影片
更多
2024-07-16
531 瀏覽
係旺角行完街，早早黎到二鍋頭食晚飯，食佢個無限時任你魚肉烤魚雞煲火鍋放題！因為由5點開始！餐廳好大，樓底夠高，位置就正正係新之城對面。坐低先拎飲品，雪櫃有各類罐裝啤酒、飲品及雪糕雪條。另一邊自助區有齊各款蔬菜、丸類、火鍋配料等，選擇都幾豐富。這個任食套餐好抵，可以任食煲類，烤魚和邊爐！包括了招牌惹味雞煲、香濃黑椒豬手煲及火焰牛尾煲。我地揀先食牛尾！牛尾煲上枱後再淋上玫瑰露，然後點火燒，玫瑰露蒸發後超香！個秘製醬汁好惹味。牛尾份量好足，煮得好夠腍。再配埋啤酒真係無得頂！然後食烤魚，選了麻辣湯的小辣，烤魚大大條，滾起就食得！份量同出面食烤魚一樣，好足料！魚可以揀海鱸魚或清江魚，清江魚肉質較細滑，海鱸魚肉質比較結實，我地選了海爐魚，入口啖啖肉又唔會咁易散！食完烤魚，我翻頭點了豬手煲。豬手份量又是不少，滿滿的芫茜鋪面，黑椒味醬汁好濃，豬手食落爽口又唔肥膩，帶點少辣，好好食，但真係好大煲，食完好飽~我地要抖一抖先再上個邊爐!!!鴛鴦鍋一邊豬骨一邊沙嗲，鍋底好足料，奶白色大大嚿豬骨，沙嗲亦好夠味，完全唔使點豉油。火鍋料好貼心，是細細份的，可以每樣都試。但因為食3樣野再打邊爐，其實已經有8成飽，所以
餐廳好大，樓底夠高，位置就正正係新之城對面。坐低先拎飲品，雪櫃有各類罐裝啤酒、飲品及雪糕雪條。
另一邊自助區有齊各款蔬菜、丸類、火鍋配料等，選擇都幾豐富。
這個任食套餐好抵，可以任食煲類，烤魚和邊爐！包括了招牌惹味雞煲、香濃黑椒豬手煲及火焰牛尾煲。
我地揀先食牛尾！牛尾煲上枱後再淋上玫瑰露，然後點火燒，玫瑰露蒸發後超香！個秘製醬汁好惹味。牛尾份量好足，煮得好夠腍。再配埋啤酒真係無得頂！
然後食烤魚，選了麻辣湯的小辣，烤魚大大條，滾起就食得！份量同出面食烤魚一樣，好足料！魚可以揀海鱸魚或清江魚，清江魚肉質較細滑，海鱸魚肉質比較結實，我地選了海爐魚，入口啖啖肉又唔會咁易散！
食完烤魚，我翻頭點了豬手煲。豬手份量又是不少，滿滿的芫茜鋪面，黑椒味醬汁好濃，豬手食落爽口又唔肥膩，帶點少辣，好好食，但真係好大煲，食完好飽~我地要抖一抖先再上個邊爐!!!
鴛鴦鍋一邊豬骨一邊沙嗲，鍋底好足料，奶白色大大嚿豬骨，沙嗲亦好夠味，完全唔使點豉油。
火鍋料好貼心，是細細份的，可以每樣都試。但因為食3樣野再打邊爐，其實已經有8成飽，所以主力都係食下菜食少少肉。牛板腱、鮮牛肉係必食，鮮蝦、牛柏業、墨魚仔、大蜆好新鮮，而且大大粒，一啲都唔馬虎。最後仲食左好多菜，真係好飽!!!飽到連雪糕都係試左2款就收手。
呢個任你魚肉烤魚雞煲火鍋放題真係好適合大胃王，因為真係任你食足咁多個鐘。自問唔係細食，但都飽到捧住肚走，每人三百幾，食左4個幾鐘，真係抵~呢度8點後真係好多人，想食一定要預先訂好位!!!
張貼
