影片
營業時間
今日營業
全日休息
星期一至六
11:00 - 15:00
18:00 - 22:00
星期日
全日休息
以上資料只供參考, 請與餐廳確認詳情
呢間野開左好耐一開始時相當好的但愈做愈差，愈做愈少野，愈黎愈貴見咁耐無食呢間，上次走去食魚生飯唔係高級既日式店，唔用新鮮wasabi都理解賣相唔算太差，魚生大大粒唔錯，不過一食就覺得唔掂，三文魚無味，另一種唔知咩魚，偏白果種好腥。跟著啲醋飯係食唔出同白飯有咩分別。總體就係好差。
繼續閱讀
好後悔冇睇評價😫態度認真麻麻！我去買外賣，出面熱到死，佢叫我出去等⋯重點係根本就唔爆場！咁細嘅鋪啲客都係得一半都冇（仲要係食飯時間！）。用壽桃牌烏冬好差，成日餐要成$60！真心唔建議食！我嗌咗個炸蝦雞翼烏冬，烏冬個湯我唔知佢想扮豆乳定咩，麻麻地，啲雞翼係豉油雞翼😑嘩，大佬，好kam，浸味完全唔夾囉！行前小小都有間食烏冬嘅，叫鍋嚐，價錢差唔多，就算唔加錢轉手打/靚烏冬，人哋嗰間都好食好多！料又足！呢間嘢真係冇下次！
繼續閱讀
店舖本身已經非常之窄，坐得勁唔舒服和食物都好一般都算，但店員（應該系老闆娘）態度真的非常惡劣，叫錯野食問佢可唔可以幫忙轉一轉，佢就即刻嚟一句話你叫咗依個喎，搞到好似個客人係錯咁樣，咁我就問佢可唔可以幫我轉一轉呢如果唔得都冇所謂嘅，佢就話廚房好忙唔好搞咁多嘢啦，仲要係咁同啲熟客傾偈，其實你真係有諗過去處理呢件事我都可以接受，但唔係搞到好似我錯咗抵死咁囉，想食餐飯都可以食到咁不爽我相信都冇邊幾個客人接受到，可能係個老闆娘賺夠，覺得你嗰幾十蚊根本就唔自在，咁你當初都係靠嗰幾十蚊開始慢慢賺起嚟㗎啦，但如果佢係啲咁嘅服務態度咁嘅狀態咁不如早啲退休啦⋯⋯講真果句，就算你煮得幾好食都唔會有人想去食第二次。真係俾錢買難受！
繼續閱讀
老闆娘自己冇講清楚就話人點錯野，完全係將啲責任推卸比個客人，仲要一直喺啲熟客面前，一直講我壞話，話係我自己點錯餐，本身我係叫湯飯，佢落單嗰陣時一直問我係咪要飯，飯同湯飯都係飯啊，根本係佢自己冇講清楚，連一碗湯都唔可以拎出嚟，明明價錢都一樣其實解決呢件事有咁難咩？點解食個晚餐要受你氣
繼續閱讀
今日午餐想食日本餐, 所以同同學去到這間前田町食, 一開始沒有坐位, 所以要等, 之後有位員工在走廊開了一張枱, 坐得比較擠逼, 但總算可以坐下叫餐, 我是要了一碗地獄拉麵, 味道不過不失, 但食到最後的時候(還未食完,飲品都未飲 )就有一位大嬸(不確定是員工還是老闆娘) 在店內大叫:「食完未呀? 出面仲有好多人等緊架!!!」我相信除了這間食店外不會有一間會催食的, 這一次的經驗非常非常的差, 價錢並不是特別平的, 比市面上略高, 但態度上根本不能接受
繼續閱讀