影片
付款方式
以上資料只供參考, 請與餐廳確認詳情
香港仔，對很多人來說是很陌生，對它的印象也許是漁港或想起那家在海中的老店。所以每當朋友難得來到這一區，總會問我有什麼餐廳推薦的，往往我都回答說：「街市上的勝哥英記」。街市上有兩間大排檔，而我跟家人對勝哥英記情有獨鍾。除了是因為食物夠鑊氣熱辣辣且好吃，也因為老闆勝哥的熱情及親力親為。在這裡吃飯，不難看到勝哥的蹤影。特別是較繁忙的時間，他親力親為，把外賣盒包裝好、下單、主動詢問食客是否滿意等，有著默默做的老闆，他的員工亦相當勤快。而在較沒太忙碌的時候，他會拿著啤酒跟客人聊聊天喝兩杯，而大部分都是熟客，大家有說有笑，這份人情味實屬難得。而且這一家大排檔算是伴著我成長。每當媽媽想休息一下不煮飯，或是爸爸想啤一啤，或是一家人一齊郊遊後等，這是其中一間我們常去的店，也算是我們一家的老地方。而上一次就是趁著重陽節的長假期，跟家人到南丫島郊遊，一伙兒決定晚餐到回我們的老地方啤一啤。其中一樣必點的是炸墨丸餅。即叫即炸，炸皮不厚且脆卜卜，咬下去墨魚餅彈丸，真材實料的墨魚餅。另一樣必點是黑椒牛柳絲炒麵。記得是濕炒，因為濕炒才有脆卜卜的脆，拌了醬汁也不會覺得腍。牛肉亦炒得夠嫩，不會又乾又難咬，而且份量也不少的。其他的就是看心情，這一天我們選了椒鹽九肚魚及菠蘿生炒骨。椒鹽九肚魚同樣惹味，魚質嫩滑而外表脆卜卜，做到外脆內軟的口感。吃這個來啤一啤是「無得輸」！菠蘿生炒骨就「夠哂鑊氣」，熱辣辣的送上。而且份量很多，雖然名叫生炒骨，但肉的部分比骨頭多，而酸酸甜甜的醬汁用來伴飯吃是一流的！這家大排檔豐儉由人，想要吃頓晚餐啤一啤，可以跟我們一樣點些小菜，而想要吃豐富一點，也可以在這裏點海鮮，也是很好的。
繼續閱讀
平時一大班朋友一講起食海鮮，啲人多數就會提議三聖，流浮山，西貢之類既地方，愛食海鮮既我以上所講既地方都食過哂，基本上一般做法都係買海鮮去加工或現成幫襯買埋海鮮，其實食落感覺都好商業化，同好多時稍為有啲名氣既食市為求做多啲生意，叫得小又5高興，埋單都唔平，無乜食貴野都閒閒地3，4百，食完都會趕你走，真係都幾掃興。我個人覺得食小抄就一定要去大排檔，夠鑊氣夠火喉，同時價錢都大眾化，而且唔會迫你一定要食海鮮貴價野。英記光顧都有好幾次，同朋友食下傾下有時一坐就3，4個小時，唔會黑面。平時2個人去食就會叫下，乳鴿，抄麵，炸魚蛋。佢地既乳鴿每次炸得剛好外脆肉多汁，抄麵咸度適中又彈牙，炸魚蛋用新鮮魚整架，平時堂食完都會外賣一盒回家再食。埋單2百零蚊2位。今次聚會一大班朋友再去，今次又試下新野，叫左個手打炸墨魚餅，炸魷魚酥，同幾款海鮮，龍蝦聖子鮑魚龍躉蠔屎海蝦，都好新鮮，火喉夠，味道足。價錢都合理，平均500蚊一個人頭左右啦。又一次滿足而歸。
繼續閱讀
揀呢度食生日飯係因為諗唔到一個啱既地方坐得落兩圍朋友，同個朋友講開問我介唔介紹成班坐向大排檔度吃，我當然無所謂啦! 最緊要好味... 向朋友幫忙下，預先訂了一些送菜同湯。當晚餐單包括:沙薑雞腳, 煎墨魚餅, 椒鹽鴨舌, 紅燒豆腐, 清蒸象蚌仔, 芝士龍蝦伊麵, 鵝掌鮑片, 沙拉骨, 黃金蝦, 田雞煲, 清蒸海魚, 炒飯 同埋 足絲雞响螺湯...當然咁多樣送我地係食唔晒, 本身仲有豉汁炒聖子就要放棄好了... 除了個幾碟小炒超正，激讚係黃金蝦, 田雞煲同個湯... 而當個田雞煲上放向枱, d煙供到大家有少少抵唔順, 哈哈!!! 有d來吾到既朋友話下次一定要再一齊黎試過!由於生日飯, 所以免費吃一餐很豐富既晚飯,
繼續閱讀
勝哥以前係0係東村開大排檔，細細個已經同屋企人去食不過之後佢無做，到幾年前發現佢0係香港仔街市所以宜家都會成日去我地每次去都會點 粉絲雜菜煲: 一定會叫佢多粉絲，因為粉絲好快就比我地夾哂 腰果肉丁: 老豆最愛，腰果重脆ga，好味 墨魚餅: 兩面都煎到脆脆，好香口不過夏天就真係未必會成日0黎，因為香港仔街市無冷氣，都應該會幾熱幾辛苦
繼續閱讀
與家人來吃晚飯，叫了蟶子、蝦、雞、雜菜煲等幾個小菜。蟶子幾爽口，蝦的火候也可以，雜菜煲上枱時熱騰騰的，最適合冬天食用。食物的味道不算很濃，也不會很鹹，質素與一般大排檔相若。
繼續閱讀