依家啲「冬菇亭」食肆賣少見少，尤其啲舊邨重建，就基本上會消失。繼早前行完山經過「隆亨邨」嘅「冬菇亭」，就幫襯過吓，今晚同老友記嚟到「美林邨」嘅「冬菇亭」搵食，喺在地嘅朋友推介呢間「米子」，食日式燒肉又得，食港式雞鍋又得。呢度有3間冬菇亭食肆，數到最搶眼肯定喺「米子」，因為門面採用粉紅色，加埋燈效，仲要晌頭位，所以，好易認到。走進店內，亦喺一室以粉紅為主調，若非枱上有日式燒肉嘅烤爐，真喺估佢唔到喺賣日式燒肉。但不得不講，啲位寧舍闊落好坐，更有部份卡位設計成可以坐成12人，如果無咁多人，又可以以竹簾間開兩邊。此外，晌部份大梳化旁設置一啲大籃，方便客人擺嘢。所謂工欲善其事，必先利其器，喺枱面嘅一旁已經放齊晒所有食烤肉時用到嘅調味料，例如，柚子醬、燒汁、辣醬、七味粉……等等，枱上亦放好所有用具，另外枱邊有個暗格，就擺咗紙巾、糖包、鹽包，自由取用。而烤爐採用下抽風式，感覺抽力都幾夠強，燒咗成晚，都唔會覺得好大油煙味。食物選擇方面，當然喺以日式燒肉為主打啦，燒肉定食一共有6款，分兩個份量，定價由$66-$238，可謂豐儉由人，仲包埋麵豉湯、海鮮盛盒、生菜及日式冷麵或珍珠飯，不得不讚仲要免收服務費，所以，到訪當日見到幾多年青人幫襯。唔想太花時間食燒肉，佢哋仲有多款丼飯：牛肉、燒雞、炙燒豚肉及鰻魚，定價亦相宜，都喺$64-$92，包埋泡菜及一杯冷泡茶，而且，亦標明採用日本上等珍珠米，絕對喺有誠意。最估唔到，仲有供應一啲火鍋套餐，呢啲就啱晒香港人，套餐共有3款：椰子雞鍋、胡椒豬肚雞鍋、藥膳花彫藥材雞鍋，配埋和風蟹肉炒飯及火鍋配料一份，都只喺賣$198，抵食喎。如果純粹試個雞鍋，亦可以單點架，有半隻及一隻份量揀。除咗上述嘅燒肉定、丼飯套餐、雞鍋之外，仲有啲料理小食、沙律、汽水、啤酒供應，想食得豐富啲，不妨考慮追加三幾款。 我聽到好似有放題供應，不過，無深究，但晌出面有個自助區，放咗啲冷泡茶、熱茶，麵豉湯、啫喱同糖水，任意享用。順便講講，啲麵豉湯唔錯喎，除有昆布，裡面仲有好多清甜嘅蘿蔔。仲有，自助區仲有埋火鍋豉油、芫荽、蒜蓉、辣椒比大家食火鍋時使用！豚三國王樣定食（150g）$92 燒肉方面，我哋揀咗一份豬、一份牛，介紹吓份豚肉先，包括有伊比利亞豬肉、黑豚肉、豚五花，單喺睇啲色澤，非常鮮潤，感覺好新鮮。我哋都無特別考慮食嘅先後次序，總之一鋪過燒好就食，最喜歡沾柚子醬，去膩感強啲，幾款豚肉 食落唔會覺得好肥，但又有油香，確喺好食。順帶一提，啲蕎麥麵亦都好唔錯，幾有蕎麥嘅香氣 ，咬落去仲帶少少韌勁。美國燒肉盛盒定食（150g）$102 輪到講吓啲牛，餐牌就只寫住美國特選牛肉三款， 而今次所試到嘅喺安格斯板腱、牛五花、牛腿肉，同樣睇落啲色澤好唔錯，鮮豔亮麗，唔會暗啞。因為牛肉比較快熟，焫兩焫就搞掂，所以分開慢慢燒，無論邊一隻肉都好有肉味，油香豐腴，配燒汁一流。此外，啲珍珠飯黏糯軟熟，夾住啲牛肉一齊入口更好味。海鮮盛盒 每份燒肉定食仲送一隻新鮮帶子同兩隻虎蝦，同樣，睇落都覺得好有質素，帶子燒熟後入口好軟腍，唔會好似軔到擦子膠咁，證明食材新鮮；而啲虎蝦質感彈牙，好有蝦嘅鮮甜味，同樣以質取勝。胡椒豬肚雞鍋 $168 叫個雞鍋貪佢有得食，又有湯飲，首先，湯滾侍應就會幫你落啲鮮雞落鍋內，計埋時，夠鐘再焗多2分鐘，時間啱啱好，啲雞肉嫩滑到不得了，而鍋內仲有好多配菜：支竹、豬肚，樣樣都好食，個湯亦好飲，好有胡椒好味。啫喱、紫糯米 最後，梗喺食番少少甜品佢結啦，啫喱有多款口味，如果有埋花奶供應就更好；而紫米露亦唔錯，紫糯米好有咬口感，少甜，又幾潤。晌度食嘢，除咗平靚正，選擇多，招呼幾好，我哋都食得好稱心！

原本諗住這間餐廳新開去試下，點了個貴餐，有生蠔，海膽拖羅，點知生蠔好腥海膽好腥拖羅無味，熱食鵝肝嚡熠熠，乳鴿乾爭爭，除咗鰻魚比較熱和後期加嘅扇貝粉絲系熱的之外，所有嘅熱盤都唔熱嘅，好難食，我先生食咗兩隻生蠔，我跟住再點幾隻生蠔一食就覺得唔掂啦，而且唔新鮮，我唔可以食落去，唯有埋單，雖然最後佢俾咗個八折我，但係我都覺得好唔抵，我坐落去真係嗌嘢食時間佢只係一個鐘！千祈唔好去啊！請都唔好去啊🥵🥵🥵其實一粒星都冇，只係OpenRice係要俾星！

餐廳裝修充滿泰國特色，而且有多個卡位，坐得好舒服 餐牌選擇勁多，有好多set揀，仲有好少見嘅巨人set揀🤣🤣🤣 我哋叫咗個下午茶set $68，有超多野食，勁豐富！包括一碗細海南雞飯，雞嘅份量唔少，雞肉好嫩，雞皮好滑，飯好甘香！泰式燒雞扒飽，超級大啊🤩🤩🤩而且用料好足，入面加入咗泰式沙律菜，新奇又好食！仲有一隻燒雞全翼，同樣好大隻，燒得啱啱好，仲好夠味😋😋😋 我哋額外叫咗個班蘭西多士$38，西多士炸得外脆內軟，班蘭醬味道唔錯，唔會太甜太膩，推薦！！ 串燒叫咗雞肉串$26*2、牛肉串$28*2同豬柳串$26*2，每款肉質都唔錯，夠嫩口，而且燒得恰到好處，好juicy🤤🤤🤤 叫咗兩款沙律，豬頸肉沙律$48，豬頸肉份量好多，咬落好嫩口，沙律好開胃！蟹籽沙律$28，同樣地好足料，沙律醬鋪滿整個沙律，蟹柳肉好甜，青瓜好新鮮好爽口！ 嘢飲叫咗凍班蘭咖啡$10同熱檸水~

這間店舖空間寬敞舒適，通風又好，尤其是享受韓燒時，最怕的就是身上沾滿燒烤味。呢度環境不錯可以安心品味美食，而無需擔心這個問題。 我們點了午餐：炑八牛肋骨煲配紫菜飯（$98）和鹽蔥牛舌配迷你韓式麻藥蛋飯（$78）。牛肋骨煲的肉質鮮嫩，炆得剛好，甜甜哋，非常入味，搭配紫菜飯，口感十分豐富。鹽蔥牛舌則是另一番風味，牛舌切片配上鹽蔥燒一燒，好香，味道啱啱好，再加埋的迷你麻藥糖心蛋飯，一口一口食唔停。 另外，我們還加配小吃：甜辣炸雞（$38）和醬油魚糕串（$38），炸雞外脆內嫩，甜辣醬的味道剛好，唔油膩。而魚糕的彈性和醬油的鹹香相當夾。 飲品方面，我們選擇了藍天使梳打和玫瑰佛手柑梳打，每杯只需$12，清爽解渴。焦糖脆餅雪糕$38@做ending，好滿足😌

臨近聖誕，這間餐廳已經佈滿聖誕裝飾和播放聖誕音樂，很有聖誕氣氛。 侍應服務態度很好，會主動幫客人添水。 我們點了以下食品： 和風自家製極上牛肉漢堡雞包飯 可以選蕃茄汁或咖喱汁。我們選了蕃茄汁。蕃茄汁是用蕃茄壓碎而成。牛肉漢堡味道不錯。上面鋪了芝士粒和芝士醬。蛋包飯上還有一些香草粒。 蒜香鰹魚蜆肉意粉 賣相很精美。意粉上面有蒜蓉蘿蔔絲和香草。蜆都幾大粒，大概有10隻。上面有一些脆口炸蒜片， 配搭落蜆肉很惹味。 宇治抹茶鮮奶 熱的抹茶latte，抹茶味比較濃郁，就像人生充滿美景濃郁感，抹茶和奶味平衡，質感香滑，顏色綠色自然，並帶很濃嘅奶香和沒有苦澀感。 黃豆粉蕨餅配朱古力醬 這個蕨餅是我們的甜品。蕨餅鬆軟煙靭，感覺亦很清涼。面頭有一些黃豆粉 ，配朱古力醬很好吃。

💛🧡💛Jmoon🧡💛🧡
Jmoon月🌕cafe 成日起open rice見推介
今晚有機會浪費一餐❤️
8點去到已爆場！坐半outside 梳化位置 一樣有浪漫有情調 🤭 好合適談心又談情
月🌕波波 📸打卡勁靚🫶🏻😍
蟹膏飯好食 香濃蟹膏味🦀
牛肉burger亦不錯 厚厚牛肉汁🍔😋
Mocktails比我預期中好飲🍹🍸

💛Total order 🧡
Mocktails 🍸
Pavo $58
(Matcha, Macadamia Nuts and Milk)
Phoenix $58🍵🍼
(Lemon Juice, Apple Juice, Soda with Cucumber Flavour)$58 🍋🍎

Appetiser🥙
1.Fried Chicken Soft Bone with Tartar Sauce $72🐥🦴
2.Fried Calamari Rings with Banana Mayonnaise $76🦑🥨

menu🍚
1.Crab Meat and Crab Paste Risotto with Asparagus 🦀🍚$158
2.Angus Beef Burger with French Fries and Salad🐮🍔$158

無意中試了這間日式小店，很喜歡。我的午餐是汁煮豬扒飯。每塊豬扒都是手掌般大，充滿醬汁，香甜濃厚。附送的肉丸應該有乒乓球般大，應用湯汁煮過，味道清甜；味噌湯的湯料豐富好喝。丈夫的午餐是辣味噌叉燒湯麵，一大碗滿滿的，辣味剛好，湯麵內加入菠菜較少見，很好吃。兩人都吃得很飽、午餐份量很滿足。見到餐牌上還有串燒和關東煮等小吃，晚上與朋友來吃飯聚會，應該很寫意。另外發覺店員和廚師都像是日本人不會說中文，但以英文簡單溝通沒問題，很親切。

總共有6個LV可供選擇 - 今次揀咗LV.4 澳洲穀飼黑安格斯牛🐮+SRF美國極黑牛放題🐃＋海鮮放題🦞🦀🦐🦑🐙🐠 淨係肉類選擇已經好多😍啱晒一眾食肉獸🦖 澳洲穀飼黑安格斯牛、SRF美國極黑牛、特選牛小排、PRIME美國肩胛肉眼、穀飼牛肩肉、牛舌🐮、精選雞腿肉🐔、特選豚肉🐷 所有肉類都非常新鮮而且無咩根 👍🏻 特別推薦⭐️⭐️⭐️🐮澳洲穀飼黑安格斯牛, 牛味濃郁, 軟嫩多汁 , 油脂分佈絕佳👍🏻👍🏻👍🏻 真係好食到停唔到口😋叫左幾round 質素都係一致咁好👍🏻好！好！味！🤤 海鮮都好多種類🐡 日本帆立貝🐚挪威三文魚刺身🍣花膠🐠青口🦪大海蝦🦐墨魚滑🦑脆鯛魚片🐟爽脆水魷🦑 特別推薦⭐️⭐️⭐️ 挪威三文魚刺身🫰🏻刺身十分厚身 好有口感好鮮味 🤤 自助區 有關東煮area 🤤 菜🥬、丸🍢、菇🍄‍🟫，日式蒸蛋🥚等等 甜品🍰 多款甜品都好出色 ！絕不馬虎 👍🏻最有驚喜係馬卡龍, 有多種味選擇, 好脆口👍🏻忍唔住一粒接住一粒咁食🤍另外亦有多款雪糕🍦雪條, 糯米糍, 脆皮泡芙, 大福, 芒果布甸🍮焦糖巴斯克等等………..仲有軟雪糕🍦可以自己斟（牛奶味雪糕 及 咖啡拖肥） 總括嚟講任食90分鐘絕對回本, 大滿足😍😍😍太多食物選擇 ！真係餓住黎飽住走, 環境光猛 一流！寬敞 ！舒適 ！🤤 💛個人必食推介: 澳洲穀飼黑安格斯牛, 挪威三文魚刺身, 馬卡龍 返食指數: 🥑🥑🥑🥑(5🥑滿分)

🫶🏻🫶🏻「享慢煮意」就係尖沙咀The One，地鐵站行5分鐘就到，好方便👍餐廳環境超舒服，很有法國風情Bonjour～餐廳非常開揚，窗外可以望到晴天同尖沙咀城景，加上天花既草草佈置令人感到放鬆😎！ 又到聖誕🎄，又到聖誕🧑‍🎄！門口放左兩個雪景佈置，好有儀式感。諗緊聖誕聚會去邊好？不如約埋親友食「法式點心🥧放題早午餐」啦！22款鹹點&甜點美食任點任食，仲可以優惠價加配多款主食/飲品🥤，性價比好高！ 餐廳招牌：流心龍蝦汁牛角包🥐/軟雪糕牛角包 鹹點推介：蘑菇湯、墨魚仔黑醋汁沙律🥗 甜點推介：焦糖燉蛋、蛋糕 飲品（優惠價加配） 松露鮮奶咖啡☕️ 黑墨咖啡 提拉米蘇芝士特飲🤍 依幾杯咖啡☕️都唔錯，咖啡豆好香。個人喜歡多奶既creamy質感，加左獨特既松露醬既鮮奶咖啡味道好特別，又香又惹味。鍾意奶蓋嘅朋友就一定要飲芝士特飲，飲完成層奶泡係嘴。

呢間煲仔飯真係一絕，已經唔係味道既問題，佢重新定義左何謂煲仔飯，因為佢真係得個煲，將啲飯放入個煲，而係冇煲過既飯。 餐牌寫住飯焦+$10，有食過煲仔飯既人，見到都應該一頭霧水⋯⋯ 然後答案出現啦，原來唔加個$10，個飯係真係可以冇煲過，煲係完全唔熱，個飯毫無香味，只係將啲飯放係煲入面。做生意做到咁，真係非常可恥！ 茶樓$2、30個啲蒸飯，但就收你$80-110一個飯，作為一個人，真係咁樣做野法都得，完全當啲食客係傻仔咁。

事緣兄弟講我知牛頭角開左間日式拉麵🍜 我就黎睇睇點解崇尚日本文化嘅兄弟都會推薦呢間店啦！ - 一走入木門就係廚師面前嘅吧台，後面有置物籃可以擺物品。 - 餐牌只有3款雞白湯拉麵，可見廚師係專心一致去做一件事情，有種日本職人精神嘅感覺。 - 點餐紙畫單，可選白麵定黃麵。 除左一般走蔥選項，仲有少鹽選擇，非常細心。 - 🍴瑪瑙瑙麵，走蔥 熱碗上枱，面頭係打成泡沫奶白色嘅雞湯。明顯見到2款唔同嘅雞肉，口感味道都各有特色，再添層次感。 - 撥開泡沫，是清爽泛黃的雞湯。由於打左泡，湯會較為溫暖，而唔係熱度燙口嘅感覺。 - 麵身掛湯程度，睇圖都知道。 本身仲好擔心會唔會有洋蔥留比我，超開心，真係乜蔥都走晒！☺️ - 🍴朋友點嘅版本，加紫菜 - 食完最大記憶點係佢雞湯底清爽，連我前一日腸胃炎都仲食到就知道。 的確有種係日本亂入一間拉麵小店嘅感覺。

到左冬季當然唔少得試試川菜餐廳啦，而今次呢間餐廳款式真係非常之多，除左有招牌酸菜魚仲有好多唔同涼菜同飲品🥰要提多一句比大家，佢白飯係任食唔洗加錢，加分🤣👍🏻

♡不二酸菜魚♡
​魚肉肉質非常鮮嫩同非常厚肉👍🏻淡淡肉無得頂，最重要入面仲有好多配菜都係我的至愛，好好食😋😋

♡麻辣涼拌魚皮♡
作為前菜非常之出色，份量非常多，魚皮爽口，很有口感，而麻辣調味正常發揮，很開胃，特別適合喜愛辣味嘅朋友🥰

♡好吃嘴兒尖椒娃♡
見到用左好多辣椒同青椒去煮，非常之惹味，而返大陸會見得多但香港好少有呢樣野食，今次就比我地搵到有得食啦👍🏻

♡韭香炒蛋♡
食左咁多肉當然想食下菜啦​，咁就揀左佢嘅韭香炒蛋，有驚喜好有鍋氣，不錯😋😋

好耐冇去中環mid-levels食野，原來宜家soho都已經易名叫荷南…ummm…Anyway…想食正宗pizza同意粉，找到呢間Fini’s，就在伊利近街街頭，扶手電梯旁。成條街好多舊樓都已經拆得七七八八。Fini’s都依然多外國人捧場。
點了Fish & Chips, Bronx pizza 同Linguine Vongole,  正宗的味道，pizza做得相當唔錯，夠薄身，脆邊，陷料豐富。蜆肉扁意粉意粉夠Aldente

喺灣仔行人天橋時成日都見到呢間餐廳，今次終於有機會同朋友去晚餐啦。餐廳位於一樓環境氣氛非常休閒舒適。係一間集於The corner，細味公平和喜舍生活既餐廳。門口經過生活百貨小店，再到室內座位位置。 蒲燒鰻魚蛋漢堡，配黑松露薯條 日式fusion 漢堡效果出奇地好，首先鰻魚肉質新鮮爽脆，熟度亦都剛剛好，唔會過老，蒲燒汁甜咸適中，唔會太濃味蓋過鰻魚鮮味，加埋蛋，真係好享受又滿足。 香蔥香菇，壽喜燒汁牛肉蓋飯 味道絕對唔係單調嘅牛肉蓋飯，充滿醬油香外，香蔥味仲十分之香，真係錦上添花。牛肉份量十分抵食，珍珠米粒粒充滿飯香。 三重椰香格仔餅配椰子雪糕 椰子做主題嘅甜品，味道十分清新，完全做到甜而不漏，格仔餅新鮮整起，充滿牛油香味，椰子雪糕，為呢一餐做到一個完美作結。 手沖咖啡 呢度飲嘅手沖咖啡真係個好專業嘅體驗，可以學下點樣品評。真係好推薦想學咖啡嘅朋友嚟體驗下。 橙子冰茶 清爽解渴，唔飲咖啡都可以有好選擇。

最近天氣凍咗好多，最啱食一個煲仔飯 ，朋友又想食牛肉麵，搵到呢個地方可以一次過滿足兩個願望 咖喱牛筋腩煲仔飯 雖然係一間主打台灣牛肉麵嘅舖頭，但係近排佢哋玩埋煲仔飯，而且仲幾有新意，咖喱牛筋腩煲仔飯色香味俱全，咖喱的香氣四溢，牛筋和牛腩軟嫩入味，與香噴噴的米飯相互融合，每一口都令人滿足。煲仔飯的底部略帶焦香，增加了口感層次🪷🪷 三寶牛肉麵 三寶牛肉麵湯底濃郁，有牛肋條牛腱同埋牛筋，牛肉質地鮮嫩，搭配的麵條彈牙，香料和調味讓整道菜品充滿風味，果然非常適合冬天食👌🏻👌🏻 涼拌小黃瓜 清新爽口，黃瓜的脆感與醬汁的酸辣味道非常開胃🍟 皮蛋豆腐 豆腐滑嫩，搭配的皮蛋增添了風味，醬油和香油的調味讓整道菜品更加美味。口感細膩，非常適合作為開胃菜。 滷肉燙青菜 肉質嫩滑，與新鮮青菜搭配，既有肉香又有蔬菜的清新🥒