媽咪雞蛋仔 記得最近一次食「媽咪雞蛋仔」係上年年尾經開銅鑼灣買咗格仔餅，今次我經開尖沙咀天星碼頭附近，記得附近有一間「媽咪雞蛋仔」，最後買咗一底抹茶黑糖麻糬雞蛋仔，再加一杯特濃朱古力沙冰，咁樣買可以平$4，不過我覺得地址有少少問題，位置話喺天星碼頭一樓，搞到我差少少入閘上船，地面就地面，點解要寫咩一樓！🤣🤣🤣 1.抹茶黑糖麻糬雞蛋仔$53（8/10） 身為抹茶控嘅我，當然買一底抹茶黑糖麻糬雞蛋仔試下啦，雞蛋仔外脆內軟，加咗麻糬好煙韌，不過黑糖就甜咗少少，搞到抹茶味唔夠出，價錢都幾貴下！ 2.特濃朱古力沙冰$35（9.5/10） 呢杯特濃朱古力沙冰飲落冰唔算多，朱古力味好濃郁，成杯似奶昔咁好夠濃稠，如果一次過買任何雞蛋仔或格仔餅，再加購飲品就會平$4！ 2人總共價錢$84 個人口味總評分：8.75/10 @mammypancake.hk 地址：尖沙咀天星碼頭1樓KP-13, 29及30號舖 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #媽咪雞蛋仔 #尖沙咀 #尖沙咀好去處 #天星碼頭 #掃街 #雞蛋仔 #格仔餅 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

媽咪雞蛋仔出咗新口味啊！今期最新推出嘅有黑糖麻糬雞蛋仔系列😍今日經過尖沙咀碼頭，就買咗一底抹茶黑糖麻糬雞蛋仔同加咗杯益力多沙冰試吓！ 用麻糬整成嘅雞蛋仔，比一般嘅雞蛋仔更加Q彈同煙靭，真係好似麻糬咁，好好咬口🤣鍾意煙煙韌韌嘅朋友一定會好鍾意😊抹茶就保持住一貫水準，非常香濃，甜度啱啱好，同黑糖麻糬嘅感覺超夾，我自己非常鍾意👍🏻👍🏻👍🏻 雞蛋仔嘅口感就唔使講，繼續係外脆內軟，可以話係香港數一數二嘅雞蛋仔👍🏻 至於杯益力多沙冰都唔錯喎！夏日炎炎，飲番杯沙冰就至啱，呢杯益力多沙冰重點係冇乜溝水，飲一啖就好似飲咗一罐益力多咁，非常過癮🤣

話說第一次食完焦糖燉蛋味雞蛋仔之後 因為我超級鍾意食Tiramisu 於是就隨口同老闆講希望試到Tiramisu雞蛋仔🍫☕️ 點知話咁快就願望成真喇😍😍😍 雞蛋仔上面係純可可粉🍫 裏面係咖啡奶凍☕️ 急不及待即刻衝過嚟 試下係咪心目中嘅味道先😍 🍫☕️🍫☕️🍫☕️ 發覺老闆同2間店舖店員都係超級大方！ 誓要將餡料打爆每一粒雞蛋仔😂 📣Tiramisu出場喇📣 真係嘩！嘩！聲呀😱😱😱 超級靚！超級打卡！📸 老闆仲預備埋手套 好貼心♥️ 熱辣辣 卜卜脆 包住軟滑嘅咖啡奶凍 咖啡味香濃微甜🤤 連唔鍾意食甜嘢嘅媽媽都大讚出色呀👍🏻👍🏻 芝士豬柳味雞蛋仔😍 平時食豬柳漢堡個包又乾又硬 但係將芝士豬柳配雞蛋仔 軟硬度係啱啱好👍🏻口感好舒服👍🏻 裏面滿滿芝士同豬柳粒 比起夾包食更方便 更濃郁😍👍🏻 豬隊友除咗賣雞蛋仔之外 炸物都係非常之出色👍🏻 每次食雞蛋仔都一定要食埋炸大雞髀先完滿💯 呢隻炸大雞髀大過我塊臉😳 每一次食！每間分店！ 都係一定炸到脆卜卜又嫩又多肉汁🤤👍🏻👍🏻 依家味道同size都升級2.0 如果想食炸雞髀一定要預留時間呀 因為係即叫即炸大大隻生雞髀嚟架🤤 🟣紫金地瓜QQ球🟡 🟣紫色地瓜 包住 🟡黃色地瓜 🟡黃色地瓜 包住 🟣 紫色地瓜 口感煙煙韌韌 裏面仲有軟綿綿嘅番薯蓉 一個一啖一口🟣🟡太好食嘅關係 話咁快一口氣就食咗9粒😂 食嘅時候要小心D呀！因為會熱到辣嘴😂 如果你哋去開豬隊友🐷 都可以同店員講希望想食到咩味嘅雞蛋仔 希望下一位就係到你願望成喇🤩🤩

📍大澳華記香脆雞蛋仔 每次去大澳一定會唸起炭燒雞蛋仔‼️🐣 一場黎到緊係要試啦😆 炭燒雞蛋仔 （$27） 成間舖得一個炭爐去燒雞蛋仔 平均每底雞蛋仔大約要等5分鐘先整好 所以今次都排左差唔多半個鐘先買到🤣 叔叔整每底雞蛋仔都會加d炭去燒 再將蛋漿倒入模入面 然後慢慢用炭火燒香 每底雞蛋仔都係新鮮熱辣辣整好👍🏻 炭燒雞蛋仔同普通雞蛋仔明顯食得出有分別 炭燒既雞蛋仔會乾身同脆口一d😋😋😋 咬開入面仲係好濕潤飽滿 雖然$27一底雞蛋仔唔算抵食🧐 但食完呢底雞蛋仔之後會令你覺得值得去排隊買 真係心機貨💯 如果去大澳既 不妨一試👍🏻👍🏻👍🏻✅

旺中最多人排既雞蛋仔非ICE PUFF 莫屬。試過撞正星期日黎買…最後等左一個鐘.. 今日見平日人少少，就叫左個雞蛋仔過口癮～ICE PUFF有好多特別口味既雞蛋仔同格仔餅可供選擇。我今次都係叫左伯爵茶雞蛋仔！
雞蛋仔即叫即做，所以等候既時間要長少少，每次大約等15分鐘至20分鐘。落完ORDER 可以周圍行下再返黎攞，時間就會岩岩好～
雞蛋仔未食就會聞到有好香既伯爵茶味！雞蛋仔脆身但又唔會好少面粉。做到外脆內軟！每一顆雞蛋仔都佈滿伯爵茶，絕對係真材實料！

🔸特濃朱古力麻糬雞蛋仔 $35 岩岩拎上手真係熱辣辣🔥而特濃朱古力係外皮係朱古力再加上朱古力粒粒所以係double chocolate🍫以為會好甜但完全唔會🤭麻糬係每粒雞蛋仔都有都偏大粒仲煙靭🤍雞蛋仔外脆內軟仲要實心唔係空心😙所以食咗幾粒都飽飽地😂另外,雞蛋仔又朱古力又麻糬都偏膩,建議同人share 食🤪 🔺芝士豬柳蛋雞蛋仔 $32 雞蛋仔係好似格餅咁夾埋🧇一打開芝士係可以拉絲的,車打芝士佈滿整個雞蛋仔啖啖都食到🧀豬柳粒都係每粒雞蛋仔都有,而雞蛋只有中間嘅位置先食到🥚成個味道係甜甜的雞蛋仔再加上鹹的配料感覺好奇妙但又係夾的😆但未到要特登山長水遠去食的程度如果經過係值得一試的💞 🔺燒賣(6粒)$10 太餓的關係就買住燒賣等住食,燒賣都係來貨的,感覺係金龍🙌🏻 🤤好味度 : 8/10 🔙回頭率 :9/10 (想試吓格仔餅)

我好喜歡芝士，又好喜歡雞蛋仔，所以媽咪雞蛋仔 哩隻 雙重芝士雞蛋仔 就啱晒我！ 雞蛋仔的蛋漿好重要，而媽咪雞蛋仔的蛋槳算係中上之選，烤出嚟嘅雞蛋仔外脆內軟，都有好香蛋味。我間唔中見到有分店，都會買嚟食，所以都試過好幾間唔同分店，例如屯門的，尖沙咀的，還有佐敦的。而咁多間我試過的店當中，我覺得哩間荃灣的整出黎的雞蛋仔係最好味的！ 佢芝士料足，焗完出嚟脆卜卜！一咬落去熱辣辣又香芝士味，我一個人都食得晒全底！唔知係咪因為咁，次次都要排隊的 我之前試過尖沙咀有一間… 試左2次之後我就決定下次去買返原味算了，慳返一半價錢哈哈😆不過佢啲原味雞蛋仔還是不錯的

次次黎旺中都會搵下小食😃今次聞到好香雞蛋仔味就即刻排隊買人龍唔算太長但係因為即刻整所以要等耐小小 ～～～～～～～～～～～～～～～～～～～～ 原味雞蛋仔 $20 老闆會問你加唔加麻糬（+$6） 雞蛋仔即叫即製 當我咬下第一啖時，好明顯感受到麻薯的鬆化口感，而且口感相對黏黏較軟geh咬口。雞蛋仔的外皮金黃酥脆雞蛋仔邊緣脆卜卜好香好好味 但係相比其他雞蛋仔店geh 雞蛋仔 呢間味道相對沒有那麼偏淡dd😄如果蛋漿味道再濃d 會更好

未食過都一定有聽過「低調高手大街小食」呢個特別嘅名
鋪名可以改到咁型，老細一定對自己都好有信心😂梗係要試下好食😜我就覺得同媽咪雞蛋仔差唔多，要比較嘅就係媽咪雞蛋仔唔洗等咁耐😂
超好多人排隊，所以一定係即叫即整! 新鮮熱辣辣出爐嘅雞蛋仔格仔餅好難唔好食🤤
我就叫左一底雞蛋仔一底格仔餅，等左45分鐘左右，見到好多人買五底以上😯
格仔餅快出過雞蛋仔，現場見好多人都叫2-3底雞蛋仔，雞蛋仔受歡迎程度大拋離過格仔餅😝⭐原味雞蛋仔
第一次吃，梗係要試下原味雞蛋仔! 呢度雞蛋仔嘅口感係外脆內軟，烤得脆卜卜有少少甜味，新鮮熱辣辣好食~係回憶嘅味道🤣⭐金莎格仔餅
格仔餅而家有人叫夾餅，始終都係叫格仔餅最順口😝
格仔餅算係香港地道小食之一，低調高手大街小食有好多唔同口味，我就試左金莎格仔餅。格仔餅個面係脆脆地邊，入面嘅粉岩岩好所以食落脆脆地，有層次又唔會變成蛋糕咁厚身

行行吓Taste超市，聞到一陣好香嘅雞蛋仔味就俾佢吸引咗🤤 媽咪雞蛋仔有好多款唔同嘅雞蛋仔同格仔餅。全部都好似好吸引🤩 想試吓一款甜一款鹹，所以就嗌咗兩款： 1️⃣ 伯爵茶朱古力雞蛋仔 伯爵茶朱古力雞蛋仔，口感外脆外軟，伯爵茶味都相對濃郁，感覺有少少蓋過咗朱古力味道剩係得茶味比較突出🍴 2️⃣芝士雞蛋仔 芝士雞蛋仔，同樣口感都係外脆內軟，本身好期待覺得芝士味會好濃，因為整完出嚟飄散咗陣陣嘅芝士味，但食落去覺得芝士味冇乜同原味嘅雞蛋仔，差唔多非常失望😟

隨著年紀愈來愈大，人愈來愈少吃零食，如非特別吸引，都不會吃得太多。不過這一天趁著放假，難得來到元朗國，早聽聞這間「嘉發小食」的雞蛋仔整得不錯，便特地來試它一試。其實這間專賣雞蛋仔、格仔餅等港式小食的店舖附近就有一間「媽咪雞蛋仔」，顧客不少，但這間就在「媽咪雞蛋仔」轉角不遠處的「嘉發小食」，光顧的客人就不太多，我買了之後只是等了大概五分鐘左右，一底即叫即製，熱氣騰騰，香氣撲鼻的雞蛋仔便已送到我的手上。 我吃的是店中特別推介之一的「粒粒朱古力麻糬雞蛋仔」（$30），份量不少，香甜軟熟的雞蛋仔的邊緣部分仍有點脆身，雞蛋仔裡面埋藏著的麻糬煙煙韌韌的，與外層軟中帶脆的蛋漿為嘴巴帶來不同的口感。雞蛋仔與雞蛋仔之間夾雜著的粒粒朱古力碎，就為雞蛋仔帶來誘人的朱古力味，整體上朱古力、麻糬和雞蛋仔三者的味道和口感是幾夾的，我對這小店的雞蛋仔評價也不差。雖然我覺得這小店的雞蛋仔與筲箕灣名店「低調高手大街小食」的雞蛋仔相比，質素上仍有少許距離，未至於吸引我特地再去試它，要是下次我再來到元朗國，再次路經這小店的話，也許都會再去幫襯，吃它的雞蛋仔或格仔餅的。

行完尖沙咀海旁，見到竟然開咗媽咪雞蛋仔分店😋即時心心眼，凍冰冰好岩食一份熱辣辣嘅雞蛋仔😍！ 🌟 黑糖麻糬雞蛋仔 $45 可能大家一聽個名，就會好難想像究竟係乜嘢口感。但食落去，竟然出奇地同雞蛋仔嘅味道好夾。雞蛋仔香脆嘅外表，配上麻糬QQ嘅彈牙咬口，而且黑糖嘅味道唔會太重，反而微甜嘅味道更加帶出雞蛋仔嘅香味，比起平時嘅雞蛋仔有過之而無不及。 🌟熱朱古力 $26 呢杯熱朱古力可以喺嚴寒之中嘅好友，值得一讚係朱古力味香濃，飲落味甜，亦都唔會令人覺得太heavy! #媽咪雞蛋仔#雞蛋仔 #雞蛋仔 #香港街頭小食#米芝蓮

✦ 抹茶黑糖麻糬雞蛋仔 🤩 作為雞蛋仔忠粉，媽咪雞蛋仔出了一款新味道，就係「抹茶黑糖麻糬雞蛋仔」 雞蛋仔外層帶濃郁的抹茶味道，每粒雞蛋仔脆卜卜，咬落去入面就係黑糖麻糬，口感煙韌，甜度適中🙌🏻🤩 P.S若不喜歡抹茶，可選「黑糖麻糬雞蛋仔」😋 ✦ 無冰鮮榨檸檬茶🍋 飲品選擇極多！有凍飲又有熱飲，我就揀咗媽咪雞蛋仔皇牌Top1 無冰鮮窄檸檬茶 好中意呢款無冰，唔會因為冰而沖淡檸檬茶味道👍🏻飲落清爽又解渴🤓！

我今日去試咗間滿有人氣嘅雞蛋仔店，一路行過去就聞到陣陣蛋香，實在抵死得意！原味雞蛋仔脆口得嚟又唔會太甜，啫喱啫喱嘅內餡同脆脆酥酥嘅邊，宜家想起都仲流哂口水🤤。雞蛋仔整得啱啱好，嗰種熱辣辣，啖啖都是幸福感，真係食得落去又唔使太心痛嗰種。 講真，我真係見到可以唔洗等就買到呢啲級數嘅雞蛋仔，心情即刻爽晒😌。攞咗之後已經即刻食咗一粒，噢呀，簡直係究極滿足！啱啱好嘅半溫半熱嘅程度，真心話，舊式嘅雞蛋仔真係有種樸實嘅美味，足足嘅包餡係我尋味嘅重點之一嚟㗎！即使離開咗店舖，心情都似食咗糖咁嘅甜🥰。總之，依家想到都忍唔住要推介比朋友一試，咁正嘅雞蛋仔，實在係值得喎！👍🏻🎉🥳

期望越大，失望越大的雞蛋仔 行開新蒲崗，原本打算食629雞蛋仔，點知冇開。見對面呢間雞蛋仔有超多人等，仲要即整即食，心諗應該都有一定水準啦。 🧇原味雞蛋仔 落單之後等咗15分鐘左右，一心諗住咁多人等，即整即食既雞蛋仔應該熱辣辣超好食，誰知一拎到雞蛋仔上手發現只是微暖，就心知不妙。 雖然雞蛋仔心心形狀，超igable。但即整即食都只係得微暖，再加上唔夠脆，真係好扣分。雖然雞蛋仔食落都夠煙靭，不過整體來講真係都幾失望😞。 下次都係食番629好啲！