影片
更多
2019-10-08
905 瀏覽
工作嘅關係唔需要去到唔同地區，我就最鍾意食四周圍嘅名物，到大圍同事介紹我一間茶餐廳佢嘅煎肉餅飯好正😍重點係佢知我好大食，佢覺得個份量我應該會好鍾意，於是今日放工我就衝左過去食😍其實佢真係一間好懷舊的舊式茶餐廳，不過就係積福街都幾易搵，其實就響華輝手撕雞腸粉前面十個鋪位左右，啲名物都鍾意聚埋在附近。一入去我就叫咗個煎肉餅飯($56),我見係單點都幾貴所以就冇點飲品，5分鐘左右肉餅飯就出現了。同我想像中嘅差唔多都係塊肉餅好大塊，蓋過咗下面嘅飯，而且都算厚身，不過佢最大嘅特色就係生煎。咬落去外皮好脆好香，中間嘅肉非常之軟同埋腍身，腍得來我又覺得有啲似平時食點心嘅牛肉球嘅質感，不過佢轉左用豬肉同埋實身一啲間中有筋，食下食下我覺得浸味有啲似曾相識，我突然間諗到了！係啦！就係一陣鹼水嘅味道！佢啲豬肉應該有落到鹼水，所以先至發到咁腍，鍾意食點心牛肉口感嘅朋友仔應該就幾鍾意，我都可以接受，因生煎肉餅係幾特別嘅，不過就dry左少少，同埋有啲貴，試過就算，我下次應該會比較想嘗試下佢嘅椒鹽豬扒加炒底多啲🤣____________________________店名：：金城茶餐廳 環境🏝：5/10服務💁🏼♀️
工作嘅關係唔需要去到唔同地區，我就最鍾意食四周圍嘅名物，到大圍同事介紹我一間茶餐廳佢嘅煎肉餅飯好正😍重點係佢知我好大食，佢覺得個份量我應該會好鍾意，於是今日放工我就衝左過去食😍
其實佢真係一間好懷舊的舊式茶餐廳，不過就係積福街都幾易搵，其實就響華輝手撕雞腸粉前面十個鋪位左右，啲名物都鍾意聚埋在附近。
一入去我就叫咗個煎肉餅飯($56),我見係單點都幾貴所以就冇點飲品，5分鐘左右肉餅飯就出現了。同我想像中嘅差唔多都係塊肉餅好大塊，蓋過咗下面嘅飯，而且都算厚身，不過佢最大嘅特色就係生煎。
咬落去外皮好脆好香，中間嘅肉非常之軟同埋腍身，腍得來我又覺得有啲似平時食點心嘅牛肉球嘅質感，不過佢轉左用豬肉同埋實身一啲間中有筋，食下食下我覺得浸味有啲似曾相識，我突然間諗到了！係啦！就係一陣鹼水嘅味道！佢啲豬肉應該有落到鹼水，所以先至發到咁腍，鍾意食點心牛肉口感嘅朋友仔應該就幾鍾意，我都可以接受，因生煎肉餅係幾特別嘅，不過就dry左少少，同埋有啲貴，試過就算，我下次應該會比較想嘗試下佢嘅椒鹽豬扒加炒底多啲🤣
____________________________
店名：：金城茶餐廳
環境🏝：5/10
服務💁🏼♀️：6/10
價錢💰：7/10
食物質素🍝: 6/10
整體🙆🏻♂️：6/10
地址
大圍積福街84號地下
張貼
