台北人 (已結業)

其實本身想食豬手，點知去到賣晒，下回要請早～鯖魚便當冇諗過鯖魚可以拎去炸，但食落又唔乾，比想像中好食（開頭冇咩期望😂）。魚肉都幾厚，好多肉，不過有少量骨，要小心。另外配料份量都好多，粉絲好惹味。蝦卷便當另外個蝦卷都幾好食，我個人中意蝦卷多啲，因為啱我口味。炸得好香口，有蝦既鮮甜咁，餸飯幾正。不過佢真係太多飯啦，食唔晒呀，下次可能要叫佢少飯。小食叫咗個炸甜不辣，老實講就唔係我杯茶😂，不過屋企人好欣賞，所以真係口味問題。佢口感好煙韌，好少少甜味咁。飲品加咗錢要QQ果鮮奶茶，呢個好好飲，唔太甜，用咗鮮牛奶，奶味更香濃。其實佢比較多人食既應該係炸排骨同埋炸雞髀便當，不過今日唔想太熱氣（雖則今日叫既都係炸嘢）。我覺得個價錢都算係咁，好大盒，份量好夠，仲配冬瓜茶，住附近唔想煮飯可以考慮吓。