影片
更多
2016-05-15
1394 瀏覽
難得佛誕放假，相約了朋友去拜訪相片咖啡，誰知離遠見到關門大吉，心知不妙，幸好知道Leo在附近，而且佛誕都照開，二話二說，直接過去。餐廳好開揚，位處九貿Tower2，自成一角。因為商場內的樓底好高，而且陽光充足，感覺十分光猛闊落。餐廳座位都幾多，設計簡約，用了店主Leo的嘜頭做生招牌，還好假日仍然十分寧靜。套餐優惠價可以用$30換手工咖啡拉花一杯，但公仔就店主定，而加$40蚊就可以拉布甸狗，我地揀左布甸狗，貪佢顏色靚啲。餐就揀左all day breakfast，再另加左杯焦糖latte。杯布甸狗好快就拉好，好立體咁上枱，仲要Leo親自送過黎，造型好得意呀，而且個樣好神似，唔會走晒樣。我地影相影左好耐，都keep到唔變形。無耐杯焦糖都到左，上面是心心樣，大大杯，甜度剛好，是我喜歡的味道。相比下，布甸狗咖啡味道就無咁甜，但都好香咖啡味。All day breakfast 最遲上，但全部食物排得好整齊好靚，配合埋一齊影相，真係幾呃like。薯角炸得好香脆，中間的是茄汁豆代替左茄汁。有蛋有粟米有火腿有腸仔有生菜，絕不欺場。但我都係鍾意茄汁點薯角多啲。食下影下不經不覺坐左成個半鐘，好悠閒，唔似得
因為商場內的樓底好高，而且陽光充足，感覺十分光猛闊落。餐廳座位都幾多，設計簡約，用了店主Leo的嘜頭做生招牌，還好假日仍然十分寧靜。
套餐優惠價可以用$30換手工咖啡拉花一杯，但公仔就店主定，而加$40蚊就可以拉布甸狗，我地揀左布甸狗，貪佢顏色靚啲。餐就揀左all day breakfast，再另加左杯焦糖latte。杯布甸狗好快就拉好，好立體咁上枱，仲要Leo親自送過黎，造型好得意呀，而且個樣好神似，唔會走晒樣。我地影相影左好耐，都keep到唔變形。無耐杯焦糖都到左，上面是心心樣，大大杯，甜度剛好，是我喜歡的味道。相比下，布甸狗咖啡味道就無咁甜，但都好香咖啡味。
All day breakfast 最遲上，但全部食物排得好整齊好靚，配合埋一齊影相，真係幾呃like。薯角炸得好香脆，中間的是茄汁豆代替左茄汁。有蛋有粟米有火腿有腸仔有生菜，絕不欺場。但我都係鍾意茄汁點薯角多啲。
食下影下不經不覺坐左成個半鐘，好悠閒，唔似得一般咖啡店咁又細又迫又要等位，呢度絕對係一間假日好去的小店。咖啡師製作用心，環境悠閒，相約朋友黎飲咖啡，真的十分不錯。如果可以多幾款立體拉花揀就仲好，因為如果常常黎飲，都希望每次個立體拉花都唔同樣嘛～
張貼
