影片
港鐵黃大仙站 C2 出口, 步行約1分鐘
繼續閱讀
電話號碼
23208748
營業時間
今日營業
24小時營業
星期一至日
24小時營業
以上資料只供參考, 請與餐廳確認詳情
食家推介
平時同屋企人去飲茶都去酒樓多,今次老媽子朋友推介我們去黃大仙冬菇亭飲茶!此間利豐打冷小廚,充滿懷舊氣息,估不到其點心又真好味!其重點是二十四小時營業,任何時間都食到!喜啖牛肉球的我,第一時間先點此處出品的牛肉球都頗大粒,非常足料!而且咬落好有口感,令人食得好滿足!最重要加上喼汁,令到整個味道更加提升!芫荽如上馬蹄,更可增加牛肉球的香味以及口感!還有必食的絕對是燒賣啦!口感很扎實,皮薄且內餡好豐富,咀嚼感十足!最美味是加辣椒醬或者辣椒油一齊食,勁正!另外點了鳳爪以及春卷;鳳爪醬汁夠濃味,而春卷就外層十足的卜卜脆,味道真心不俗!
繼續閱讀
喺黃大仙做完嘢順便搵嘢食見到仲有懷舊冬菇亭大排檔實在買少見少 大排檔絕對唔係麻甩佬嘅專利 今晚一個人的浪漫~ 坐低先奉上一壺熱茶. 潮州打冷梗係唔少得潮州滷味. 雖然好想食 但一個人真係食唔得幾多 好在有炒粉麵 於是叫咗個 炒貴刁. 望落其實似星洲炒米嘅河粉版. 好有鑊氣 份量相當大 一個女仔雀仔胃 食到一半已經要投降. 見到都係做街坊生意多 食客有唔少認識睇舖三兄妹 仲話由細睇到佢哋大. 喺呢啲地方食嘅 除咗鑊氣 仲有一份濃濃嘅人情味同童年回憶.
繼續閱讀
好似N年冇去過冬菇亭食飯，九成九都係中菜，就是但入咗一間。人大咗就真係會揀呢啲嘢食，蒸魚飯套餐仲要加點心。係真正嘅麻甩佬飯。去冬菇亭食嘅唔係乜嘢珍饈百味，而係一份人情味。醫護推介有啲乜嘢新鮮，乜嘢啱啱出爐。我蒸䱽魚，其實都係佢推介。另外見隔離飲茶咁過癮又叫咗一籠山竹牛肉食吓。食到差唔多落場，事頭婆又問我食唔食春卷送一條俾我食，因為唔食都係掉，所以都會送俾食客食。呢啲咁嘅體驗真係喺現今食肆好難見到。
繼續閱讀
有時放假一早醒左訓唔翻我通常都順便同屋企人落街飲個茶🫖今次去左呢間係冬菇亭入面既利豐打冷小㕑一入去姐姐們即刻勁熱情❤️🔥🤣咁啱又撞正啲點心啱啱新鮮整起-🥢燒賣飲茶點少得食燒賣！佢唔似有d燒賣食落口好粉既感覺，呢隻食落係啖啖肉😍皮薄餡靚，肉都好結實好有口感，可以問姐姐攞碟辣椒油🌶️ 更加惹味🥢鳳爪鳳爪都係我飲茶必食之一，啖啖肉之餘輕輕一咬就脫哂骨，而且掛滿晒汁，熱辣辣好正！🥢牛肉球牛肉球比起我平時岀面食開既大粒好多！好重手😂 食一粒就已經飽飽地，芫荽味都唔會完全蓋過晒牛肉嘅味道。配埋勁爽口嘅馬蹄粒同喼汁，口感層次再升一等！🥢蒸魚+飯雖然好少係飲茶既時候嗌蒸魚食，不過咁啱見到姐姐攞出嚟話新鮮啱啱蒸好，就忍唔住嗌咗條試吓🤣 魚肉又滑又嫩，啖啖肉冇乜細骨，蒸得啱啱好唔會過熟🥢春卷姐姐們勁好人咁送左兩條春卷比我哋食！ 入面係肉餡，雖然已經凍咗少少，但係仲保持到外皮脆卜卜！🥰-食物款式又多又有人情味加上呢度係開廿四小時無論早午晚宵夜都好啱去！
繼續閱讀
⭐️ 椒鹽鮮魷所有椒鹽既野食都係最愛（＾ν＾）~椒鹽鮮魷香脆可口⭐️ 鹹魚雞粒豆腐煲呢個反而比我想像中份量多, 都幾多鹹魚粒成碟感覺唔太鹹味道岩岩好, 撈埋一齊照入口, 你都係可以同時食到三樣野食~ (〃ω〃)⭐️ 炸蠔餅打冷必食(≧∀≦)!! 睇相都知蠔餅好脆口（╹◡╹）不過可能因為太多炸脆皮, 所以實心既蠔餅其實唔算多\(//∇//)\⭐️ 牛柳粒牛柳粒感覺一般, 可惜無配薯仔呢個配搭(●´ω｀●)份量亦都比較小~
繼續閱讀