影片
港鐵黃大仙站 A 出口, 步行約8分鐘
繼續閱讀
營業時間
星期一至二
全日休息
星期三至日
07:30 - 16:00
以上資料只供參考, 請與餐廳確認詳情
招牌菜
好耐都無食車仔麵，係荷里活睇完戲心血來潮，不如就行過黎食啦！濃記以前好似叫林記，坐落係鳳凰邨已經好耐，好彩換左名(係米姐係轉左手)都一樣咁好食，選擇都比以前多左好多，叫3餸就送野飲。行到去即刻見到條對車仔麵黎講唔知既人龍，就知呢間舖幾受街坊既支持啦！好彩行到去岩岩有枱空左，呢度D枱大部分都係街邊，店內得2張2人枱，環境唔算舒服，但就好有車仔麵應有既風格。講下碗麵先，今次食左豬紅，豬腸，蘿白，炸雞翼。個人大推介豬紅，呢個餸我無係第二道食過再好食D，食落有咬口唔粉是常識吧，仲要好濃好重既豬紅味(係我既角度其他正常豬紅都係無味)，D豬紅咬開會見到都幾鮮既朱紅色，並唔係死灰果種，食落唔會有澀味。另外係豬腸，因為我唔鍾意食腸頭太多肥膏層，所以會叫唔要腸頭，佢d豬腸洗得好乾淨，無左果層滑漉漉既内膜，所以好合我心意。蘿白通常好大舊，好少可會食到有渣，我10次大概有1次中招，好夠林，加埋咖哩OR腩汁，索晒D味好好食。炸雞翼好耐之前係無架，以前得油滷水雞翼，炸雞翼好重香茅味，佢無分開上所以個炸漿林左D扣左分，但咬落夠JUICY，唔會炸到乾晒，整體幾好食。麵我就偏好幼OR粗，呢度煮得比一般硬身D，我幾鐘意，如果想食李D都可以叫佢煮耐D。最後要提一句，佢係一條菜都唔會比你架，如果要食菜可以當一個餸咁叫
繼續閱讀
躲在家的日子多了, 相對品嚐家附近的美食變多了. 只是吃到一試難忘的車仔面就忍不住口, 每天要吃一碗. 而且正常1面3菜位位$22的車仔面已經不夠吃, 來夠4個菜真係日見肥胖.先讚此店的外賣盒不另收費, 實在難得!!車仔面配凍檸茶- 酸齋> 車仔面配酸齋太奇怪了吧?? 一直以來我都認為齋就齋, 何解車仔面有酸味味的配料? 就等於打邊爐吃午餐肉... 但自從跟老公吃過一次之後就愛上了, 尤其加上辣汁, 酸味更突出. 份量又多, 吃完整個人開心晒!- 炸雞翼> 必點小吃. 炸雞翼會放在暖櫃烘著保持熱度和脆口, 一份兩隻. 當暖櫃的雞翼賣完才會再煎新一批確保新鮮味道, 帶來不少信心. 雞翼醃味其實不夠, 勝在不油, 浸湯或沾了辣汁都好吃.- 蘿白> 個人認為蘿白是車仔面的精髓, 蔬菜可以讓車仔面變得健康. 蘿白用上湯煮過帶出甜味, 吃過幾次都未吃過苦味.- 豬腸> 算起上來不划算, 又不健康, 卻又每次都要... (犯賤)有豬腸味, 也有嚼感, 但就嫌剪得太細太過寒酸.面類有米粉, 油面, 粗面, 幼面, 米線........可選不辣小辣大辣, 而我吃過約一湯匙辣汁味道最適中.凍檸茶> 跟餐加$5說真的, 一般茶餐廳凍飲加$2我已經不會點, 但這次要$5我居然一口答應, 是因為這杯非一般的凍檸茶絕不馬虎. 沒有冰塊, 而且不是紅茶加檸檬加糖, 而是檸檬茶加新鮮檸檬! 檸檬切薄片所以唔酸, 已是冰凍的檸茶回到家還是冰冰, 杯的表面不會因為有冰塊凝成水珠, 感覺良好.黃大仙鳳凰村, 雙鳳街一帶車仔面店多的是, 我也特意每一間試試, 希望找到更好吃的都失望而回. 長勝將軍暫時無人能及.
繼續閱讀
車仔麵竟有 泰式燒烤 豬扒 雞扒 豬頸肉調味出色 個人認為好食過"榮式"蘿蔔無楂 豬腸乾淨 豬紅入味 豬肚爽口第一次有光顧2樣野要留意:1) 記得要清湯 選"無色"的送 胡椒湯底要一試2) 記得 另上 美味 "辣菜圃" (唔好加落碗麵)3送1麵跟凍飲 $27 價錢合理 個人認為物超所值點解話早起的鳥兒有好野吃 好簡單因為8am款式 最多 最齊 最好味!!
繼續閱讀
係黃大仙住咗三十幾年,平時都好小食車仔麵,上個禮拜六同老婆下午見倒呢間濃記車仔麵檔好多人食,老婆話要坐低試吓.我地就叫咗兩碗都係河粉底共六個送有: 豬腸: 大概有六粒大, 份量算好多. 豬腸洗得乾淨有咬感, 沒有異味因為自問自己對食有要求,唔容許有糞便味(但聽過有人喜歡original一d嘅口味)蘿白:好入味無渣必點! 豬紅:我嘅最愛,好小會係街食到吟入味(我最喜歡打冷的豬紅)呢個比較清嘅version都幾好豬手: 老婆食過超鍾意唔會太鬆散!入味!豬扒: 醃味有特色,外面食豬扒麵的感覺鬆軟好味份量以二十多元一碗加上其他材料覺得超值豬肚: 炆得好淋好!入味! 下次要order一碗豬頸肉: 味濃好有BBQ嘅感覺,同湯底好夾!飲品:奶茶/ 想唔到有老茶餐廳STYLE味道因種類太多下次會再試吓其他送
繼續閱讀
估唔到呢篇會係濃記第一篇食評~禮拜四去慈雲山做嘢,見肚餓,周圍搵嘢食...行過附近一啲茶記,又唔太想食...行下行下,見到一間位置都幾隱蔽嘅麵檔,仲要係車仔麵,寫住三餸一麵=$19,幾抵喎,就走埋去睇下...環境係地踎啲,舖位細細,只有數張檯,又唔算特別污糟,但阿姐服務唔錯,幾殷勤下...要咗鳳爪,牛腩,菜肉雲吞(阿姐不斷推介)+油麵,俾多$4有汽水...鳳爪有兩隻,整得唔錯,入味,唔會煮到一夾就爛,幾有質感;牛腩都算係咁,唔靭,略嫌唔夠味,但多筋,正合朕意;至於阿姐強烈推介嘅菜肉雲吞,又係唔錯,皮唔算厚,餡唔少,又夠味,但得兩粒,如果有3粒會好好多~麵就淥得幾爽口~最值得講下係佢擺喺檯面嘅蝦米菜莆粒,真係好好食,夠辣,但唔會令你麻晒咁,擺落碗麵度,真係不得了~最好係任你食,唔駛$$$~值得支持嘅小舖!!!
繼續閱讀