酒鍋 (V Point) (已結業)

9 0 後 的 味 蕾Bookmark左好耐既餐廳，因為佢可以對住維港view打邊爐，啱晒兩個鍾意既我😝.今次試咗個美人鍋底，湯料好足，有花膠、雞件、豬肚，花膠都幾厚口、又有膠質，充滿口感，唔係好薄個啲，雞件都好滑身，湯底就飲到胡椒味。.上菜方式非常特別，一個圓形嘅木造圍邊，放滿各式各樣嘅食材，一放上枱啱啱好套住鍋底，侍應隨即喺放兩粒乾冰落個湯到，白雪雪嘅煙即時冒出，畫面非常靚，不過如果想同佢影相，一定要把握時機📸.安格斯牛肉黑毛豬肉擺得成朵玫瑰花咁，好靚，最重要係無論係豬肉定牛肉，肉香味都好濃郁，特別欣賞黑毛豬，口感係做到好似牛一樣，好軟綿。.餃子全部都係自家製嘅餡料，最鍾意係黑松露蝦餃、仲有韭菜餃，兩隻味道都好濃郁，而且餃子皮都唔會好厚！.想要一個chill chill 地嘅環境打邊爐，食到高質肉，呢度會係你嘅選擇。