影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
影片
相片
香草牛油封門牛肉汁意粉
+466
+27
食家推介
好開心，Rosie開到嚟鰂魚涌，令到太古坊返工嘅我，放工都可以嘆靚靚意粉同嘢飲。Rosie喺葵芳已經好受歡迎，佢係以平民價錢食高檔意粉聞名，設計同出品都好特別，同一般連鎖意粉店唔同。不過我知道，飲品係佢另一個秘密武器…藍水母 $68用上蝶豆花、鮮奶同咖啡造成嘅超現實飲品。一層層嘅顏色化開，影相真係一流。最重要係飲落相當唔錯，唔會好甜，咖啡味亦足夠。朱古力鮮奶 $48另一杯強力飲品，朱古力上面鋪滿朱古力粉同白朱古力，比一般拉花嘅咖啡更靚仔。飲落熱辣辣嘅鮮奶同朱古力，喺冬天真係會令人舒服好多。龍蝦濃湯蟹肉帶子麵 $198呢度嘅名物。與其話係汁意粉，不如話係用濃味嘅龍蝦湯做湯底，再放一個墨魚意粉同蟹肉帶子上上面。咁樣講係因為龍蝦湯本身已經又多又夠味，係可以就咁飲。襯埋味道相近嘅蟹肉同帶子，其實一定係好食。辣芝士醬明蝦扁意粉 $138如果話龍蝦湯已經夠晒濃味，咁呢個辣芝士醬就係超濃味。辣度唔算好高，但食落係會感覺到，芝士醬濃厚之餘係非常多，鍾意重味人士真係啱晒。朱古力心太軟配開心果意式手工雪糕 $88咁嘅組合，唔使形容之好食啩？但佢仲有啲儀式感，會拉起個包裝等啲開心果忌廉跌落嚟。開心果雪糕算係幾有味道，加上粒粒嘅開心果，比雲呢拿味會更豐富。心太軟就正常發揮了。可以收工喺附近食個靚意粉，飲靚嘢飲，喺咁舒服嘅環境同朋友傾吓偈，都可以緩和一下返工嘅壓力😌。
繼續閱讀
好耐之前食過葵芳分店覺得佢地嘅意粉甜品同飲品都好出色 擺盤同呈現都好靚❤️不過係葵芳真係太遠 好少機會會去到依家終於係港島區開啦 仲要咁近我返工 即刻去試下先😍選址係鰂魚涌 走小清新風格嘅裝修 一眼就見到香草牛油封門牛肉汁意粉上枱嘅時候職員會用火槍燒溶表面嘅牛油帶出牛油同rosemary嘅香氣封門柳好香牛味 保留到肉汁濃汁法式黑松露蘑菇貓耳朵粉好濃郁黑松露嘅味道 醬汁好creamy 掛滿係貓耳朵上面 口感好好😋蒜香雞翼雞翼好香口 外脆內嫩 又夠入味朱古力心太軟配開心果意式手工雪糕朱古力軟心好幼滑 開心果手工雪糕味道香濃一冷一暖極緻享受 一餐飯始終要有甜品先圓滿😌青檸薄荷綠茶好鍾意青檸同薄荷嘅配搭 好清新好啱食完重味嘅食物之後飲😋整體黎講性價比都好高用親民價食到高檔意大利 pasta鍾意食pasta嘅朋友真係要黎試下😚
繼續閱讀
餐廳以木系裝修為主，色調柔和好舒服佢哋d意粉好特別，除咗賣相精緻同打卡able之外，意粉整法都同其他連鎖店好唔一樣👍🏻其中一個係香濃芝士卡邦尼扁意粉，個意粉係用傳統做法做所以好香濃有多芝士同鋪咗好多煙肉☺️ 建議嚟到之後盡快撈勻佢咁每條意粉都可以沾到芝士同蛋香👍🏻 扁意粉真係好有咬口，掛汁力強另一個係龍蝦濃湯蟹肉帶子麵，成碗意粉用湯浸住嘅好處，就係令到意粉完全吸晒湯底嘅精華☺️ 呢個意粉好特別，食落去有墨魚汁味👍🏻 出面少有湯底用上龍蝦湯好濃郁，平民價錢食到高質鮮味有驚喜🌟 而意粉上面鋪咗一層滿滿嘅蟹肉同埋帶子，賣相非常精緻😋無激素雞胸明蝦藜麥沙律如果想食返啲蛋白質，買呢個沙律就啱啦😍 入面有雞胸、蝦仁、牛油果🥑藜麥、藍莓、蕃茄仔、果仁碎同埋冬瓜，嘅食材都比較健康👍🏻👍🏻 勁欣賞佢個流心蛋做得好好😍 中和返意粉嘅油膩感抹茶鮮奶紫薯鮮奶野飲正常，有得走甜
繼續閱讀
聽朋友講Rosie嘅意粉係勝價比高，但無奈佢係位處葵芳，所以就無緣一食。知道佢係鰂魚涌開左分店，所以就相約太古坊返工嘅細妹去食個豐富午餐啦！餐廳空間非常寬敞，坐得舒服，而裝修都好有風格，令人有一種文青嘅感覺，好啱一班朋友邊食邊傾，仲好啱打卡添。先嚟兩杯飲品，我嘅牛奶咖啡，咖啡拉花非常之靚，而且咖啡好香，口感好順滑。而細妹嘅就係蜂蜜水蜜桃果茶，水蜜桃清甜荐香而甜度仲可以自行調較。我就點了一客龍蝦濃湯蟹肉帶子麵，果然係餐廳嘅招牌菜，一上枱就已經睇到嘩嘩聲，有嚼口嘅墨魚麵上鋪曬滿蟹肉，蟹肉嘅份量真係非常之多，同時超濃嘅龍蝦湯做湯底再加埋煎香嘅帶子，襯埋一齊食真係視覺同味覺一大享受。細妹就點了香草牛油封門牛肉汁意粉，以香草牛油封門牛肉汁為基底，上菜時店員即席以火槍燒炙牛油，之後再撈勻一齊食，令到牛肉濃味升格不少但又唔會好膩，牛肉味香濃而嫩滑，意粉硬度亦剛剛好，絕對係高水準之作。一場嚟到又點少得甜品，我地就嚟一個朱古力心太軟配開心果意式手工雪糕。店員上枱時會拉起個包裝等啲開心果忌廉跌落嚟，嗰刻好治癒視覺一大享受。心太軟又唔會太甜，好食得來又唔膩。開心果雪糕都好重開心果味，入面仲有啲開心果碎，整體上可以話好好食，係大愛呀！
繼續閱讀
之前一直想試Rosie，知道有間好多人去嘅分店喺葵芳，好開心最近喺鰂魚涌開左分店，夜晚收工都嚟到😚Cafe行木系小清新風格，環境休閑舒適，坐得好舒服🌾 Staff服務態度不錯，會keep住refill茶~ 價錢非常親民！同朋友2人叫咗3碟，南瓜意大利飯雖然睇落細細份，但其實好足料，整體creamy，南瓜係一口size，食落都好甜🎃✨ 我最鍾意係個青口大管粉，啲汁調得好好味，鍾意食意粉嘅話一定要去呢間試吓🧡 而蟹黃天使麵嘅蟹肉有好多，淡淡都有蟹，仲好貼心咁有一杯薑茶！呢間嘅意大利粉同其他連鎖店嘅口感完全唔同🤗好欣賞佢有唔同嘅小食可以加，啱曬想試多啲野嘅人😆 慢煮無激素雞胸有成四片咁多，調味好好，唔會太鹹~ 蒜香炒蘑菇好香口，係四個小食入面我地最impressed的😍 另外流心蛋同法式薯蓉都唔錯！🤍
繼續閱讀