影片
更多
2024-10-14
603 瀏覽
服務幫襯之前都睇哂Openrice同Google review知依間野態度麻麻，所以有定哂心理準備，但去到現場又感覺Ok，唔好expect職員會好殷勤好有禮貌同熱情，正常對答啦環境天氣好風景好靚，有d海風時好舒服。但圍欄外係公家路，靠住圍欄食嘢睇風景嘅時候會有路人好近咁係你面前經過😂同埋冇海風嘅時候通風情況麻麻哋，雖然我哋已經加咗$400（2個爐)坐海邊位，但隔4-5張枱嘅客人有段時間係度煙燻嘢食，我哋隔咁遠都俾啲煙攻到標哂眼水，幾個屋企人去搵水洗眼，幾個去廁所(有冷氣)，幾個行到出燒烤場外唞氣。我哋同職員反映，佢哋話燒嘢食係咁㗎啦，然後見到果枱人帶哂公仔麵煲同膠盒裝燒好嘅野食，我哋諗可能係熟客或者自己友，所以職員都冇溫馨提示佢哋影響到其他人啦食物始終係任食都唔會expect質素好好，大部分肉類都醃得偏鹹，以假日價$338一位全日任食黎講，食物種類數量可以接受。但牛扒豬扒豬頸肉等等全部都一大塊，記得自己帶鉸剪或者刀方便進食，現場只有提供環保木刀😂飲品任飲有汽水橙汁蘋果汁同水，全部喺汽水機撳出嚟，夠哂凍，另有罐裝樽裝飲品同酒精飲品可以加錢買，大概$10至$20，一定貴過超市但出街食嘢不嬲
幫襯之前都睇哂Openrice同Google review知依間野態度麻麻，所以有定哂心理準備，但去到現場又感覺Ok，唔好expect職員會好殷勤好有禮貌同熱情，正常對答啦
環境
天氣好風景好靚，有d海風時好舒服。但圍欄外係公家路，靠住圍欄食嘢睇風景嘅時候會有路人好近咁係你面前經過😂
同埋冇海風嘅時候通風情況麻麻哋，雖然我哋已經加咗$400（2個爐)坐海邊位，但隔4-5張枱嘅客人有段時間係度煙燻嘢食，我哋隔咁遠都俾啲煙攻到標哂眼水，幾個屋企人去搵水洗眼，幾個去廁所(有冷氣)，幾個行到出燒烤場外唞氣。
我哋同職員反映，佢哋話燒嘢食係咁㗎啦，然後見到果枱人帶哂公仔麵煲同膠盒裝燒好嘅野食，我哋諗可能係熟客或者自己友，所以職員都冇溫馨提示佢哋影響到其他人啦
食物
始終係任食都唔會expect質素好好，大部分肉類都醃得偏鹹，以假日價$338一位全日任食黎講，食物種類數量可以接受。但牛扒豬扒豬頸肉等等全部都一大塊，記得自己帶鉸剪或者刀方便進食，現場只有提供環保木刀😂
飲品
任飲有汽水橙汁蘋果汁同水，全部喺汽水機撳出嚟，夠哂凍，另有罐裝樽裝飲品同酒精飲品可以加錢買，大概$10至$20，一定貴過超市但出街食嘢不嬲有係酒水最賺錢所以ok啦，可以自備飲品，但係如果帶酒精飲品入場就要俾”開瓶費”
總括嚟講，幾百蚊任食任飲咁多個鐘，地方又乾淨企理有海景，算係咁啦。人多唔想準備咁多嘢都值得嚟幫襯，但係如果人少少就寧願自己買靚食材，搵個會所燒烤場燒嘢食仲舒服。
張貼
