做冬兼呀娘牛一。 Open Rice碌碌下見到牛一哥,個名都幾岩生日就試試啦.地點又就腳. Book左4位,餐廳都安排到大卡位,坐得舒適. 衛生既,雖然燒烤餐廳,但無特別油油的同一陣味,就算被安排角位,都可以用舒服形容既,地下亦無痴笠笠感覺,相比起其他既燒烤餐廳,可取😙 Order左扇貝,蝦,蛤,海鮮唔錯,都洗得乾淨無沙又唔係梅,完全接受. 出面仲有熟食,魷魚蘇,粉絲,菠菜…你up到既韓國前菜佢都一定有 仲有炸熳頭等 由於一開始無抱特別期望,所以無影相. 不過覺得呢間餐廳值得為佢寫篇好評. 職員都有禮貌,亦都無因為你坐角位而忘記幫你收野 整體：絕對好評,可返Cheuk 味道：都夠味既,睇你自己既燒烤技巧啦 因為book左位而open rice做緊四位九折,相對即係免加一,完全係抵過你食其他放題

喺IFC citysuper 見到依間主打賣donut 嘅小店，由網店做到實體店都唔容易。見佢做緊買3送1 就揀左幾個嚟試下😝😝🍩焦糖海鹽吉士冬甩
焦糖包住炸好嘅donut，頂部有pretzel增加口感，內裏係海鹽吉士，食落就唔會咁漏😋😋🍩黑芝麻冬甩
黑芝麻味濃郁，仲食到啲黑芝麻粒粒，好似食緊芝麻糊咁，鍾意芝麻嘅一定唔可以錯過！🍫朱古力花生醬冬甩
朱古力嘅苦可以中和左花生醬嘅甜同埋濟，花生醬味好濃郁，超鍾意依款👍🏻👍🏻抹茶麻糬bagel 抹茶味十分濃郁，配埋軟糯嘅麻糬，好chewy😜😜牛角包焗完之後外酥內軟，牛油味亦都十分之香，加埋啲果肉更加突出🤪🤪


值得一提，donut 包裝設計得非常之好，容易食到之餘又唔會整污糟隻手👍🏻👍🏻

和家人經常在這裏聚餐‼️不用+1服務費‼️（重點） 必食推介👍 ✨避風塘賴尿蝦✨（不用剝殼 實在太方便了） ✨冰鎮咕嚕肉✨（幾新奇可以試吓） ✨蝦子柚皮✨（懷舊菜式，而家已經好少有） ✨脆皮炸豬手✨ ✨椒鹽鮮魷✨（配啤酒一流） ✨回味雞魚翅湯✨ 環境也算是乾淨 比起其他食小炒的地方 不用收服務費 也算可以服務也算是OK 沒有什麼要求可言 見到有房間 應該要提早預訂 新年可以預訂房間 服務員說現在有午市 深水埗街坊下午也可以去試吓 見到菜單都有小菜

之前一直都想試Terrace in seaside, 剛巧與友人碰面的地點有就相約在此午膳。 我們點了三文魚籽飯卷，蟹肉千層面和開心果窩夫。由於太餓了，我們把千層面都吃完才想起要拍照。其實未有拍下來也不打緊，因為我覺得味稍鹹且蟹肉不多。飯卷中規中矩，正常味道。 最大驚喜是甜品窩夫，上枱時我們已經被它的賣相吸引著，一座精緻的窩夫山，伴有開心果醬、開心果碎、鮮忌廉和honeycomb。窩夫外脆內鬆，加上開心果醬和開心果及鮮忌廉一口吃下去，很可口。honeycomb 對於我來說太甜了，所以我只吃了一口就全都給友人解決。 整體來說，主食普通，甜品有驚喜，下次來吃的話，一定會試其他甜點！

Bochord是藏於英倫風格圖書館中的餐廳。胡桃木皮革梳化/椅子、復古燈飾、英倫壁爐、坐擁維港美景，晚上還有live band show… 這環境，這氣氛😍 難怪大家總愛在這裡慶生🎂 這晚yo要試試Tasting menu $1388/位 ▪️Seafood Trio 頭盤以球狀白瓷器盛載，猶如藝術，充滿美感🤍 先品嘗鮮甜海膽，再品嘗煙燻鰻魚mousse配魚子醬，最後來片八爪魚薄塊，清新多層次的口感令人越食越開胃🤤 ▪️Scottish King Razor Clam & King Crab 配這仙氣飄逸的效果，讓畫面更顯動感💗 mousse以蟶子皇、帝王蟹肉配上三文魚籽，味道鮮香又有心思💕 ▪️Italian Trochini Plower & Iberico Hame 香脆波波😋 包住鴨肉與芋頭蓉，香口又脆卜卜！ ▪️Boniliabnisse 蜆肉大大粒，鮮美有口感✨ 配上香濃的龍蝦湯，保證鮮味十足！法國鵝肝泡沫底下，還有鮮甜有嚼勁的牡蠣意大利雲吞😋 ▪️French Morel & Fish Maw 黑松露切片，鋪在法國羊肚菌、炭烤魚肚上，是中西合璧的滋味，還配上鮮雞湯😙 ▪️Charcoal Grilled French Pigeon 主菜其一是炭烤乳鴿肉，5成熟的肉質相當粉嫩彈牙😍 皮香肉嫩，很高質👍 ▪️Charcoal Grilled As Miyazakigyu Beef 另一主菜是油脂豐富的炭烤A5宮崎和牛，5成熟的西冷口感彈滑，入口脂香四溢😚 ▪️Japanese Yuzu Mousse Cake 最後如詩如畫的日本柚子mousse蛋糕，味道清新又解膩🥰 為這頓晚餐畫上滿美句號💘

前幾日同朋友嚟到旺角呢間台式火鍋店食火鍋放題～～ 餐廳主打無限時火鍋放題，有多款湯底、肉類、海鮮、配料等選擇！回訪過幾次都keep住有水準，值得推介🔥🔥 - 🍲台灣養生涮涮鍋吃到飽套餐Set D✨ 店員會先送上黃金地瓜條🍟作為前菜，全部炸到脆卜卜，仲有4款調味粉可以揀～～ 湯底方面，我地揀咗「藥膳花膠雞涮涮鍋🐥」同「日本壽喜燒Sukiyaki野菌鍋🥚」！！ 兩款湯底濃郁，「藥膳花膠雞涮涮鍋🐥」內有花膠、雞件、紅棗、杞子等湯料，用料十足👍🏻👍🏻 肉類方面，可以任食極上Prime Grade霜降牛小排、Prime Grade 安格斯牛頸脊、SRF極黑和牛肩脊肉、西班牙伊比利亞黑毛豬等～～ 當中至愛「Prime Grade霜降牛小排🐂」！牛小排軟嫩juicy，油脂分佈平均🤤🤤 海鮮方面，包括有是日精選海鮮、生猛海蝦、脆鯇魚片、脆骨腩、帆立貝等～全部都好新鮮！！ 另外仲有多款火鍋配料任食，包括爆醬濃芝牛丸、手工黑松露墨魚丸、足八吋長蟹棒、響鈴卷等，每款試啲都夠哂飽🤣🤣 最後每人可以揀一款雪糕，我地就揀咗「Dreyer‘s D-Collection開心果扭紋脆筒雪糕🍦」～口感香濃幼滑，開心果味濃郁！食完好滿足❤️❤️

講起濟州一定會想起林林總總的韓國美食，最正、最香一定係黑毛豬肉，諗起都想食。位於九龍灣德福廣場2期2樓Food Deli旁邊嘅 濟州燒肉食堂，烤肉套餐睇落超吸引的，一於試下！ 環境: ⭐️⭐️⭐️⭐️ 雖然喺food court旁邊，但係佢哋自成一角，大部份都係寬闊四人卡座，坐得舒服。亦都有獨立抽風設施，通風效果不錯，不會食到煙霧彌漫。 食物:⭐️⭐️⭐️⭐️ 佢哋唔止黑毛豬㗎，雞牛、海鮮各款肉類都有，其他韓國特色食物，例如石頭鍋飯、人蔘雞湯、醬油蟹都有。 《究極黑毛豬盛宴》 $728 食韓式烤肉，當然唔少得爐邊蛋、芝士粟米、仲有三款泡菜，有大豆芽、海帶同埋酸蘿蔔俾大家消油膩感，晚市套餐裏面已經包埋，以上仲可以refill，特別鍾意爐路邊蛋同芝士粟米好香。 店員建議我哋先食完牛肉，才轉鐵板燒豬肉，因為豬肉油脂較多，較適合用鐵板鎖住肉汁 牛小排、和牛牛五花、大蔥切牛舌，原條大牛骨 我哋先享受牛肉拼盤 🥓和牛牛五花雪花紋非常清晰，手切厚度剛剛好，燒到一邊8成熟略帶焦香就最好味，加入檸檬汁，我覺得係最好味😋 🥩牛小排帶有油筋，肉質較有咬勁，越嚼越有肉汁和香濃牛味，建議五成熟，加埋韓燒肉汁更好味 👅大蔥切牛舌，比較彈牙及脆口，簡單烤一烤已經OK 🍖原條大牛骨一齊燒，真係見到就流晒口水，超吸引的。以店家獨家的醬料醃製，牛骨已經起出，牛肋肉已經設成骰子肉粒，燒起嚟帶豐富油脂和牛肉鮮味，醬汁真係特別一讚，非常提鮮👍🏻 濟州黑毛豬梅花肉 到重頭戲濟州黑毛豬，脂肪瘦肉比例均勻，肉質特別有彈性，有天然豬肉甜味，烤到微微焦香，加埋生肉同埋韓式麵豉醬，不油膩，食完一件接一件 MAIN COURSE 海鮮煎蔥餅 海鮮煎蔥餅，份量很大，好似Pizza咁大份，每一片都好香口、脆卜卜，仲有香蔥韭菜，充滿蝦肉、墨魚肉、非常足料 素菜石頭鍋飯 $77 食咗咁多肉，點都要食返多啲菜平衡一下，健康啲，亦都需要有啲米飯落肚，加入咗麻油香味，比肉類石頭鍋飯多一份清新感 生菜包飯醬 $38 當然唔少得韓燒必有嘅生菜，會跟埋麵豉醬同埋蒜頭，不過就要另外叫 總結: 店員會主動幫忙烤肉，亦都會主動詢問是否需要加水、加泡菜👍🏻有禮貌及友善 肉類質素不錯，絕對令人想再返去食多次，套餐份量好足，一班人圍爐一齊享受肉肉盛宴，嘆返杯啤酒，佢哋嘅韓國料理都做得很不錯，大家想食豐盛韓國燒肉，值得一試 👶🏻幼兒家長貼士： ✅有high chair供應，咁就唔使擔心幼兒周圍走，可以安心食返餐

聖誕節聚餐🤩 想搵間坐得舒服既餐廳同朋友聚下傾下計～ 上網見到呢間餐廳食日本野 新開 好似幾唔錯😝 今日都黎試下🥰 餐廳裝修好靚 好似置身於日本咁😆 仲係試業中，登記做會員有野飲送😋 點左松葉蟹肉三色杯 💛啖啖蟹肉同三文魚子，新鮮好好食 壽司 💛件件都係厚切，鮮味十足，最鐘意食火炙碟魚，火炙過後好香，入口即溶😍 壽喜燒牛肉鍋 💛份量多，牛肉肥瘦均，撈埋蛋漿食真係好滑😍 💛甜品揀左芝麻味雪糕，黑糖抹茶蕨餅，好滿足🥰

我們今晚去左食日嚐慢煮生活 發現嗰間餐廳6:00就超多人，間餐廳坐滿晒，一開門口就坐滿晒。 我和朋友要左 慢煮豬頸肉配荔枝玫瑰醬 豬頸肉經過慢煮處理，肉質柔嫩，口感滑順。荔枝玫瑰醬的搭配增添了甜美和花香。最緊要係個豬肉真係超腍。廚師真係煮得好好。 蕎麥麵（冷） 冷蕎麥麵的質感爽滑，搭配簡單的調味。 青蘋果紫薯球 青蘋果酸甜和紫薯綿密口感形成完美對比，十分開胃。 柚子青瓜漬 清新柚子和青瓜酸甜口感平衡了其他嘅濃郁，使整體餐點更具清新感。非常適合解膩，提升整個用餐體驗。 紅豆白玉（甜品） （熱）陳皮檸檬茶 這款熱飲以陳皮的獨特香氣和檸檬的清新酸味 慢煮黑毛豬配肉桂蘋果蓉 黑毛豬肉質鮮嫩，慢煮使得肉質更加軟滑，與肉桂蘋果蓉搭配，帶來甜美與香料的平衡，增添了整體的風味層次。 稻庭豬骨濃烏冬 稻庭烏冬彈性十足，搭配豬骨濃湯，湯頭濃郁， 蜜瓜福餅 蜜瓜與福餅係好特別嘅配搭，一啲都唔韌。☺️ 飲品就叫咗冬瓜茶 We went to try Slow Cooked Life tonight and discovered that the restaurant was packed by 6:00 PM. As soon as the doors opened, every seat was filled. My friend and I ordered the -Slow-cooked pork neck with lychee rose sauce.The pork neck, treated with slow cooking, was tender and smooth. The lychee rose sauce added sweetness and floral notes. The pork was incredibly tender. The chef really did an excellent job. Cold Soba Noodles:The cold soba noodles had a smooth texture and were accompanied by simple seasoning. Green Apple and Purple Sweet Potato Balls:The tartness of the green apple and the creamy texture of the purple sweet potato created a perfect contrast, making it very appetizing. Yuzu Pickled Cucumber:The refreshing yuzu and the sweet-and-sour cucumber balanced the richness of the other dishes, adding a fresh touch to the overall meal. It was perfect for cutting through the richness, enhancing the dining experience. Red Bean Mochi (Dessert) (Hot) Dried Tangerine Peel Lemon Tea:This hot drink featured the unique aroma of dried tangerine peel combined with the refreshing tartness of lemon. Slow Cooked Black Pork with Cinnamon Apple Sauce:The black pork was tender, and the slow cooking made it even more silky. The pairing with cinnamon apple sauce created a delightful balance of sweetness and spice, enhancing the overall flavor profile. Inaniwa Udon with Pork Bone Broth:The Inaniwa udon was wonderfully chewy, paired with a rich pork bone broth that was full of flavor. Melon Fortune Cake:The combination of melon and fortune cake was quite special, not tough at all. ☺️ For drinks, we ordered winter melon tea.

時時經過呢間正九都聞到濃濃的牛香味，又滿哂座，今日終於可品嚐到呢間正正嘅崩沙牛腩。 餐牌有很多選擇，不止粉麵，飯都有很多選擇。 下午茶時段也有優惠套餐 因為太想食伊麵，所以都係散叫呢碗崩沙牛腩湯伊麵 崩沙腩是牛的橫膈膜，筋膜 ，吃落簡直 可以用入口即溶嚟形容，仲散發出淡淡牛肉的香氣。 麵底也煮得剛好唔太淋有咬口感。 追加了蘿蔔和紫菜 三件厚切大蘿蔔都好甜和好淋 這份微香的紫菜提升了這碗伊麵的神粹 牛骨湯底非常清澈、鮮甜可口，無味精 下次嚟都會再食

路過呢到食左呢間，本身對係D2食飯無希望，因為之前食過1次好難食既餐廳，間餐廳仲未執🙂原來D2仲有好野食😋😋抵食+好食，暫時係我食過最好食既餓肝飯😋下次再過來食😋 極上海膽刺身丼 $208 香煎鵝肝配泉蛋丼 $138 湯+沙律

進入這小店用餐兩次，下午茶套餐很抵食，份量合理，店員親切有禮😊 第一次幫襯抱着嘗試心態，但用餐後，CP值不錯。因此隔幾天後再來幫襯。 再次嘗試其它菜式😊兩次幫襯嘗試過酸椒炒豬肚，回鍋肉，梅菜扣肉，份量合理，味道適合我。 若不能食太辣，可以預先向店員提出。 2024年12月下旬

近日發掘越來越多人世嘅湘菜，喺香港都可以食到正宗嘅蔬菜味道。呢間中菜館仲要非常經濟，午次商務套餐就可以享用七道菜式👍🏻 餐廳用上最新鮮同埋空運過嚟嘅本土食材，廚師亦都非常資深，烹調技巧高深👌🏻有時轉下口味都好高興🙌🏻 湘舍商務午市套餐（二人用）@$388 1️⃣前菜：燒椒皮蛋 皮蛋加埋小青椒，呢個冷盤可以加埋紅薯片一齊食，新鮮感十足👍🏻 2️⃣湯品：筒子骨燉湖藕 呢個係我至愛❤️蓮藕胡椒排骨湯喺小窩上面上，興住熱辣辣食落去非常滋補。服務員介紹話蓮藕係本土空運而來，所以食出嗰種鮮味同地道嘅口味😋 3️⃣主菜：十八秒牛肉 辣椒仔炒黃牛，加飯食就最好😛 4️⃣小菜：砂鍋虎皮豆腐 服務員介紹套餐可以揀虎皮豆腐。因為之前嘅餸菜都比較濃味，加個小菜選擇口味較為清淡啲配下，又真係非常唔錯！ 5️⃣蔬菜：時令炒蔬菜 健康嘅菜式都不能夠缺少炒菜，菜都食得出非常鮮味同爽脆🙃 6️⃣主食：青稞餅 用上小米做上嘅青稞餅，好香米味同好有咬口，呢個係健康之選🥰 7️⃣甜品：酒釀丸子 最後送上嘅甜品係呢餐完美嘅終結🫶🏻 呢間坐落好舒服，兩人食仲有小包廂，非常推介，值得一試👏🏻

由於沒有訂位，6:40pm到達，留低電話等Walk in，差不多到七點時，門口聚集大量人群，等候安排入座，門口有菊花茶提供給食客飲用，好窩心👍🏻等到7:10pm，門口職員叫號碼可上樓上就座。 餐牌上款式十分多，好多款都想試，各式各樣的小菜好吸引🤩 脆皮炸大腸 鬆脆可口，每一塊大腸下面配以菠蘿墊底，加上醬汁，美味可口 ⭐️⭐️⭐️⭐️⭐️（5/5⭐️） 香濃南乳粗齋煲 上枱時熱辣辣，南乳味濃郁，材料有冬菇、枝竹、豆腐卜、粟米鬚、菜及粉絲 ⭐️⭐️⭐️⭐️（⭐️4/5） 西檸煎軟雞 大大碟，份量多，皮脆肉嫩 ⭐️⭐️⭐️⭐️⭐️（⭐️5/5） 生炒臘味糯米飯 味道一般 ⭐️⭐️⭐️（⭐️3/5）

Airside 見有「未來牛」燒肉， 一於試試。 星期一中下午1：30。2位， 唔駛等， 環境雅致， 服務好。 原來未來牛特別飼養，肉質細滑，肉味香濃，脂肪分佈均勻，肉不膩， 不鞋，有入口即溶的感覺。 讚 1) A4和牛壽喜燒$288 menu相就好像好大份， 但實物只是1人細份量， 唔抵食。 貴 2) 美國牛肋肉+ 澳州橫隔肉 $148 每樣3片， 肉質都好滑， 有牛香 3) 追加未來牛肋肉 $78 真係好滑， 好正。 唔會像和牛咁膩， 要試。 4) 京蔥牛舌 $48. 完全唔韌， 好好味。 5) 飲品巨峰燒酎梳打$48 味道就普通， 唔係太抵。 總評。 燒肉值得試。 真係好好滑。 服務. 員工有禮貌， 讚 環境， 舒適