影片
更多
2021-08-17
1481 瀏覽
年頭收到VeggieSF要結業既消息真係好唔捨得素食未有依家咁流行之前，喺香港想食素就只有齋鋪、齋鋪、同埋齋鋪...非素食者對素食既概念都只有齋滷味、芋頭魚同羅漢齋之類既野。VeggieSF喺10年前就已經開始提供西式fusion素食，令人知道素食唔規限於油淋淋既中式素食，而係非常多元化，色香味俱全。後來佢地更由蛋奶素，搖身一變成為無蛋奶既100% vegan餐廳，果種determination真係好令人佩服同景仰。天下無不散之延席，VeggieSF都有落幕既一日，趁仲有得食就要快啲黎幫趁。依個KFC炸雞個名好盞鬼，本來以為佢係食字「肯德基」，原來佢全寫係Korean Fried Chicken，係如貨真價實既KFC！厚厚既韓式辣醬包住素炸雞，加埋啲沙律菜中和左個辣味同膩感，作為開胃菜淺嚐都唔錯。Laksa Cha Cha Cha 星洲喇沙花生椰汁咖喱腰果雜菜飯 - 可以配飯或者印度薄餅，我地就揀左要飯，貪飯可以用黎撈汁。依味喇沙絕對適合重口味人士，味道夠哂濃郁。配料都好豐富，有唔同既蔬菜，仲有啲nuts。Union Square 焗意大利香草紅甜椒汁雜菜意粉或飯伴腰果香草醬 - 依個
依個KFC炸雞個名好盞鬼，本來以為佢係食字「肯德基」，原來佢全寫係Korean Fried Chicken，係如貨真價實既KFC！厚厚既韓式辣醬包住素炸雞，加埋啲沙律菜中和左個辣味同膩感，作為開胃菜淺嚐都唔錯。
Laksa Cha Cha Cha 星洲喇沙花生椰汁咖喱腰果雜菜飯 - 可以配飯或者印度薄餅，我地就揀左要飯，貪飯可以用黎撈汁。依味喇沙絕對適合重口味人士，味道夠哂濃郁。配料都好豐富，有唔同既蔬菜，仲有啲nuts。
Union Square 焗意大利香草紅甜椒汁雜菜意粉或飯伴腰果香草醬 - 依個我地要左腰果，焗既野係即叫即焗，所以要等耐少少。個醬汁係由蔬菜打成，非常健康，鐘意食簡單既食物原味道就一定要點佢。
Trip to Bali 印尼加多加多沙律、炸豆腐、腰果、大豆炸物伴椰汁飯 - 超級大堆頭既一個dish，可以一次過滿張N個願望！首先係賣相非常級引，有好多顏色同唔同款式，另外一個碟入面就裝住哂啲印尼名物，食完真係好似去左一轉峇里咁。椰汁飯好香，食多多都唔厭，塊素蝦片都好特別。
Oakland Breeze 越式撈米粉伴香草、炸豆腐、腰果及大豆炸物配自家製有機檬汁 - 如果鐘意比較清新口味，Oakland Breeze就啱哂。檬汁酸酸甜甜夠哂開胃，仲有好多蔬菜。啲配料同Oakland Breeze類似，但就比到完全唔同既感覺。
本身好鐘意食佢地既I am Fabulous紅菜頭burger，份量大但又好好食，結果次次都食到太飽，所以都好耐冇再食過。希望喺佢地結業前可以再去試一次啦！
張貼
