WM咖啡廳

WM咖啡廳最近推出「蟹逅秋意自助晚餐」，為食客準備咗多款蟹肉佳餚，好多道菜都有蟹嘅原素係入面，令人回味無窮。10月至11月期間有供應大閘蟹，週五至週日每人可享用一隻，大閘蟹鮮甜肥美，上菜時仲會提供薑茶同醋汁。週一至週四每人則送焗釀蟹蓋一份，大大個蟹蓋啖啖蟹肉，芝味十足自助區域仲有多款蟹餚🦀蟹粉流沙天使麵：天使麵配上濃厚蟹粉、蟹肉同蟹籽，融合鹹蛋黃係入面，味道超濃郁🦀泰式芒果蟹肉米紙卷：米紙卷包住蟹肉、芒果、紅蘿蔔、青瓜，清新好味🦀阿拉斯加蟹腳茶碗蒸：水份同蛋比例控制得好，蛋味香濃又嫩滑，配上阿拉斯加蟹腳，滿滿鮮味🦀蛋白蟹肉扒時蔬：芡汁整得好惹味，蛋白嫩滑伴上蟹肉，鮮味可口仲有泰式蟹膏油炒蟹肉飯、松葉蟹肉果凍等等菜式▪️自助餐又點少得有冷盤海鮮，大受歡迎嘅即開時令生蠔🦪、法國麵包蟹🦀、加拿大松葉蟹腳🦀、小龍蝦🦞同海蝦🦐，refill得好快，任食任拎。仲有多款刺身同壽司，更有即燒串燒、天婦羅炸物等……▪️甜品區款式眾多，當中最搶手嘅係D24榴槤蛋糕，蛋糕口感綿密，充滿榴槤香氣😍 香印提子撻撻皮酥脆，口感豐富有層次。班蘭椰子菠蘿蛋糕賣相好靚，層層分明！桂花酒釀小丸子賣相精緻，杯上以金箔點綴，更顯