丼瀛 (已結業)

好耐冇去觀塘覓食，試左一間人氣頗高嘅日式小店，聽朋友介紹性價比幾高，而且選擇豐富，丼飯、壽司卷物、刺身拼盤、爐端燒、天婦羅等應有盡有，食材新鮮，價錢亦非常良心❤️丼瀛12道風味 ＄398呢道菜非常啱我呢啲唔想諗食咩嘅人🤣，擺盤非常有特色，將傳統壽司變成12杯獨立嘅迷你壽司杯，好似迷你小丼飯咁，而且食材新鮮，刺身非常足料，帶子大大粒厚身鮮甜、海膽份量亦十分慷慨、松葉蟹肉蟹膏鮮味十足、肉質彈牙嘅鮑魚上枱前已經切好，值得一讚👍🏻什錦天婦羅 ＄78天婦羅有蝦、冬菇、南瓜、茄子同紫薯，即炸熱辣辣上檯，外層炸粉適中唔會太厚，脆卜卜十分好味😋