影片
更多
2016-10-23
358 瀏覽
平日返尖沙咀，但好少過天文台道揾食。咁啱朋友公司係嗰邊，今日放工過去揾佢食飯，順便拎手信，所以就係附近問佢有咩推介。佢帶左我去食日本菜，原以為是間西餐廳，因為裝修好西化，高樓底配上大大的落地玻璃，空間感好強。西式餐枱，又有bar枱區，完完全全就係間西餐廳格局，但卻原來是居酒屋。餐牌設計好有玩味，帶點中國色彩。見門口推介其仙台牛舌，當然要試下。點左沙律、豆腐、燒三文魚腩、露筍、雞肉串及大啡菇，大部份都係啲佐酒小物，諗住慢慢食，吹吹水。咁當然要點返杯野飲盡興。餐廳提供的Sake好多，貫徹傳統居酒屋的做法。飲品先上，毛點左巨峰提子特飲，朋友點左荔枝Sake。巨峰特飲唔太甜，好香提子味。荔枝Sake的荔枝味香濃，酒味亦香醇。先來是櫻花蝦沙律，滿滿的櫻花蝦灑在沙律菜之上，火箭菜、番茄、生菜、洋蔥，紅紅綠綠的，菜很爽脆，顏色鮮艷又豐富。然後來一客鋪滿了木魚的大啡菇，木魚絲生動非常，蹦蹦跳咁樣，菇多汁而不乾，配上簡單醬油，已經帶出菇味。油揚豆腐、鹽燒三文魚腩及免治雞肉串都陸續上枱，上菜速度有效率，讚👍油揚豆腐厚切，份量頗多，灑上青葱，淋上醃好蘿蔔蓉，豆腐本身不走滑嫩路線，但食起黎，卻有傳統日本豆腐的
佢帶左我去食日本菜，原以為是間西餐廳，因為裝修好西化，高樓底配上大大的落地玻璃，空間感好強。西式餐枱，又有bar枱區，完完全全就係間西餐廳格局，但卻原來是居酒屋。
餐牌設計好有玩味，帶點中國色彩。見門口推介其仙台牛舌，當然要試下。點左沙律、豆腐、燒三文魚腩、露筍、雞肉串及大啡菇，大部份都係啲佐酒小物，諗住慢慢食，吹吹水。咁當然要點返杯野飲盡興。
餐廳提供的Sake好多，貫徹傳統居酒屋的做法。飲品先上，毛點左巨峰提子特飲，朋友點左荔枝Sake。巨峰特飲唔太甜，好香提子味。荔枝Sake的荔枝味香濃，酒味亦香醇。
先來是櫻花蝦沙律，滿滿的櫻花蝦灑在沙律菜之上，火箭菜、番茄、生菜、洋蔥，紅紅綠綠的，菜很爽脆，顏色鮮艷又豐富。然後來一客鋪滿了木魚的大啡菇，木魚絲生動非常，蹦蹦跳咁樣，菇多汁而不乾，配上簡單醬油，已經帶出菇味。
油揚豆腐、鹽燒三文魚腩及免治雞肉串都陸續上枱，上菜速度有效率，讚👍油揚豆腐厚切，份量頗多，灑上青葱，淋上醃好蘿蔔蓉，豆腐本身不走滑嫩路線，但食起黎，卻有傳統日本豆腐的風味。
鹽燒三文魚腩好肥美，燒得魚皮焦脆，咬落去仲係脆的，而肉汁就仍鎖係魚內。三文魚腩肥美，咬落口油脂十分充足，燒得香口。
免治雞肉串驟眼睇，以為係一條腸，配上橙黃色的日本蛋，賣相是十分吸引人。肥大的腸，醃好的雞肉包在腸入面，蘸上雞蛋同吃，估唔到咁夾，個蛋漿原來已預先調好味，所以簡單得黎帶點驚喜。
明太子牛油炒露筍，砌得靚靚上枱。露筍好嫩，炒得爽脆，加埋明太子炒，味道更加豐富，食肉之餘，又可以健康一下。
到了主角仙台牛舌，算係這裏必食的。燒牛舌的伴碟係用海苔調配成的醬料。然而因為牛舌燒得滑嫩，燈光下仍透著發亮的油光，帶迷人的粉紅色，單純就咁食，口感煙韌帶爽，好好味。一向都鍾意牛舌，呢個牛舌，著實好食！
一直係尖沙咀食飯都只會揀諾士佛臺附近或者厚福街一帶，但感覺好多人又嘈吵，但原來行過少少天文臺道，卻有令人意想不到的寧靜。
想不到係一間完全西式裝修的環境中，可以食到一餐幾地道日本居酒屋的味道，幾驚喜。開揚寬落的環境，食日本菜，把酒言歡，金黃的SAKE，開懷暢飲，是愉快的一個晚上。
張貼
