影片
更多
2023-08-21
69 瀏覽
「小火山」位於銅鑼灣堅拿道西（即鵝頸橋對出），對住時代廣場，位置便利。餐廳主打泰式烤鍋，燒肉及火鍋同時進行，仲可以揀埋鴛鴦鍋，三種口味，任君選擇。此外，餐廳仲有Live Music (放心，唔係泰文)，邊食飯邊聽Live幾有氣氛。十八碌扮沙冰 ($78): 實為菠蘿沙冰，菠蘿味重，唔會太甜，非常冰爽，夏天飲確實一流。小火山三味刺身一口杯盛盒 ($138): 共有三款刺身，每款兩杯，分別係泰式生蝦刺身、生蠔及三文魚: 生蝦爽滑，配有蒜粒、辣指及苦瓜享用，微辣，幾有泰式風味；一口生蠔滑嫩，蠔味適中。泰國烤鍋+小火山經典泰豬鍋拼盤 ($298+$20): 兩款口味分別係椰子雞湯及泰式牛骨船湯，湯底出色，十分濃郁，前者椰汁味重，非常鮮香，而後者帶非常濃郁牛骨香，各有特色，但用黎煮金邊粉 ($22) 真係一流，粉麵吸汁，齋粉都夠好食。豬肉有四款，分別係伊比利亞黑毛豬梅花肉、北海道千歲米豚、波蘭A級無骨豬腩、手切泰式豬頸肉: 整體而言，豚味香，幾有肉味，但不同部位及厚度有不同感覺，例如，伊比利亞黑毛豬梅花肉較厚切，肉味較濃郁，油香無其他部位咁重；北海道千歲米豚及波蘭A級無骨豬腩脂肪比例較高，油香重
十八碌扮沙冰 ($78): 實為菠蘿沙冰，菠蘿味重，唔會太甜，非常冰爽，夏天飲確實一流。
小火山三味刺身一口杯盛盒 ($138): 共有三款刺身，每款兩杯，分別係泰式生蝦刺身、生蠔及三文魚: 生蝦爽滑，配有蒜粒、辣指及苦瓜享用，微辣，幾有泰式風味；一口生蠔滑嫩，蠔味適中。
泰國烤鍋+小火山經典泰豬鍋拼盤 ($298+$20): 兩款口味分別係椰子雞湯及泰式牛骨船湯，湯底出色，十分濃郁，前者椰汁味重，非常鮮香，而後者帶非常濃郁牛骨香，各有特色，但用黎煮金邊粉 ($22) 真係一流，粉麵吸汁，齋粉都夠好食。
豬肉有四款，分別係伊比利亞黑毛豬梅花肉、北海道千歲米豚、波蘭A級無骨豬腩、手切泰式豬頸肉: 整體而言，豚味香，幾有肉味，但不同部位及厚度有不同感覺，例如，伊比利亞黑毛豬梅花肉較厚切，肉味較濃郁，油香無其他部位咁重；北海道千歲米豚及波蘭A級無骨豬腩脂肪比例較高，油香重，口感較幼滑；而豬頸肉當然係非常爽滑Juicy。
泰式豬梅花肉片 ($68/100g): 肉味適中，將蛋黃與梅花肉拌勻，燒出黎肉質更為滑嫩。
蝶豆花芒果糯米飯 ($38/2件): 一客有兩件，口味相約，只係飯底有少少唔同，糯米飯微熱，配濃郁香滑嘅椰漿及芒果，一口一件，亦唔會太膩。
張貼
