Boxing Day 想食下啲西餐，決定入去圍坊試吓呢間，唔使等位直入。 叫咗三樣嘢～西班牙風味烤八爪魚 夏威夷風光薄餅 同埋美國黑安格斯肉眼牛扒 首先梗係佢～西班牙風味烤八爪魚，我食嘢當然梗係想有質仲有「量」，好明顯量呢份唔會有，幾「舊」仔八爪魚，二款唔同嘅茄同薯仔，味道一般，但可以接受，當試吓新嘢，同開開個胃。 夏威夷薄餅～對我嚟講個餅底不厚不薄，配料加埋個餅底，口感同味道不錯，算有啲驚喜，最怕啲薄餅過厚或太薄，呢個剛好，又夠大個。主角～見到晒，無多修飾，坦蕩蕩唔似港式「乜鳳」要加乜汁乜汁，就係咁簡簡單單二款配菜就得，薯條粗身脆口，菇味正正常常，主角肉眼扒～無論係味道，生熟程度都控制得好好，真係好重嘅牛味，都係果句普普通通嘅牛扒，要出到牛味，喺香港真係有啲難，真係要中上價至食得到，呢度除咗有牛味，仲有一陣燒烤嘅味～不錯。 二個人食三樣嘢，真係飽飽。 唔知係咪聖誕假期，好似係無套餐選擇，我見其他網友post套餐，可能要閒日至有，應該會扺食啲。 回頭度：7/10

夏天經過這小店幾次，都坐滿人，今次在冬天的午飯時間來珒，終於見到門外的位置有位，一定要幫襯！ 以售賣咖啡為主，但也有一點輕食的小店。 門外的位置很搶手，一來可以享受陽光，二來，帶了毛孩的朋友又可和狗狗一起嘆咖啡，享受新鮮空氣。 但其實室內也有頗多座位，足夠與朋友坐下來談天說地、傾心事！ 因為聖誕節期間，門外有棵聖誕樹，很有氣氛，我們於店內付款後，親切的店員把飲品送來給我們，我們點了的熱咖啡，用了富有香港特色的紙杯，打咭一流！

除咗環境好，都冇咩嘢值得打卡，刺身唔新鮮，全部都係碎塊上。其他食物嘅擺盤極度求其，喺度間西餐廳，竟然上菜一條蒸魚加幾條烚菜，收費$588 ，價錢同食物質素不成正比，完全超出期望。 再就係呢間扒房食嘅牛扒味道十分一般，也沒有配上任何side dish，完全冇任何影相嘅慾望，因為個大碟實在太求其。 而且成個過程不停被侍應催促，體驗欠佳。埋單$2400/4個人，餐牌選擇少食唔飽，呢個價錢食到好多好嘢了，完全不推介呢間餐廳。

中環一向聚集不少外國人，就連外國人都選擇嚟呢度開餐廳。威靈頓街就有一間以綠色為主調，店面簡潔又chic嘅三文治專門店－Croque，係由兩位靚仔法國人開🇫🇷主打法式爆餡三文治🥪三文治有8款口味，會加入不少特色配料，好似emmental cheese🧀慢煮鴨肉、慢燉香蒜等，配搭特別。買三文治可以加配沙律、餐湯或薯條配飲品做成combo。不過定價偏高，最普通嘅芝士三文治都要$68，好多都係過百蚊，食一次都有啲肉赤🫣🫣 🥪La Vita $108 烘過嘅麵包超級無敵酥脆，口感好好，帶點烘烤香氣。餡料有意式肉腸、布拉搭芝士、日曬番茄、青醬，軟滑富奶香嘅芝士剛好平衡略帶鹹香嘅肉腸😋青醬嘅香草味加上番茄嘅酸味亦令整體味道更豐富。不過論價錢嚟講依然覺得有點overpriced😂 🎃Soup of the day + drink $38 餐湯係南瓜湯，質地好rich好creamy，南瓜味好香🥳特別在裡面加入不少花生，crunchy嘅口感令南瓜湯兼具口感👍🏻餐飲就可以揀凍檸茶、咖啡等。 推介指數（10分為滿分）：6.5分

韓國街又多咗一間地道韓國菜😇仲係由多位韓國媽媽主理 感覺親切 有家庭式韓國菜嘅感覺 豬肉菜包飯 $150 見每台都有叫呢個😆而且姨姨大力推介 果然好食😋豬肉炒得好香 好惹味 少少辣好開胃 份量都好多 另外有一碟蔬菜 有生菜、沙律菜、紫蘇葉 可以比你包住啲肉同飯嚟食 另外有一碗麵豉醬 白飯 不過就咁食豬肉生菜包其實已經好飽😆 — 辣炒年糕 $70 紫菜包飯 $60 魚板串 $15 另外叫咗呢啲地道必食韓國菜 炒年糕唔算好辣 味道甜甜地 有魚糕、蔬菜 年糕都好煙韌 紫菜卷都係比較家庭式 配搭簡單 魚糕串都好入味 連湯飲暖笠笠

最近去了熊本牛鍋，享受了他們的皇牌套餐和澳洲和牛套餐，二人同行，一人半價！這個優惠真是太划算了，限時消費坐幾耐都得，好啱我哋想傾偈😍 🌟皇牌套餐 超多款選擇！蒸海鮮、日式火鍋加雞煲放題，肉質鮮嫩，湯底濃郁，搭配新鮮的蔬菜，讓人每一口都充滿驚喜！ 🌟澳洲和牛套餐 和牛的油花分布極佳，入口即化，搭配獨特的醬汁，好正。 🌟火鍋配料及飲品 超過50款火鍋配料及蔬菜，40幾款飲品啤酒任飲，任君選擇。 氛圍超棒，服務也很到位，是個適合聚餐的好地方。110cm或以下小童仲要免費，強烈推薦給各位食友！

餐廳係小店形式，裝修簡潔， 雖然地方小小，但環境都幾chill，我地去到就被戶外嘅露營櫈吸引了！所以就揀咗喺外邊坐順便呼吸下新鮮空氣。員工服務態度都很好。至於食物方面，佢啲包結合咗港式元素，都幾有創意。 我哋叫咗兩個combo set: 黯然銷魂菠蘿叉燒包 佢嘅自家製薯仔菠蘿包外皮酥脆，餡料都好豐富多汁，真係好多汁！所以食嘅時侯要小心滴到😂叉燒肥瘦適中，係中式的蜜糖叉燒味道，配上洋蔥汁、牛油菜、炒蛋、炸乾蔥、醃酸青瓜等等配料醬汁非常惹味，起初怕會唔會味道好怪，但原來都幾夾！🤩 自家製沙嗲牛肉三文治 個人嚟講比較欣賞佢地嘅focaccia(佛卡夏)麵包，外面烘到香脆，咬落去柔軟煙韌，口感一流，與裏面包著嘅餡好夾，牛肉份量充足唔會好韌。沙嗲汁香濃得來唔會好鹹，配上牛油菜炒蛋等等餡料口感非常豐富，而且唔會食得好麻煩，真心推介！ 餐廳提供特色的奶茶咖啡可以選擇，但好似我咁唔飲得奶茶咖啡，都可以選擇檸檬茶，熱檸茶茶底香濃唔苦澀，比起出邊茶餐廳濃郁。 而兩個set都跟柚子檸檬汁沙律菜，為濃味嘅食物增添一點清新，很不錯！ 餐廳晚上都是同一個menu,提供combo set, 如果想搵個地方食少少嘢，relax下，呢度都係不錯嘅選擇。下次有機會想試埋其他嘅麵包款式！

原本諗住點個清清地的海南雞飯， 上菜時，只有一個醬汁， 跟一般出面的3 個醬汁不同，一試之下個醬汁係超級麻辣， 麻到成個口都麻晒， 從來未食過咁樣的海南雞醬， 雞的質素還可以， 只係個醬汁非常唔夾， 意料之外。 即時向職員反映， 問是否上錯了醬， 但職員說只有一種醬汁， 但埋單時另一個職員又話有第2 隻醬汁可提供， 總之以後不會再點這道菜，除非想挑戰自己食辣的程度。。。。。。。。。唔食得辣的人，不建議試這道菜。。。。。。。。

呢間別忘了台式火鍋除咗有任食火鍋之外，仲提供各種嘅台式料理同夜市小食等等，仲要係明碼實價，唔洗再額外收加一服務費添啊！餐廳裝修設計非常有心思，設有櫻花樹可以打卡，又有許願卡比食客寫完掛喺餐廳～ Set B 澳洲M7和牛餐120分鐘💰每位HK$308 ✨鴛鴦鍋 今次食咗招牌麻辣鍋同埋酒香麻油雞！招牌麻辣鍋麻辣惹味！酒香麻油雞湯底同樣濃郁，啲食材唔使再點醬油都夠惹味～ ✨肉類 呢個套餐有6款肉肉可以無限任食，包括咗豬、牛、羊，任君選擇！作為牛魔王，梗係要瘋狂食牛肉啦！澳洲M7牛胸腹油脂分布平均，嫩滑又多汁！澳洲250日穀飼卡樂Beef肉味香濃，而且肉質細膩！精選牛板腱肉質緊實而有嚼勁！再點埋日本蘭王生雞蛋嘅蛋汁就一級捧啦～ ✨夜市小食 亦有多款夜市小食可以任叫！麻辣鴨血香辣滑嫩，鹽酥雞外脆內嫩～ ✨蔬菜、丸類 有多款蔬菜同埋丸類，可以無限任叫！丸類推薦炙燒芋泥寶，表面印有可愛嘅熊貓圖案，一咬落去就啲有芋泥蓉爆出嚟～ ✨炸物、麵類、滷肉飯 餐廳設有自助吧，提供多款炸物同埋麵類！當然唔少得味道經典嘅滷肉飯，係進店必食之一～ ✨甜品 除咗有每人一客嘅森永牛奶布甸同埋Movenpick雪糕之外，另外仲有多款嘅台式甜品可以任叫，有綿花冰、迷你窩夫、愛玉凍同埋豆花等等！今次食咗朱古力雪糕配迷你窩夫，口感層次都好豐富，真係大滿足啊～ ✨飲品 飲品方面有多款台式飲品可以任叫！今次就叫咗仙草奶綠同埋賣相吸睛嘅巨版波波奶茶～

 一直都好鍾意西班牙菜，特別係Tapas同paella , 估唔到長沙灣居然有間咁地道嘅西班牙菜，價錢合理，味道非常之好，要推介一下小店。 蟹肉可樂餅超級驚喜，入面嘅sauce超級creamy，好似海鮮湯咁，加上蟹肉，超好味。外面炸到金黃，啱啱好唔會油膩﹐一人一舊都唔夠喉。 Seafood Paella 有濃郁蝦膏嘅味道，應該係處理咗蝦頭，攞咗啲精華，比一般嘅paella更加精彩。 Hanger steak生熟度啱啱好，肉質鮮嫩，牛味足。 裝修都係西班牙小館嘅風格，好似返咗去Barcelona飲Sangria咁。

潮洲菜色真是別有風味，久吾久都會想去食下。今次嚟到《陳儀興尚潮樓》鰂魚涌店，呢度裝潢古色古香，高雅別緻，播放著潮式輕音樂。啱哂情侶或一家大小來吃飯。 ✨️尚潮醬燒骨 $88 秘製醬汁濃厚香醇，鹹中帶點香甜味，味道獨特。上面灑點芝麻增加脆感。 ✨️魚露浸花甲 $88 肉質鮮味的半殼花甲，一個個工整地排在圓形碟上，並浸泡在鹹香嘅魚露中。食落非常入味，令人回味。 另外，仲嗌左呢度其中一款招牌菜。 ✨️滷水鵝肝(半份) $138 一聽到呢個名，你一定會問：「係咁好鹹？」。 吾係死鹹，而且，夾埋鵝肝下嘅豆腐一齊食，中和了鹹味，味道啱啱好。 ✨️功夫茶 和 小食 餐前和餐後都奉上功夫茶，其茶清香怡人，有解腻作用。 今次嘅小食係醃甜酸菜，有微辣，非常開胃。

The one 有間打卡超靚既餐廳，同朋友去慶祝一流，十分少女心，係有宮廷風🥰🥰 焗蠔 性價比高，openrice book枱送，好新鮮 完全唔會腥 法式白酒煮蜆🐚🐚🐚 好清甜，粒粒肉都好飽滿，好好食 法式芝士焗洋蔥湯🧅🧅🧅 一直好好奇點芝士焗湯，一黎到超級香！！！！ 面頭有塊面包係湯上面，最頂係好滿既芝士，酥皮湯原理 一啖湯一啖芝士包，超好味，必食♡♡♡♡ 香煎鴨肝牛肚菌意大利飯🦆🦆🦆🦆 味道偏啖，鴨肝煎得好香 炭燒安格斯平鐵牛扒🥩🥩🥩 牛扒好重牛味，夠淋身，入口冇渣 生熟都岩岩好，好滿足

姍姍來遲Late Lunch —— BLTN (1) Iced Americano (2) Blackccino 無奶咖啡的另一選擇。將冰水加入Espresso，再用Steamer打入空氣，變成一杯有綿滑細緻的口感的Coffee~第一次飲會形容是無酒精黑啤酒。 (3) Banana & Nutella with Vanilla Ice Cream Croffle是Croissant同父異母的弟兄姊姊。將Croissant放入窩夫機，既有Croissant的酥脆口感，亦有鬆餅的濕度彈性。加上榛子醬、香蕉、雪糕（有雲呢拿籽的天然甜度 (*´ω`*) 不論是香蕉上的焦糖脆脆，遂漸溶化的奶油，冷熱交替，都為味蕾帶來複雜多變的口感，而味道又來得直接。 (4) All Day Breakfast叫一個Cafe「例牌」，感覺沒有將假日白白耗盡。

九町屋，以其精緻的定食和溫馨氛圍，成為都市中的一抹寧靜，讓人在忙碌生活中，也能品嘗到美食。 餐牌內容好豐富，好味有質素，價錢抵食，服務又好。 牛肉小火鍋，壽喜鍋湯底，加肥牛，在溫熱的小火鍋中，鮮嫩的肥牛片輕輕放入，吸收湯底的精髓，每一口都是肉香與湯汁的完美融合，暖意從胃部蔓延至心間，是冬日裏最溫馨的慰藉。 香煎牛板腱定食，香煎外皮焦香四溢，內部卻保持著肉質的柔嫩多汁。搭配上精心準備的配菜，如清新的沙拉、軟糯的米飯和溫潤的味噌湯，構成了一頓完美的定食。 百香果茶，酸甜的果香和醇厚的茶韻相得益彰。

之前嚟過一次服務正常，黑椒牛肉意粉亦ok。不知是否聖誕假期原故還是其他原因😒食物及服務質素明顯不達標準 😟 叫了一客招牌脆豬扒飯豬扒正常，但係個飯係室溫的，等咗5分鐘催促之下先換來熱的飯，但係個豬扒都已經唔熱啦。 另外叫了黑椒牛柳粒意粉，個羅宋湯完全冇嚟到。直到個黑椒意粉都嚟埋，我投訴個湯仲未到，佢check完張單拎羅宋湯嚟。我同佢同事講，如果佢係個客人佢有咩感受。但係佢係個頭向住其他方向而唔係望住客人講唔好意思。咁嘅服務質素真係唔得另外個牛柳粒真係嚡到一個點。絕對唔會再去。