十下火鍋

之前都試過ATUM旗下嘅餐廳都幾高質，原來銅鑼灣有間行港式懷舊風嘅打卡火鍋店都係佢哋開，裝修頗有心思，用咗唔少舊傢俬電器來佈置，餐廳仲播住90年代經典流行金曲，有種穿越時空，去到昔日老香港嘅感覺～二人套餐 每位$298湯底可以選擇鴛鴦鍋，有多種湯底可以選擇，我地揀左養生豆乳白鍋同埋胡椒豬肚湯。豆乳鍋內有紅棗、杞子、百葉豆腐等，味道清甜滋補。胡椒豬肚湯非常足料，有大量豬肚，味道微辣，養生暖胃之餘又好飲!套餐包左多款火鍋材料，肉類有大刀手切本地牛頸脊，非常厚切，牛味重，份量都幾大，兩個人share完全足夠，而花雕醉雞酒香四溢，雞肉滑嫩。十下三寶滑有墨魚滑、蝦滑、牛肉滑，表面有蟹子，店員仲悉心地幫我地撈勻同落滑，非常彈牙。鳳城水餃平時比較少吃，皮薄陷靚。丸類有三星蔥爆貢丸同埋果皮魚蛋，兩者都好有特色。另外有麻辣雞血刺激一下味蕾，可以即食唔洗煮。加上脆炸響鈴同蔬菜拼盤，話係三人餐都唔過份，真係食到好飽，非常抵食🤣