本身都幾鍾意食斑蘭蛋糕🙈 經過旺中竟然見到有斑蘭雞蛋仔！ 仲要都幾多人排隊等緊😬 就二話不說即刻走咗去買～ 雖然佢係即叫即做😆 攞上手熱辣辣 外面睇落去脆卜卜 聞落去都略為有蛋香味 但食咗之後發現... 兩個字 — 大伏😅 其實我要求都唔高呀 有啲斑蘭味就可以了🤨 結果同原味雞蛋仔冇分別 或者連普通雞蛋仔都不如🥲 蛋漿明顯唔太均勻 外脆內軟都做唔到🙁 完全係空心嘅雞蛋仔 $21蚊唔算平😞 除咗個賣相還可以接受之外 水準完全係below average 食完之後突然之間sad咗🙃 曬咗錢又嘥咗個肚食其他好嘢 中晒服呀大佬真係搞唔掂 可能係整呢個店員有問題🥶 因為我見網上都有啲好評 唔知啊反正以後唔會再食 如果大家有食過不妨都分享吓好唔好食... ⭐️ CP值：🐘🐘 ⭐️ 打卡able：🐘🐘 ⭐️ 舒適度：N/A ⭐️ 再食指數：建議唔好🥲

難得放假當然要周圍去行吓街啦，行過嘅時候比我見到呢一間餐廳竟然有一款食物係叫做豬柳蛋雞蛋仔！滿滿好奇心嘅我當然要試吓呢一個咁特別嘅雞蛋仔啦！ 豬柳蛋雞蛋仔 $31, 呢一個雞蛋仔真係非常之特別，好值得一試，每一粒雞蛋仔入面都有豬柳粒，蛋，芝士！真係好似食緊豬柳蛋漢堡咁！但係外面係用咗好香滑嘅雞蛋仔包住！成個口感層次好豐富

🇭🇰 629雞蛋仔 · 呢條路我地已經行過幾次架啦 因為佢好方便 係市區開始行 而且都幾易行 就算天氣唔係特別好都可以😎係彩虹站出一路沿住斜路上德望學校 就可以係飛鵝山道開始啦😎😎個零鐘鬆啲就可以上到山頂 而且係山頂睇日落超靚🌄 · 格仔餅$23 上次我哋喺呢間食左佢地個雞蛋仔覺得幾好食 所以今次就試埋佢個格仔餅啦😎佢個格仔餅真係超厚 蛋味幾濃 而且好多醬 不過我覺得佢嘅煉奶比例比較多 所以食落比較漏 食咗半個已經超飽 唔洗再食其他野😂😂 · 📍新蒲崗康強街28號康景商場地下28J舖 · #rbyeat #rby好去處 #rbybakery #rby港式 #rby新蒲崗

今個weekend黎個炮台山下午遊💁🏻朋友帶左我去一間好多人推介既雞蛋仔/格仔餅店-蛋香烘焙。啱啱食左lunch既我地淨係可以買一底原味雞蛋仔($20)淺嚐🤤 呢度既雞蛋仔係即叫即整，保證新鮮，包裝既紙袋有小孔比雞蛋仔抖氣，咁就唔會咁快淋；佢既材料來自世界各地🌍(麵粉來自美國🇺🇸、鮮雞蛋來自泰國🇹🇭/荷蘭🇳🇱、牛油來自紐西蘭🇳🇿)，可見店主對品質好有要求👍🏻 雞蛋仔拎到上手熱辣辣，咬落好脆，好有內涵(有一半係蛋漿)，唔係空心既雞蛋仔，外脆內軟😎口味較淡既我覺得味道略甜🤏🏻經過開炮台山既會再食🖐🏻

有日同朋友去開北角咁啱見到呢間睇落好似街坊小店嘅雞蛋仔😂聽講呢間好似OpenRice好多好評，仲有米芝連推介😳就嗌咗底雞蛋仔 ($20) 試下🤤 個日都有四五個人排隊，一開頭見到姨姨拎咗底整好吹緊風嘅雞蛋仔都驚會凍咗唔好食，但拎上手都仲係熱辣辣，可能因為流轉快所以唔係擺咗好耐😶 食落去外脆內軟，超煙韌😍佢唔係每一粒都做到一半空氣一半雞蛋仔嘅structure，係相對比較飽滿，但食落又覺得保留到少少空氣感，每一粒都口感幾好🤤雞蛋味算有但唔係好濃香個種🤭但如果再經過可能我都會再買返一底嘅😛

有日放假經過旺中，聞到香濃嘅蛋香味，就係「Modos摩豆買咗一份伯爵茶味嘅雞蛋仔，價值$25！😊等咗五分鐘就拎到，除咗濃濃蛋香之外，伯爵味都好出，甜度適中，食完仲有一種齒頰留香嘅感覺！ 呢個小店仲有其他特色口味嘅雞蛋仔同格仔餅想試！😋

有一天，路過太子，見到有間特別的小食店，摩芽雞蛋仔。 落單後，要等幾分鐘，因為摩芽雞蛋仔，即叫，才即做。我叫了星星朱古力雞蛋仔，真係有星星。雞蛋仔要即食，很脆。拿回家跟家人分享，等了十多分鐘，無咁脆，所以摩芽雞蛋仔，即叫即做，也要即食。 摩芽雞蛋仔 太子汝州街17號地舖

📍大澳華記香脆雞旦仔 #wgz_taio #wgz_港式 星期六日大家可能都會去遠啲，分享下免得大家中伏🤢 🧇炭燒雞蛋仔 (2/10) $26🧇 巨伏🤮見前面得10個人左右，應該唔會等好耐啦，點知成6分鐘先整到一底，等咗足足一個鐘😵‍💫都唔緊要啦，當你慢工出細貨。點知一到手...點解咁黑嘅🫠之前上ig睇人哋嗰啲都唔係咁架！你以為佢咁燶應該好脆啦，唔係喎，淋過毛巾，冇辦法逐粒完整摵開架。啡咗嗰啲咪一陣燶味囉，蛋香？炭燒香？完全冇呀🤡唔明點解咁嘅嘢都有人吹捧，人生都未食過咁難食嘅雞蛋仔😡 📌大澳石仔埗街121號地下

雞蛋仔係我細細最鐘意食既。細個只係得原味同朱古力選擇。依家由甜到咸都有多款選擇。依家既小朋友真係好幸福 ar.. 我見到個個拎住既雞蛋仔係一袋紙盒包裝，instead of 紙皮包裝，成個感覺高級又乾淨。講番個底雞蛋仔先，叫左香蕉朱古力味，佢即叫即整，入面每一粒都食到有香蕉同香濃朱古力味。新鮮又熱又脆，香蕉溶係要夠熱先至係最好食，再配上溶溶地既朱古力，真係太好味了吧😆。除咗雞蛋仔之外仲有個宇治紅豆飲品，綠茶既味道同紅豆真係太夾了。加上熱到牙媽都吳認得既日子。凍宇治紅豆正合我心意 下次我想試下肉鬆芝麻雞蛋仔。有無人一齊去食？

店鋪主打雞蛋仔，當然要試下佢哋嘅招牌！😍見到雙重芝士係店鋪top one😙咁當然要試下啦，即叫即焗非常之新鮮🔥可以見到店員喺入邊慢慢製作，拎到手熱辣辣，香噴噴，真係好吸引！❤ . 雙重芝士$45 雪糕兩球雲呢拿＋朱古力雪糕$20 我哋仲加咗兩球雪糕🍨冰雪交融嘅味道非常邪惡，而且雞蛋仔夠鬆化，食落去好似蛋糕質感🧁口感好香脆。真係要新鮮企係旁邊慢慢食，都可以感受獨特街頭風味，所以之後都想試下其它口味。 . 益力多沙冰$30 店員話冇特登額外落堂，所以更加健康☀益力多配沙冰嘅味道，好清涼。👍

一直都幾鍾意食依d特色的雞蛋仔，可能今日唔好彩揀左個味麻麻地。。。 積及橙朱古力雞蛋仔，見到店員整左一個，之後唔成功😂😂，再整多個比我。 聞到好香橙味，外皮都幾脆，內心軟軟地又帶左少少Q彈幾好口感，但食唔出橙味？？？ 朱古力係朱古力粒，d朱古力都比得幾多下，幾夠味。 有d失望係食唔到橙味，但又聞到….，下次揀過第二個口味應該冇問題，整體黎講係唔錯的，會再次幫襯試下其他味。不過依d真係要趁熱食，凍左之後個心就冇咁Q彈 店員服務態度都好好👍

紅磡既四十幾年老字號雞蛋仔，咁出名梗係要試吓啦，店舖面積不大，大約100呎左右，佢呢度除咗雞蛋仔同格仔餅仲有班戟賣，佢嘅班戟好似好出名咁，我見到都有人買咗幾份，本身諗住想試吓佢嘅雞蛋仔，但最後都係買多咗一份班戟😍😍 我哋叫咗一份🥭芒果班戟，佢個餅底係黎至雞蛋仔嘅蛋醬，放喺平底爐度煎，一陣就得啦，個樣好似熱煎餅咁，但佢梗係再軟熟啲啦，即叫即整，見佢落咗沙律醬再加芒果，啲芒果超多，多到漏晒，佢個味道好豐富，我食到又有甜又香味，啲芒果好靚，佢係用個冰箱裝住，確保佢嘅新鮮度💪🏻💪🏻 之後叫左個原味雞蛋仔，其實我比完錢就即刻有，佢應該做好咗幾抵，我覺得雞蛋仔一定要即叫即整同即食先得，更加可以食到佢既外脆內軟，雖然我拎住嘅時候都係熱嘅，但佢外面嘅脆已經開始有啲硬，咬落去已經有啲韌，裏面食得出都軟熟嘅，但係唔夠熱，希望下次可以食到新鮮出爐嘅雞蛋仔

週末嚟旺中行街 少不免要搵啲小食醫吓肚 經過呢間雞蛋仔鋪 黃色鋪面實在會令人注目 門口仲有條長長嘅人龍 🥚榛子花生味雞蛋仔 HKD29 第一次見嘅獨有味道 落單後等咗大概十五分鐘 拎上手仲熱辣辣 雞蛋仔質地軟淋淋 如果可以脆啲就更好 雞蛋仔size比坊間細粒 但勝在夠足料 每料都食到粒粒花生 🥜 榛子味就唔算突出 除咗甜食 仲有咸食雞蛋仔提供 咁多口味確實令人眼花撩亂 希望下次再試埋格仔餅 😊

今次叫咗個小山園抹茶雞蛋仔（$29）同雙重芝士雞蛋仔（$45） 抹茶雞蛋仔抹茶味都算出，好明顯食到，亦都食得出真係用小山園抹茶粉。餡嘅份量都好正常，整個雞蛋仔都外脆內軟。 至於呢個價值$45嘅雙重芝士雞蛋仔就真係幾失望，雞蛋仔嘅餡得啲好淡嘅芝士味，個邊位嘅芝士味會濃啲，但佢叫得雙重芝士雞蛋仔我就會預計芝士味濃三/四倍。所以好失望，絕對唔值呢個價錢。 整體兩件雞蛋仔都好脆，好食的，只係雙重芝士雞蛋仔唔值咁貴。果然上環呢間媽咪雞蛋仔質素幾好。

講開大澳、網上評論大澳有三寶其中一個係炭燒雞蛋仔、講起這個雞蛋仔呢係超級多人排隊真係誇張到你唔信🙄屋企人為左買咗買依个雞蛋仔、你估下排咗幾耐🙄🙄🙄睇到最後先開估啦！🤭鸡旦仔每底26蚊、價錢其實一啲都唔平㗎。 講番雞蛋仔嘅味道先、聞到有淡淡炭燒爐燒出嚟味道、每个蛋粒都脹卜卜好可愛👍好食唔錯。 最後講番嘅等候時間、埋到檔口前見到大叔一支公一個爐一對手、他他條條喺度整雞蛋仔、話之你排隊、仲有每個客人去到擋前先決定要几多底、你叫幾多底都得🙄唔怪得要排咁耐喇！佢個安排認真差、應該學下其他檔主派飛、唔使人哋痴痴呆呆喺度傻等真係冇陰公😒😒😒😒😒各位現在開估等候時間登登登登系足足3个鐘😂😂😂所以假期去到大澳建議這個炭燒雞蛋仔千祈唔好排隊等呀！除非無乜人排隊。