影片
更多
2019-08-08
3903 瀏覽
經歷咗連續幾星期嘅雨天，難得今個周未萬里無雲，最啱就係游水減吓壓。所以相約朋友一齊去淺水灣玩下，順便再入赤柱渡下假。黎到赤柱最出名嘅必定係美利樓莫屬，經過翻新後增添幾分活力。知道呢邊食肆唔多，所以早早鎖定目標，嘗試一下西班牙風味。適逢餐廳舉行以＂情遊地中海＂為主題嘅BRUNCH半自助餐，當然要捧場啦。因為太熱嘅關係我地都係留係餐廳內，邊嘆冷氣邊食，但如果天氣涼返啲，坐係露枱位置望住個大海開餐，都咪話唔寫意啊。BRUNCH嘅主菜有6款羊膝／龍脷魚／牛扒／龍蝦／帶子意粉同埋素菜烤串。只要LIKE咗FACEBOOK就會送兩個COINS，可以用黎換4隻生蠔。一場黎到梗係食豪啲，點咗牛扒及龍脷魚，係等待主菜上枱前，當然係食啲前菜先啦。FOOD BAR嘅食物唔講笑地多選擇，沙律／甜品／冷盤／熱盤／麵包／餐湯／海鮮，應有盡有。單單係食均每一樣都足夠捧住個肚走，哈哈。見有個梳打特飲做緊推廣，所以都點咗一杯一齊飲，酸甜中帶點椰子香，再加上百香果同紅莓嘅味道，十分清爽。我地之後加錢升級任飲果酒及果汁，因為一包包嘅乳酸果汁好開胃同消暑。一人一包拎住飲，成個渡假FEEL出晒黎。沙律主要有4款，各有特色但一樣有
黎到赤柱最出名嘅必定係美利樓莫屬，經過翻新後增添幾分活力。知道呢邊食肆唔多，所以早早鎖定目標，嘗試一下西班牙風味。
適逢餐廳舉行以＂情遊地中海＂為主題嘅BRUNCH半自助餐，當然要捧場啦。
因為太熱嘅關係我地都係留係餐廳內，邊嘆冷氣邊食，但如果天氣涼返啲，坐係露枱位置望住個大海開餐，都咪話唔寫意啊。
BRUNCH嘅主菜有6款羊膝／龍脷魚／牛扒／龍蝦／帶子意粉同埋素菜烤串。只要LIKE咗FACEBOOK就會送兩個COINS，可以用黎換4隻生蠔。一場黎到梗係食豪啲，點咗牛扒及龍脷魚，係等待主菜上枱前，當然係食啲前菜先啦。
FOOD BAR嘅食物唔講笑地多選擇，沙律／甜品／冷盤／熱盤／麵包／餐湯／海鮮，應有盡有。單單係食均每一樣都足夠捧住個肚走，哈哈。
見有個梳打特飲做緊推廣，所以都點咗一杯一齊飲，酸甜中帶點椰子香，再加上百香果同紅莓嘅味道，十分清爽。
我地之後加錢升級任飲果酒及果汁，因為一包包嘅乳酸果汁好開胃同消暑。一人一包拎住飲，成個渡假FEEL出晒黎。
沙律主要有4款，各有特色但一樣有好多蕃茄，啱晒我啲蕃茄控，酸甜清涼味道真係食極唔膩。
夾饃嘅沾醬都有好多，不妨試多幾款揀啱自己口味。
生蠔味道好鮮甜，海水味唔重，可惜只有兩隻唔係真係食返一打先夠喉，哈哈。
話咁快就到主菜了，原條比目魚比我嘅手臂更長。簡單以麵粉包裹後就酥炸，外表魚皮炸得鬆脆香口，入面嘅魚肉嫰滑同鮮味，所以單單以檸檬汁調味，減輕油膩感就以經好好食。
牛扒五成熟啱啱好，肉味香之餘肉汁豐富。只需沾上少少芥末就夠味道了。
其他熱食都唔可以錯過，春卷／蛋餅／烘乾果作為小食都幾唔錯。
蘋果批甜味啱啱好，批皮鬆軟之餘蘋果餡都飽滿，整體好好食。酥皮果仁餅就好甜，不過奶酥香味好濃郁。
甜品就以芝士餅同青檸啫喱最吸引，細細一件食多咗都無咁罪惡感。哈哈。
餐廳前後都有打卡位，黎到一定唔可以錯過。尤其係後面嘅帳篷坐位，真係好有地中海風情感覺。
張貼
