NUTTEA (旺角中心第一座) (已結業)

呢個飲完一次之後真係返唔到轉頭！其實我都係第一次飲，之前想飲好耐，朋友又話好好飲，所以即使我覺得價錢有啲小貴，我都決定要試吓。伯爵朱古力堅果奶蓋茶（$47）佢啲奶蓋比起其他奶茶舖頭多好多，同埋唔知係咪因為用堅果整嘅緣故，我覺得佢食落去冇咁漏，而且好香堅果味。我直情係用個薩去薩啲奶蓋就咁食，甜到啱啱好，朱古力味都好濃。飲到差唔多咁上下嘅時候，我建議可以撈埋啲茶一齊飲，好似飲緊朱古力奶茶㗎，又係另一種享受，佢個質素絕對對得起佢個價錢。