影片
更多
2021-05-11
716 瀏覽
《滋補鮮甜花膠雞煲🐤》———————————————-#豐鍋雞煲 🐣-呢間位於深水埗荔枝角道嘅雞煲小店，相當乾淨企理😝招牌雞煲有四款，任君選擇，最近食得太多熱氣嘢，就嚟返個滋補養顏嘅滋補螺片花膠雞煲啦！-雞煲真材實料，大大塊花膠同螺片，半隻雞都好足料，唔會剩係得啲骨，舊舊都啖啖肉。湯底味道鮮甜，不禁飲咗好幾碗，加上紅棗同杞子相當滋陰養生。花膠唔算薄身又爽口，螺片亦都好正，有咬口又鮮味🤩-食材都好新鮮，雞件滑嫩，我哋亦點咗頂級安格斯牛小排🐮牛肉味道十足，脂肪分布均勻，肉質鬆軟，份量亦不少🥬雜菜盤都幾多種類，包括菜心、生菜、白菜、油麥菜～-啲侍應們都好好服務，幫我哋將成碟螺片花膠放落滾起嘅雞湯度，又會主動幫手去油，呢個價錢嘅服務質素好唔錯😉-打完雞煲邊爐都唔夠喉，我哋再叫咗啲炸物嚟食，炸吉列蠔、炸吉列蝦、炸忌廉薯餅同炸蝦卷都係即叫即炸，水準都唔錯，香脆得嚟唔油膩！飲品方面就點咗兩杯顏色鮮艷、打卡一流嘅藍蝶雪梨同水蜜桃梳打，甜甜地幾清涼解渴🤗-⭐ 參考價錢︰滋補螺片花膠雞煲半隻： $218頂級安格斯牛小排：$188雜菜盤： $70炸吉列蠔：$58、炸吉列蝦：$48、炸忌廉薯餅：$38、炸蝦卷
———————————————-
#豐鍋雞煲 🐣
-
呢間位於深水埗荔枝角道嘅雞煲小店，相當乾淨企理😝招牌雞煲有四款，任君選擇，最近食得太多熱氣嘢，就嚟返個滋補養顏嘅滋補螺片花膠雞煲啦！
-
雞煲真材實料，大大塊花膠同螺片，半隻雞都好足料，唔會剩係得啲骨，舊舊都啖啖肉。湯底味道鮮甜，不禁飲咗好幾碗，加上紅棗同杞子相當滋陰養生。花膠唔算薄身又爽口，螺片亦都好正，有咬口又鮮味🤩
-
食材都好新鮮，雞件滑嫩，我哋亦點咗頂級安格斯牛小排🐮牛肉味道十足，脂肪分布均勻，肉質鬆軟，份量亦不少🥬雜菜盤都幾多種類，包括菜心、生菜、白菜、油麥菜～
-
啲侍應們都好好服務，幫我哋將成碟螺片花膠放落滾起嘅雞湯度，又會主動幫手去油，呢個價錢嘅服務質素好唔錯😉
-
打完雞煲邊爐都唔夠喉，我哋再叫咗啲炸物嚟食，炸吉列蠔、炸吉列蝦、炸忌廉薯餅同炸蝦卷都係即叫即炸，水準都唔錯，香脆得嚟唔油膩！飲品方面就點咗兩杯顏色鮮艷、打卡一流嘅藍蝶雪梨同水蜜桃梳打，甜甜地幾清涼解渴🤗
-
⭐ 參考價錢︰
滋補螺片花膠雞煲半隻： $218
頂級安格斯牛小排：$188
雜菜盤： $70
炸吉列蠔：$58、炸吉列蝦：$48、炸忌廉薯餅：$38、炸蝦卷：$28
藍蝶雪梨：$38、水蜜桃梳打：$38
🍌 抵deal 指數：8/10
💰 人均消費：$300
張貼
