影片
港鐵海怡半島站A出口, 步行約5分鐘
繼續閱讀
營業時間
星期一至日
07:00 - 22:00
以上資料只供參考, 請與餐廳確認詳情
這間舖除了標榜自己燒鵝出名之外，還標榜皇牌叉燒， 半年前買過但叉燒太乾，所以一直沒有再幫襯 。 今天經過見到又想再試下，可是又再次失望。 買60蚊半斤叉燒， 都唔算平但係得嗰幾嚿。買的時候已經同收銀職員講明要半肥瘦， 我望下張單都有寫，但回家後打開發現嗰幾嚿义燒乾如柴皮， 又冇汁，有一嚿仲冇切開 。 食落去好似食緊瘦肉，咬到牙都軟。這間店主打賣燒味，收費唔平但質素就非常差。 班職員完全冇理會客人的要求，貨不對版，服務令人非常失望，而且唔誠實，以後都不會幫襯。
繼續閱讀
應該係新開冇幾耐，睇落都乾淨，所以就去咗買個外賣食。見到門口貼住單一消費$50減$5，所以專登揀過個$50嘅，不過之後比完錢發現冇減，過返去問佢，佢話燒鵝髀飯唔計🤯門口張野又冇寫，有冇得減佢地自己講，咁同呃人有咩分別？之後買完個外賣返屋企食，打開一望，有一半係皮包骨，佢哋啲燒鵝係咪營養不良？之後有兩三舊有肉嘅，不過啲肉乾到發黑，唔知擺咗幾耐，仲要好硬😅出面買二三十蚊個嘅燒味飯都冇咁差😅真係可一不可再。
繼續閱讀
顧名思義，燒鵝皇子的招牌菜當然是燒鵝，及其燒雞叉燒等燒味美食。只是今次於早市造訪，吃的仍是一般茶記早餐。整體而言，小編對餐室的早餐評價只屬中下，尤其是早餐 A 的火腿通淡而無味。五香肉丁煎蛋麵正常，炒蛋不錯。雖然早餐定價較附近餐廳平一兩元，但亦未有足夠誘因吸引小編再來。有機會再試試店家的招牌燒味，才能對店家作出更全面的評價。
繼續閱讀
自從西村開咗之後，見到多一個燒味選擇真係太開心！一開始嘅時候，經常見到呢一間店排長龍。過咗一段日子，終於可以過嚟試一試。叫咗一個燒鵝髀米粉，連埋一杯凍檸茶；如果出去銅鑼灣或者灣仔食，好容易收$116/$125。呢度只收$104，算係咁上下。隻燒鵝髀米粉上枱，算係有啲驚喜。唔知大家有冇發現，依家出去出邊食，隻燒鵝髀多數都係凍嘅。雖然我唔係太鍾意隻燒鵝髀放在米粉上，但係起碼食嘅時候感受隻燒鵝髀完本都係熱嘅。 講真一句，食燒味，凍食熱食真係爭得好遠。再講呢隻燒鵝髀真係有啲工架，有肉質，鮮嫩，冇肥膏，皮薄。真係值得一個like!米粉ok啦！出面燒臘舖食到嗰啲米粉。最重要係呢度個湯底有落味精，導致起碼識落唔覺得無味。同一時間見到其他人，食的燒味飯質素也不錯👍🏻值得一讚是，新店開業，地方乾淨。而工作嘅阿姐都有禮貌，衛生意識強👍🏻👍🏻
繼續閱讀