影片
港鐵銅鑼灣站 A 出口, 步行約4分鐘
繼續閱讀
開飯介紹
主打時令生蠔放題的西式酒吧餐廳，以黑、白色為設計主軸，更提供beer pong等娛樂設備，和好友聚會、開派對也很合適。
繼續閱讀
營業時間
星期一至日
18:00 - 03:00
公眾假期
18:00 - 03:00
公眾假期前夕
18:00 - 03:00
以上資料只供參考, 請與餐廳確認詳情
呢間酒吧餐廳而家主推生蠔任食，除咗生蠔任食，仲有多達20款嘅小食都可以無限追加，就連牛扒羊架嗰啲都有，好豐富！餐廳用咗星空嘅裝修，有少少酒吧嘅風格，多數都係梳化座位，夠闊落坐得舒服～如果一大班人嚟嘅話，仲可以包場搞party，一大班人嚟慶祝！------------------------------🦪◖120分鐘時令生蠔放題◗ $398一坐低會上咗一個海鮮拼盤先，有一打生蠔、海蝦同蜆，生蠔都算肥美，口感爽脆，幾鮮甜，食完再encore，可以瘋狂一打一打咁叫🔥！生蠔即叫即開，所以都要等返一陣先有得食，可以試叫定先～除咗任食生蠔，仲有其他小食，推薦佢嘅芝士年糕、芝麻八爪魚、水牛城雞翼、椒鹽雞軟骨、薯角，佢嘅卡邦尼意粉都做得唔錯，軟硬適中，夠掛汁有奶香！🥩◖澳洲m2牛肩胛配威士忌燒汁◗ +$98佢呢個牛肩胛超厚切，原件上，外層焦香，裏面肉質鮮紅色，肉汁鎖得幾好！夾雜着啲筋膜部位，比較難切，但咬落去又唔會話好韌，帶有濃郁嘅牛香～🍹◖荔枝梳打◗ 荔枝果味濃郁，唔飲落唔算太甜，仲有一串荔枝果肉喺面，打卡都幾靚🌿◖Mojito◗ 味道偏酸，帶啲薄荷葉香味，清新開胃🍩◖Oreo Milkshake◗ 杯奶昔好靚，呢杯沙冰打得夠細，奶底有好濃郁嘅椰子味，稍微蓋過咗Oreo嘅味道～🌟Encore指數：8.7/10
繼續閱讀
日式放題就食得多啦，西餐放題唔知你又有冇試過🥴？除咗有前菜、小食及熱食，120分鐘仲有生蠔任食，即叫即開🦪！加$98可以揀多一款牛扒/羊架/燒春雞主菜，我哋試咗佢哋嘅羊架真係幾唔錯，肉質嫩滑又多汁，應該係全晚最出色嘅食物🥰。————————————————👅 時令生蠔放題（$398/位）🔸凍海鮮🔸👉🏻時令生蠔任叫任食，數量都唔會俾少，生蠔盤底下用乾冰營造煙霧效果🧊，增添氣氛。亦提供凍蝦及凍蜆，最啱配杯酒慢慢嘆🔸前菜🔸👉🏻一開始會送上黑糖麵包、凱撒沙律及餐湯，俾你開開胃🤤，加埋巴馬臣火腿/煙三文魚即刻變咗高級沙律。亦都有日式前菜任食，包括中華沙律及味付螺肉等。🔸小食🔸👉🏻呢個小食組合啱晒開party，有芝士年糕、炸春卷、薯條🍟、雞翼⋯其中我最鍾意外皮脆卜卜嘅炸雞軟骨🔸熱食🔸👉🏻主打肉醬意粉及卡邦尼意粉真係🍝，兩款我哋到時過，同出邊嘅餐廳質素不相伯仲🔸飲品🔸👉🏻 食多度海鮮同埋小食，點少得一啲酒精飲品🍸，一個價錢任飲紅白酒，亦可加錢升級其他調酒，馬天尼同荔枝特飲都唔錯———————————————— 🚩總結：超豪氣嘅生蠔放題🤗———————————————— 🌟注意：食得晒先好叫，唔好做大嘥鬼👻————————————————📍 Starry Night地址：銅鑼灣耀華街38號The Zing!16樓.🗺地區：#bem銅鑼灣📥分類：#bem西餐 #bem放題 💰人均消費：#bem_200至400蚊
繼續閱讀
呢排成日見到呢間餐廳嘅廣告又有生蠔放題又有意粉又有主菜有牛扒有酒飲咁我膽粗粗走去試吓啦我哋一行四個人喺中秋節年假去食四個人加埋假期附加費飲酒連埋+1大概五百幾蚊一個頭好入正題，講吓佢啲前菜 其實都係個啲野餐湯 沙律前菜一般野個黑糖包就幾好食之後就開始食蠔啦佢日本同法國蠔嘅主打，但係日本蠔就俾政府禁咗 所以我食嗰晚呢就淨係得法國蠔出場幾有心思嘅有個火山識噴煙 打卡一流 上面有埋啲凍盤 蝦阿個啲 食完即叫佢refill都唔算慢 4個人都食左10打左右 還可以最緊要我地一啱傾一路飲 唔經唔覺都飲左佢兩三枝白酒 超哂時個店嚇都無趕我地走 幾好下次會再黎
繼續閱讀
今日咁撳吓社交媒體網站見到有間舖頭賣廣告講到明生蠔放題任食我一睇開近我個飯 講食生蠔，我一個都食佢幾打即刻約埋我個朋友仔那那林定位國慶假期去食間餐廳有兩三台去到有個餐湯沙律一般嘢之後會攞個火山來上生蠔個樣唔錯打卡一流有埋凍蝦翡翠螺啊嗰啲凍盤蠔我睇落刀幾大隻比酒店嗰啲大鹹鹹地有啲Aftertaste幾好食不過偶然有啲蠔殼食完之後叫咗兩個意粉食落都唔算太差，一般正常嘢食完熱嘢之後繼續掃佢啲蠔 兩個人都可以食咗佢六打左右 超級無敵飽買單一人唔使五舊水
繼續閱讀
之前經openrice book 連埋加一都係400幾 見佢又有小食又有意粉個啲 最最最重要既係仲要有大大隻生蠔任食。 就咁睇落就大隻個酒店啲size 一格咁上下 食落都鮮甜既 不過啲凍盤就好似麻麻 所以我都係食生蠔多 同老公兩個人食左4打 加埋個意粉又食下個啲送酒小食 愈食愈多 最尾飽都行都行唔郁。笑死人。。 最緊要埋單兩個人加埋都唔洗一千蚊落樓 有酒飲有生蠔食。不過佢環境就無高級餐廳既感覺 不過重要係夠平如果下次想食蠔 就會再黎既
繼續閱讀