仁沙洞

營業中

休息中

又係一個土瓜環放lunch嘅weekday，同事話食過呢間不錯，而筆者又心心念念炸醬麵多日，所以就揀呢間。一樣12點15左右到，等入座時間為0，坐底就有menu，店員真係아줌마年紀，但應該就係韓國人，叫咗我嘅炸醬麵就自己去拎水，有個箱裝住，幾衛生，餐具就佢會送上。炸醬麵到，feel到係剛煮好嘅麵體，再加一早煮好一大鍋炸醬。先講配菜，一份翠玉瓜同一份薯仔，都係好韓國嘅配菜，但係配菜嘅目的係早和食厭咗嘅味道同埋帶一絲新嘅口感，翠玉瓜同薯仔都係偏淋嘅食物，而且味道冇好突出，起唔到配菜嘅作用，少少失望，唔知道可唔可以特別要求邊種配菜呢而主菜炸醬麵用咗Chul麵，即係黃色油麵，係筆者想食嘅麵體，好鍾意要用兩隻筷子左右手咁撈，特別有韓劇feel！Chul麵感覺係特別長，所以夾起都考筷子功同要用到少少陰力，筆者未食飯冇乜力，食到啲汁彈哂上恤衫，所以食嗰時要小心啲。筆者最近戒牛，但炸醬嘅肉食落有牛肉一絲一絲嘅感覺，我有問過店員，但店員都唔確定，所以唔食牛嘅都要留意吓。不過以唔加一，同埋有午市價，都不錯一試。