北海道十勝豚丼 (已結業)

Megabox食個lunch唔平，如果唔想食快餐店，原來十勝豚丼個價錢都算實惠，選擇豐富，除左午餐set之外，一般餐牌上既丼都可以配餐，仲可以將個飯升級做大盛，咁就唔驚會唔夠食十勝烤豬肩脥飯，連埋湯同小食都係四十幾蚊，碗飯幾大碗，仲有大大塊烤肉舖滿飯面，真係幾夠份量味道方面非常唔錯，豬肉本身偏瘦，食落都有少少韌，但上到檯係非常香既，佢輕輕烤到表面金黃色，已經好好食👌🏻不過個燒汁個人就覺得甜左少少，如果調味多返少少撈飯應該更加好食。整體黎講呢間都幾有質素，不過都有發生漏單既情況，同埋坐位安排有d混亂，希望下次可以有所改善💪🏻

自問咁大個仔劣食真係食唔少，阿媽教落好又一餐唔好又一餐，都冇話特別投訴。但今次真係遇到高手喇。比起小店更難食！我叫咗叉燒冷麵，咖哩雞石頭窩飯同薄豬扒小食。冷麵得個芝麻醬，冇其他汁，仲要生菜底，仲要有鹼水味。石頭窩飯，冇特別，算過關⋯⋯可能我鐘意多汁所以覺得佢個飯乾同超多飯焦。薄切豬扒⋯⋯煲湯瘦肉靚過佢⋯乾過腳皮，求其面頭淋啲汁⋯⋯今次出文其實同服務態度有關⋯⋯不停喺隔離掃地！我叫佢唔好掃態度仲衰，唔掃地就走去拖地⋯⋯講真，我未試過一間咁差嘅日式餐廳！

附贈飲品好足量 雖然係下午茶 整碗拉麵物美價廉 超抵食 係返工人必選之一嘅地方 環境又好 啲員工態度都好好 終於被我揾到食靚野嘅地方啦 地方靚野食正 就算係上餐前被你飲嘅小小一杯茶 都可以令人開胃又暖胃 下次可以再來試下啲飯 拉麵都咁好食 小小期待飯食啦

略嫌平時食開嘅午市套餐分量唔太足夠，所以今次就轉為嗌定食。十勝烤豬肩脥飯（大盛）大盛嘅份量果然係比平時大份好多，大碗加上飯幾乎裝滿，差啲食唔曬。推薦豬肩脥， 呢個部分嘅肉食落好細滑又有口感，加上烤得好香脆。

同阿爸兩個大男人係九龍灣食飯，諗唔到食咩好。最後選左呢間又平又算幾好食。我地點左個烤薄豬扒飯，都係$48。豬扒有少少韌，但醬汁好味，加埋蔥絲，拌飯一流，阿爸都食得幾開心。

一出門口就要寫負評！叫咗一個薄燒豬扒飯，一個烤豬肋骨飯一個蕃茄沙律，一杯花梨蜜茶一上枱已知出事，蕃茄沙律梅爛感薄豬：又鞋又乾又無味，衰過煲湯瘦肉！豬肋骨：一樣！又鞋又乾又無味，衰過煲湯豬骨！杯嘢飲，一樣，無味！水喉水無分別！第一次負評，第一次食到想發脾氣！應該send去劣食觀世音！

今日喺mega box 睇完戲之後就需要揾間餐廳醫下肚仔，咁就喺樓下見到有間食豚丼而價錢又幾抵，呢間就係十勝豚丼。入到去嗌左個招牌既燒豚肉飯套餐。餐入面包埋湯同中華沙律。個飯就唔算大既，但可以加錢轉大盛。燒豚就點左燒汁，肉質都幾嫩，幾配白飯。再加埋杯黑牛，都算係一餐唔錯既晚餐

好耐冇黎mega box，睇完戲之後就搵野食啦，呢開十勝豚丼都幾吸引，價錢又親民。我叫左個豚肉掛烏冬，加18蚊就有炒野菜。豚肉掛烏冬：呢個係凍食嘅，烏冬同芝麻醬真係好夾，好味到我好快就食曬。炒野菜：正常水準，唔太特別。荔枝梳打：幾好，唔太甜，之前飲過一啲好重糖漿嗰啲，太甜，好彩呢間唔會。

好明顯個鍋整得太熱 我已經狂攪d 飯驚佢燶但無論我點攪d飯都係燶晒 連隔離枱都話咁大陣燶味 好唔掂連面果d飯同雞 都係燶味除左燶味乜都食唔到 格硬食完面果d算早知食其他算之前食果呢間都冇咩事

叫左個鴨胸飯D鴨胸唔洗食 睇落去都知乾到柴皮咁又乾又硬又冇味好難食個飯冇咩野既 因為飯理應唔會難食但個飯面既醬就出事喇 又濃 又唔夾又係好撚難食真心唔明點解可以係mega box開而唔汁笠

星期6都要番工，lunch唔想留喺公司，就同同事黎左Mega Box食。諗唔到食乜好，見10樓最多餐廳就黎10樓睇下啦！見呢間有飯又有湯麵，就入黎試下啦🤔午餐Menu下午茶Menu熱朱古力(跟餐送):好難飲，好稀，完全無朱古力味👎凍檸檬茶(跟餐送):無特別😁滑蛋煮吉列豬扒飯(下午茶/$42):啲飯粒粒分明，呢樣幾好;但吉列豬扒完全唔脆，有啲皮仲散開左;醬汁無乜味，水汪汪☹️美國薄牛肩肉讚岐烏冬(午餐/$42):同事話好難食，湯底無味，佢最後食淨左半碗👎照燒薄切豚足烏冬(單叫/$56):同事話好似食緊中式燻蹄咁，無特別😅我自己覺得普普通通，但2位同事都一致認為一定唔會有下次😂啲侍應仲要成日掛住自己傾計，叫都唔應👎

豬脊肉飯唔錯 啲肉ok 份量算多 叫咗地獄辣汁 但一啲都唔辣 似和風醬汁多啲唔知有冇比錯呢 吉列豬扒湯拉麵就麻麻地 個吉列太硬 連豬扒口感都被影響 搞到乾争争 P.S. 有加一服務費 同上菜好慢

九點到MegaBox 吉仔打算打邊爐，可惜已售馨，惟有再揾食。揾食揾食，食到呢間晚餐嚟講～呢個價錢有呢個質素總算幾好！叫咗個小食-燒汁烤薄豬扒，夾埋啲生洋蔥絲一齊食，好㚒果然係必食！加埋個定食，好味到食哂！有湯、中華沙律、生菜絲、青魚和珍珠米飯。個飯賣相唔錯，可惜唔及正宗日本米嗰種飯香、黏同埋煙韌有點失望麵豉湯～除咗唔夠熱，都幾好飲，仲有隻硯、葱粒同昆布生菜絲同中華沙律味道都唔錯，用料新鮮、醬汁美味～夠哂醒胃青魚皮脆，唔會乾爭爭～夠juicy加鮮埋檸檬汁、點唔點醬汁都好味。至於餐廳裝修都唔錯，連侍應嘅衫都襯埋，服務質素都可以，又有聖誕裝飾，整體感覺唔錯！總評分10分都有8份吖！可以encore ~ 下次要試吓必食之餃子🥟先得

七點幾入去食，都唔使等位，兩個人單叫，最後都係$120，食到好飽我地叫左一個煎雞冷烏冬，加胡麻汁咁樣凍食，個烏冬幾有咬口，係厚身個種，個雞都好滑，煎得好香，個份量都適中。另外叫左個石鍋飯，好足料好香。同埋啲豚肉都好靚，有肥有瘦

今日同朋友去Megabox 影Little Twin Stars，影完星相覺得肚餓，便去了座落10樓的北海道十勝豚丼食午餐。我們安排坐在卡位上，餐廳環境開揚，望住溜冰場食午餐。我們分別點了北海道昆布風味滑蛋煮吉列豬扒飯套餐$60及十勝厚燒豬扒飯套餐$56。另外，每日12:00-17:30惠顧任何食品一款加$3可選配命冷或熱飲品一杯。飲品，我們都點了凍檸茶。前菜：好韌麵豉湯：正常北海道昆布風味滑蛋煮吉列豬扒飯：滑蛋普通，豬扒好味十勝厚燒豬扒飯：豬扒好韌凍檸茶好大杯。