍋裡有5片豚肉，湯底帶有淡淡嘅胡椒味及清甜柚子味，烏冬份量都好多，午餐就講都幾大份！
繼續閱讀