牛涮鍋 (已結業)

同屋企人食餐好就去荃灣食牛涮鍋🐮🍲，見佢最近有期間限定Menu係「遊台北」🇹🇼，好耐無得去旅行見佢打邊爐又有台灣小食，屋企人都幾鐘意所以就食呢個Menu，揀左食「士林」✨。因為book左位所以都唔洗等😝，不過呢間平時都比較少人食…😂頭盤有六小碟台灣小食做開胃菜。屋企人食完覺得麻辣豬耳、鴨血、豬大腸唔錯，都encore左幾轉。芋圓就麻麻，唔彈牙亦都幾細碗下😫。甜品係有伯爵紅茶軟雪糕🍦自己唧比較吸引，都食得出伯爵茶味☕️，比較奶既口感，唔同其他火鍋店唧出黎比較冰既軟雪糕。鐘意牛涮鍋打邊爐都係因為佢既牛肉都唔錯，又有蜂巢豆腐，甜不辣，菜🥬都幾新鮮，唔會有啲爛既照refill。同埋試左佢自助區既麵，似係韓式既公仔麵，所以比較彈牙，打邊爐收尾好正好入味😋！